Fjalori

Rezultate në përkufizime për “shkaltore”

Mëso si ta përdorësh
<<< Kthehu te kërkimi kryesor në fjalor

SHKALC

SHKALC,~I m. sh. ~A, ~AT 1. Tezgë prej dërrasash që mbahet nga dy veta, tezgë me një trinë thuprash që përdoret për të mbajtur dhe a pleh. Mbart gurë (gëlqere) me shkalc. Shkalc me pleh.
2. Karrocë dore. Ngarkoj shkalcin me pleh. Iu pengua shkalci në një gropë.
3. Trinë thuprash e lugët, ku rrahin misrin për ta shkoqur. E rrah misrin në shkalc.
4. vjet. Vig me të cilin transportoheshin të sëmurët. U shtri në shkalc. I mbartën të plagosurit me shkalc.
5. Enë ku shtypin rrushin a ullinjtë. Shkel rrush në shkalc.
6. Vegël për të shkelur shajak, dërstilë. Shajak i rrahur në shkalc.
✱Sin.: vig, trinë, tezgë, govatë, dërstilë, shkaltore.
♦ U bëra për shkalc u lodha aq shumë, sa nuk qëndroj dot më këmbë, u rraskapita; më doli shkumë (nga goja). E bëri për shkalc (dikë) e rrahu aq fort, sa nuk mund të qëndronte dot më në këmbë a të ecte vetë; e bëri për dyshek.

SHKALTORE

SHKALTÓR/E,~JA f. sh. ~E, ~ET Vegël me ujë që shërben për të shkelur shajakun; valanicë, dërstilë. Shajak i rrahur në shkaltore. Dërgoj në shkaltore.
✱Sin.: dërstilë, rrahstulë, valanicë, venicë.

VOJAVICË

VOJAVÍC/Ë,~A f. sh. ~A, ~AT Dërstilë, valanicë; mjet për t’i shkelur e përpunuar zhgunat.
✱Sin.: dërstilë, valanicë, rrahstulë, venicë, shkaltore.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë