Fjalori

Rezultate në përkufizime për “shkokëluar”

Mëso si ta përdorësh
<<< Kthehu te kërkimi kryesor në fjalor

SHKOKLAVITUR

SHKOKLAVÍTUR (i, e) mb. 1. Që është shkoklavitur, që është shpleksur diçka e ngatërruar; kund. i koklavitur. Nyjë e shkoklavitur.
2. Që është sqaruar një çështje e ngatërruar; i zgjidhur; i shkokëluar; kund. i koklavitur. Problem i shkoklavitur.
✱Sin.: i shpleksur, i zgjidhur, i shkokëluar.

SHKOKËLUAR

SHKOKËLÚAR (i, e) mb. 1. Që është shkokëluar, që është bërë kokrra-kokrra (zakonisht për misrin); i shkoqur, i thërrmuar. Misër i shkokëluar. Grurë i shkokëluar.
2. Që është zgjidhur (zakonisht për një kokël). Plis i shkokëluar. Pe i shkokëluar.
3. fig. Që është shkoklavitur; i zbërthyer në pjesët përbërëse; i sqaruar; i zgjidhur. Çështje e shkokëluar. Problem i shkokëluar.
✱Sin.: i shkoqur, i thërrmuar, i sqaruar, i zgjidhur.

SHKOQUR

SHKÓQUR (i, e) mb. 1. Që është ndarë nga kalliri a nga bishtaja, që është bërë kokrra-kokrra, që është shkoqur. Kalli i shkoqur. Kokrra të shkoqura.
2. Që është thërrmuar; i shkrifët, kokrra-kokrra. Plis i shkoqur. Bukë e shkoqur. Pilaf i shkoqur.
3. Që është shpërndarë, që është shkëputur nga të tjerët; i përhapur. Ushtri e shkoqur.
4. bised. Që është shkoqitur; i qartë. Detyra të shkoqura. Plan i shkoqur. I ka mendimet e shkoqura.
5. bised. Që janë bërë më të vogla, që janë thyer (për paratë). Para të shkoqura.
6. bised. Që lëviz, që nuk ka qëndrueshmëri; i lëvizshëm; kund. i palëvizshëm. Dhëmbë të shkoqur.
✱Sin.: i shkërmoqur, i thërrmuar, i ronitur, i shkrifët, i shkokëluar, i dërrmuar, i shpërndarë, i përhapur, i shkëputur, i ndarë, shkoqitur, i sqaruar, i caktuar, i përcaktuar, i kuptueshëm, i qartë, i pastër.

SHKOQUR

SHKÓQUR (i, e) mb. 1. Që është ndarë nga kalliri a nga bishtaja, që është bërë kokrra-kokrra, që është shkoqur. Kalli i shkoqur. Kokrra të shkoqura.
2. Që është thërrmuar; i shkrifët, kokrra-kokrra. Plis i shkoqur. Bukë e shkoqur. Pilaf i shkoqur.
3. Që është shpërndarë, që është shkëputur nga të tjerët; i përhapur. Ushtri e shkoqur.
4. bised. Që është shkoqitur; i qartë. Detyra të shkoqura. Plan i shkoqur. I ka mendimet e shkoqura.
5. bised. Që janë bërë më të vogla, që janë thyer (për paratë). Para të shkoqura.
6. bised. Që lëviz, që nuk ka qëndrueshmëri; i lëvizshëm; kund. i palëvizshëm. Dhëmbë të shkoqur.
✱Sin.: i shkërmoqur, i thërrmuar, i ronitur, i shkrifët, i shkokëluar, i dërrmuar, i shpërndarë, i përhapur, i shkëputur, i ndarë, shkoqitur, i sqaruar, i caktuar, i përcaktuar, i kuptueshëm, i qartë, i pastër.

SHUSHLAK

SHUSHLÁK,~U m. 1. Drithë i lig, me kokrra të shurdhëta. Pastroi shushlakun.
2. Fundërrinat e misrit të shkokëluar, të sharrës a të prodhimeve të tjera. I hodhi shushlakët.
3. fig. Gjëra pa vlerë. E trajtoi si shushlak.
4. fig. Ai që është mendjelehtë. Djalë shushlak.

ÇNGATËRRUAR

ÇNGATËRRÚAR (i, e) mb. Që është çngatërruar, i shkoklavitur; kund. i ngatërruar. Zinxhir i çngatërruar. Fije të çngatërruara. Flokë të çngatërruar.
✱ Sin.: i zgjidhur, i shpleksur, i shkoklavitur, i shkokëluar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë