Fjalori

Rezultate në përkufizime për “shkujdesje”

Mëso si ta përdorësh
<<< Kthehu te kërkimi kryesor në fjalor

INDIFERENCË

INDIFERÉNC/Ë,~A f., libr. Moskokëçarje e mosinteresim për punën, për jetën, për çështjet shoqërore etj., mospërfillje e mungesë shqetësimi sidomos për gjëra që s‘janë vetjake; të qenët indiferent. Indiferencë e plotë (e madhe, e palejueshme). Sheh (përgjigjet, flet, dëgjon) me indiferencë.
✱Sin.: moskokëçarje, mospërfillje, shkujdesje.

INDIFERENTIZËM

INDIFERENTÍZ/ËM,~MI m., libr. Të qenët indiferent; qëndrim a sjellje prej indiferenti, moskokëçarje, mosinteresim për punën dhe për jetën e të tjerëve, për problemet shoqërore etj. Shfaqje të indiferentizmit. Sillet me indiferentizëm. Bie në indiferentizëm.
✱Sin.: mospërfillje, shkujdesje, moskokëçarje.

MOSKOKËÇARJE

MOSKOKËÇÁRJ/E,~A f. sh. ~E, ~ET Mungesë kujdesi, shqetësimi e kokëçarjeje për diçka, shkujdesje; të qenët moskokëçarës. Moskokëçarja e tij për punën ishte sfiduese. Aksidenti u shkaktua nga moskokëçarja. Sillej (fliste, u përgjigj) me moskokëçarje.
✱Sin.: mosinteresim, shkujdesje, mëveshti, mospërfillje, shpërfillje, apati.

SHKUJDESJE

SHKUJDÉSJ/E,~A f. sh. ~E, ~ET 1. Mungesa e vëmendjes dhe e kujdesit të duhur për dikë a për diçka, lënie pas dore; moskokëçarje; kund. kujdesje. Shkujdesje e plotë (e tepruar). Nuk duhet lejuar asnjë shkujdesje.
2. Gjendja e dikujt që është çliruar nga shqetësimet, detyrat, telashet e hallet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë