Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
NGATËRRÚAR (i, e) mb. 1. Që është lidhur a bërë bashkë pa rregull, i koklavitur; kund. i çngatërruar, i shkoklavitur. Me flokë të ngatërruar. Lëmsh i ngatërruar. Fletë të ngatërruara.
2. fig. I vështirë për t’u kuptuar a për t’u zgjidhur, i paqartë; i ndërlikuar, i koklavitur. Shprehje të ngatërruara. Mendime (ide) të ngatërruara. Gjendje (punë) e ngatërruar. Ushtrime (probleme) të ngatërruara. Çështje të ngatërruara.
3. I zënë e i grindur me njerëzit. I ngatërruar me të gjithë lagjen.
✱Sin.: i koklavitur, i pleksur, i mpleksur, i korkolepsur, i rrëmujshëm, i turbullt, i ndërliksur, i paqartë, ujem, i vëngër, i ndërlikuar, i vështirë, i stërholluar, i shpupurishur, i shprishur, i tutëluar, i tollovitur, i pështjelluar, i pashkoqitur, i çatrafiluar, i sëkëlldisur, i shkartisur, i trazuar, i çoroditur, i shpupuritur, i rrëmihur.
PËRZÍER (i, e) mb. 1. Që ka dalë nga përzierja e gjërave të ndryshme; që përmban gjëra të ndryshme a lloje të ndryshme të së njëjtës lëndë, të hedhura e të ngatërruara bashkë; jo i thjeshtë. Pije e përzier. Vaj i përzier. Miell i përzier.
2. Që përbëhet nga sende të ndryshme, të vëna e të ngatërruara bashkë; që është formuar nga elemente të natyrave të ndryshme. Pyll i përzier (gjeog.) pyll me lloje të ndryshme drurësh. Artikuj të përzier (vjet.) artikuj të ndryshëm industrialë.
3. Që përbëhet nga përfaqësues organesh a organizatash të ndryshme. Komision i përzier.
4. Që përbëhet nga meshkuj e femra, që përfshin njerëz nga të dy sekset. Shkollë e përzier. Kor i përzier. Martesë e përzier (etnogr.).
✱Sin.: i nakatosur i trazuar, i shkartisur, i karashtisur, i ngatërruar, ujem, turli, heterogjen, i papastër, i rrëmujshëm, i shumëllojshëm, laraquk, larush, melez, mulat.
SHKARTÍSJ/E,~A f. sh. ~E, ~ET 1. Veprimi kur përziejmë a ngatërrojmë diçka; përzierje. Shkartisja e flokëve. Shkartisja e jastëkëve. Shkartisja e pasagjerëve. Shkartisje shkronjash.
2. Gjendja kur është shkartisur diçka. Shkartisja e mëngjesit.
3. Veprimi kur veçojmë diçka. Shkartisja e të lashtave.
4. fig. Veprimi kur shtiem në ngatërresë dikë. Mbjell shkartisje kudo që shkon.
✱Sin.: nakatosje, pështjellim, ngatërrim, trazim.
SHKARTÍSUR (i, e) mb. 1. Që është i përzier me diçka tjetër; që është shkartisur. Pemë të shkartisura. Lesh i shkartisur. Qumësht i shkartisur qumësht i përzier me ujë.
2. fig. Që janë jo të qarta; të ngatërruara. Gjë e shkartisur. Mendime të shkartisura.
✱Sin.: i përzier, i nakatosur, i ngatërruar, i trazuar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë