Fjalori

Rezultate në përkufizime për “shkues”

Mëso si ta përdorësh
<<< Kthehu te kërkimi kryesor në fjalor

DORËMARRËS

DORËMÁRRËS,~I m. sh. ~, ~IT etnogr. 1. Ai që shkon te njerëzit e vajzës për ta kërkuar nuse për dikë; shkues, mblesës. Ishte dorëmarrësi i kësaj mblesërie.
2. Ai që hyn dorëzanë; dorëzanës; garantues.
3. si mb. Sipas kuptimeve të emrit. Pala dorëmarrëse.

LAJMËS

LÁJMËS,~I m. sh. ~, ~IT vjet. 1. etnogr. Ai që shkonte te njerëzit e vajzës për ta kërkuar nuse për dikë, ai që hynte për të bërë një fejesë; shkues, mblesës, krushqar, mesit. Peshqeshi i lajmësit. Çoi (dërgoi) lajmës. Më parë fejoheshin me lajmës. Në krye të gostisë qëndronte lajmësi.
2. Ai që dërgohej për të thirrur ose për të njoftuar njerëzit në raste gëzimi a hidhërimi, lajmëtar. Lajmësi i fshatit.
✱Sin.: mbles, thirrës, lajmëtar, fjalëtor, kasnec.
♦ *Mish pas lajmësi.

LAJTOR

LAJTÓR,~I m. sh. ~Ë, ~ËT etnogr. Lajmës, shkues, mesit. I bënë disa dhurata lajtorit.

LYES

LÝES,~II m. sh. ~, ~IT Lajmës, krushqar, shkues.
✱Sin.: lajmës, krushqar, shkues, mblesës, mesit.

MBLES

MBLES,~I m. sh. ~Ë, ~ËT etnogr. Lajmës, shkues. Erdhi krushku me mblesin.

NDËRMJETËS

NDËRMJÉTËS,~I m. sh. ~, ~IT 1. Ai që hyn në mes të dy palëve për të arritur një marrëveshje, për të bërë një punë ose për të zgjidhur një grindje. Ndërmjetës tregtar. Ndërmjetës për mosmarrëveshjen (për zgjidhjen e konfliktit). Në rolin e ndërmjetësit. Hyri si ndërmjetës. Ndërmjetës ndërkombëtar. Ndërmjetës financiar. Si ndërmjetës ka një familjar të afërt. Roli i ndërmjetësit. Dhoma Kombëtare e Ndërmjetësve.
2. etnogr. Ai që ndërhyn për të bërë një fejesë; lajmës, mbles. Fejesë pa ndërmjetës. U martua me ndërmjetës. E gjeti nusen me ndërmjetës.
3. etnogr. Ndërmjetës bese ai që shkon të kërkojë besë nga familja e të vrarit për familjen e vrasësit; pajtues gjaqesh.
4. Ai që shërben si bartës, si ndërlidhës a si pikë kalimi në mes të dy sendeve a dy dukurive. Ndërmjetës e përhapës të baktereve. Ndërmjetës për kryqëzimin e pemëve.
✱Sin.: ndërhyrës, sekser, lajmës, shkues, mbles, mesit, mestar, bartës, ndërlidhës, dëshmitar, mesës, i ndërmjetëm, ndërhyrës.

SHKELBALTËS

SHKELBÁLTËS,~I m. sh. ~, ~IT vjet., etnogr. Lajmës, shkues. Dërgoi një shkelbaltës. Martesë me shkelbaltës.
✱Sin.: mbles, shkes, mblesëtar, ndërmjetës, krushqar, mesës, mestar, mesit, lyes, kallauz.

SHKES

SHKES,~I m. sh. ~Ë, ~ËT etnogr. Shkues, lajmës, ndërmjetës. Dërgoi shkesin për të marrë fjalën. Këpucët e shkesit.

SHKUESI

SHKUESÍ,~A f. sh. ~, ~TË vjet., etnogr. Lidhja e krushqisë me anë të shkuesit, fejesa e krushqia që bëhej me shkues; puna e shkuesit; lajmësi, mblesëri. Martesë me shkuesi. Nuk martohen më me shkuesi. Kishte bërë shumë shkuesi.
✱Sin.: lajmësi, mblesëri.

THIRRËS

THÍRRËS,~I m. sh. ~, ~IT etnogr. Ai që thërriste njerëzit për dasmë, për mort etj.; ai që lajmëronte të tjerët për diçka ose u kumtonte atyre diçka, ai që i thërriste ose i grishte për diçka.
✱Sin.: shkues, mesit.

VERTEKAÇ

VERTEKÁÇ,~I m. sh. ~Ë, ~ËT keq. Mesit; shkues (thuhet me tallje a përbuzje).
✱Sin.: lajmës, mbles, mblesëtar, shkes, sndërmjetës.

VLUES

VLÚES,~I m. sh. ~Ë, ~ËT etnogr. Shkues, lajmës, mblesës. Vluesi ndërmjetësonte fejesën. Fejesë me vlues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë