Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
GJALLËRÚAR (i, e) mb. Që është gjallëruar; i ripërtëritur. Atmosferë e natyrë e gjallëruar.
2. I shkathtësuar; që ka dalë nga plogështia. Fëmijë i gjallëruar.
✱Sin.: i ripërtëritur, i rinuar, i zhdërvjelltë, i përtëritur, i këndellur, i shkrifëruar, i shkathtësuar, i çndryshkur.
PËRGJALLÚAR (i, e) mb. I gjallëruar e i shkathtësuar.
►SHKATHTËS/ÓHEM jovep., ~ÓVA (u), ~ÚAR 1. vetv. Bëhem i shkathët a më i shkathët, zhdërvjelltësohem. Shkathtësohem duke punuar. Ka filluar të shkathtësohet. Më janë shkathtësuar duart.
2. pës. e SHKATHTËSÓJ.
✱Sin.: zhdërvillem, zhdërvjelltësohem, shkathem, shkrydhem, rinohem, aftësohem, çelem.
SHKATHTËSÚAR (i, e) mb. Që është shkathtësuar; i zhdërvjelltësuar. Fëmijë i shkathtësuar. Shitëse e shkathtësuar.
✱Sin.: i zhdërvjellë, i zhdërvjelltësuar, i shkathur.
SHKÁTHUR (i, e)I mb. Që është shkathur; i shkathtësuar. Djalë i shkathur. Vajzë e shkathur.
✱Sin.: i zhdërvjellë, i zhdërvjelltësuar, i shkathtësuar.
STËRVÍTUR (i, e) mb. 1. Që ka fituar aftësi dhe përvojë në një punë pas një kohe të gjatë; i ushtruar, i mësuar; që është shkathtësuar e zhvilluar me ushtrim të vazhdueshëm. Ishte një djalë i stërvitur me këto situata të vështira. Ushtarët e stërvitur u mobilizuan të parët. Kishte një vesh të stërvitur për njohjen e muzikës së mirë. Ishte një mjek i sprovuar e i stërvitur me këto lloj ndërhyrjesh.
2. Që ka mësuar të bëjë diçka me anë të ushtrimeve (për kafshët). Kalë i stërvitur. Qen i stërvitur.
✱Sin.: i ushtruar, i praktikuar, i trajnuar, i përgatitur, i parapërgatitur, i kalitur, i regjur, i çelikosur, i mushtuar, i thekur, i vuajtur, i rrahur, mjeshtëror.
USHTRÍM,~I m. sh. ~E, ~ET 1. Veprimi kur dikush ushtron a ushtrohet. Ushtrimi i trupit (i krahëve, i këmbëve). Ushtrimi i sportit. Ushtrimi i gjuetisë (i peshkimit). Ushtrimi i profesionit.. Ushtrimi i forcës. Ushtrimi i pushtetit. Ushtrimi i kontrollit. Ushtrimi i të drejtave (i ligjeve).
2. sport. Lëvizje të caktuara të trupit a të gjymtyrëve që përsëriten rregullisht për t’u shkathtësuar ose për të fituar shprehitë e nevojshme; lëvizjet a figurat që bën dikush në një vegël sportive etj. Ushtrime gjimnastikore (fiskulturore). Ushtrime të thjeshta. Ushtrimet e manifestimit. Ushtrime në unaza (në paralele). Ushtrime për nxehje. Ushtrim me pistoletë. Ushtrime me trup të lirë. Bëj ushtrimin e parë.
3. Detyrë që i jepet dikujt (zakonisht nxënësit a studentit) për të ngulitur më mirë njohuritë a rregullat e mësuara ose për të fituar shprehitë e nevojshme gjatë zbatimit të këtyre shprehive a rregullave. Ushtrim i thjeshtë. Ushtrim i lehtë (i vështirë). Ushtrime aritmetike (gjuhësore, drejtshkrimore). Ushtrime të foluri. Ushtrime me katër veprime (mat.) Përmbledhje ushtrimesh. Zgjidh ushtrimin. Shkruaj ushtrimin.
4. fin. Tërësia e veprimeve që kryhen për të zbatuar buxhetin shtetëror gjatë një periudhe të caktuar. Ushtrimi financiar. Ushtrimi vjetor. Mbyllja e ushtrimit.
✱Sin.: stërvitje, praktikim, praktikë, mësim, gjimnastikë.
VETËKALÍTJ/E,~A f., libr. 1. Kalitje e vetvetes duke punuar në kushte të vështirësi për t’u edukuar mirë për t’u bërë më i fortë dhe për të qenë në gjendje për të përballuar çdo të papritur a vështirësi. Vetëkalitje në punë. Vetëkalitja e të rinjve.
2. Kalitje e vetvetes duke u marrë me sporte e me gjimnastikë duke u shkathtësuar dhe forcuar fizikisht. Vetëkalitje në sport. Vetëkalitje në vegla.
VETËKALÍTUR (i, e) mb., libr. 1. Që është kalitur vetë në punë e në vështirësi duke u bërë më i fortë për të përballuar çdo të papritur a vështirësi. Ai është i vetëkalitur në punë.
2. Që është kalitur vetë duke u marrë me sporte e me gjimnastikë duke u shkathtësuar dhe forcuar fizikisht. I vetëkalitur në sport. I vetëkalitur në atletikë.
VETËKALÍTËS,~E mb., libr. 1. Që kalit vetveten në punë e në vështirësi duke u bërë më i fortë për të përballuar çdo të papritur a vështirësi. Njeri vetëkalitës.
2. Që kalit vetveten duke u marrë me sporte e me gjimnastikë duke u shkathtësuar dhe forcuar fizikisht. Sportist vetëkalitës.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë