Fjalori

Rezultate në përkufizime për “shkalje”

Mëso si ta përdorësh
<<< Kthehu te kërkimi kryesor në fjalor

SHKALJE

SHKÁLJ/E,~A f. sh. ~E, ~ET mit. 1. Veprimi kur merr ndëshkim nga orët a zanat; shuplakje. I erdhi e papritur ajo shkalje.
2. Gjendja kur dikush ndihet si i ndëshkuar nga orët e zanat. Nuk po e përballonte dot atë shkalje.
✱Sin.: shajtim, shitim, shuplakje, alivan.

SHUPLAKJE

SHUPLÁKJ/E,~A f. vet. nj. 1. Veprimi kur shuplakoj dikë ose kur shuplakohem. E ndjeu shuplakjen. Shuplakje e fortë.
2. mit. Ndëshkim nga orët a zanat.
✱Sin.: shitim, shkalje.

SHUPLAKË

SHUPLÁK/Ë,~A f. sh. ~A, ~AT 1. Pëllëmba e dorës; shpullë, dackë. Shuplakat e dorës. - Krahët lart, shuplakat përpara (përbrenda)! Rrah shuplakat duartrokas. Ia veshi me shuplakë i ra me pëllëmbë.
2. Goditje me pëllëmbë, pëllëmbë, shpullë. Shuplakë e fortë. Hëngri ca shuplaka. E qëlloi disa herë me shuplaka.
3. Goditje a shkalje prej zanave ose prej orëve; shuplakje. Mori shuplakë u shitua.
4. fig. Veprim që është për dikë një goditje e fortë a një fyerje e rëndë. E hëngri një shuplakë të fortë. U turpërua nga ajo shuplakë e rëndë. Nxori mësim nga ajo shuplakë.
5. Masë gjatësie sa katër gishtat e dorës për së gjeri e të puqur njëri me tjetrin. Një shuplakë borë. Dy pëllëmbë e një shuplakë i gjerë.
6. Pjesë e sëpatës që kthehet poshtë me kënd të drejtë.
✱Sin.: pëllëmbë, shpullë, dackë, flakaresh, flakërimë, paravesh, backë, lapër, strunxë, shukretë, shputë, partinë, shitë.
♦ I dha një shuplakë (një dackë) (dikujt a diçkaje) e qortoi rëndë dikë, i dha një mësim të mirë; i dha një dënim të merituar; i dha një goditje diçkaje. Fshihet nën *hijen e shuplakës (dikush). tall. Mori (hëngri) një shuplakë (një dackë) (dikush a diçka) mori një mësim të mirë dikush për atë që tha a që bëri, mori dënimin e merituar; mori një goditje diçka. E mbaj në shuplakë (në *pëllëmbë) të dorës (dikë).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë