Fjalori

Rezultate në përkufizime për “shkërbe”

Mëso si ta përdorësh
<<< Kthehu te kërkimi kryesor në fjalor

BABA

BABÁ,~U m., mit., arb. Qenie përrallore, që përfytyrohej me trup jashtëzakonisht të madh e me pamje të shëmtuar e të frikshme; përbindësh, mosmerë.
✱Sin.: përbindësh, mosmerë, lubi, shkërbe, gogol, lugat.

EGËRSIRË

EGËRSÍR/Ë,~A f. sh. ~A, ~AT 1. Kafshë e egër grabitqare, bishë. Egërsirat e pyllit. Dhe Perëndia bëri egërsirat e tokës sipas llojit të tyre. Natën dëgjoheshin ulërimat e egërsirave. Misërishtet zhurmuan sikur të kishte vrapuar ndonjë egërsirë.
2. fig. Njeri shumë i egër e i pamëshirshëm; njeri që sillet shumë keq me të tjerët. Egërsirat terroriste. U shndërrua në egërsirë të pangopur. Vitet e burgut e kthyen në egërsirë.
✱Sin.: bishë, kafshë, shtazë, shkërbe, egërti, shpirtkazmë, mizor, gjakpirës.

LUBI

LUBÍ,~A f. sh. ~, ~TË 1. mit. Figurë e mitologjisë shqiptare, që përfytyrohej si një gjarpër keqbërës shumë i madh, me bisht të gjatë, me disa krerë dhe i pangopshëm, i ngjashëm me kuçedrën.
2. fig., keq. Njeri që ha shumë, njeri i pangopshëm.
3. krahin. Stuhi. Lubia e detit. S’është erë, është lubi.
✱Sin.: kuçedër, përbindësh, shkërbe, i pangopshëm, lakmitar, stuhi, furtunë.
♦ Ka lubinë në bark (dikush) keq. ha shumë, nuk ngopet kurrë, është i pangopshëm.

PËRBINDËSH

PËRBÍNDËSH,~I m. sh. ~A, ~AT 1. mit. Qenie përrallore e frikshme e tmerruese, që përfytyrohej me trup jashtëzakonisht të madh e me pamje të shëmtuar, monstër. Si një përbindësh që përpin çdo gjë.
2. fig. Kafshë grabitqare me trup shumë të madh. Peshkaqeni është një përbindësh i detit.
3. fig., keq. Njeri jashtëzakonisht i pashpirt e i neveritshëm, që mund të kryejë veprat më mizore e më të poshtra, vrasës e shfrytëzues shumë i egër e gjakpirës. Përbindëshat nazistë. U soll si përbindësh.
4. mjek. Qenie njerëzore ose kafshë me një formim krejt të çrregullt.
✱Sin.: mosmerë, lubi, përbimë, shkërbe, çmerim, përgjëratë, mizor, gjakatar, gjakpirës, kuçedër, bishë, bishar, hidër, gogol, i pashpirt, shëmti, shëmtim, shëmtirë, i neveritshëm, vrasës, shfrytëzues, egërsirë.

SHAURET

SHAURÉT,~I m. sh. ~ËR, ~ËRIT Hija e të vdekurit, fantazmë; përbindësh; lugat. Sillej si një shauret. Ishte kthyer në shauret. Rrinte si shauret.
✱Sin.: fantazmë, përbindësh, lubi, shkërbe, gogol, lugat.

SHKËRBE

SHKËRBÉ,~JA f. sh. ~, ~TË krahin. 1. Bishë, egërsirë; shpend i madh grabitqar. Shkërbe mali. I doli një shkërbe në pyll.
2. Përbindësh, lubi. Shkërbe e shëmtuar.
3. fig. Ai që është si një bishë. E mbajtën atë shkërbe në gjirin e tyre. Kacafyten si shkërbe.
✱Sin.: bishë, egërsirë, shtazë, kafshë.

SHKËRBEJ

SHKËRB/ÉJ vep., ~ÉVA, ~ÝER kal. Kopjoj një mënyrë sjelljeje a të foluri të dikujt; bëj diçka sipas një modeli; imitoj; përqesh. - Mos shkërbe të keqen. Shkërben tingëllimin e çiftelisë. Shkërben të tjerët. Shkërben përrallat.
✱Sin.: imitoj, përqesh, qesëndis, tall.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë