Fjalori

Rezultate në përkufizime për “shitohem”

Mëso si ta përdorësh
<<< Kthehu te kërkimi kryesor në fjalor

NGUROSEM

►NGURÓS/EM jovep., ~A (u), ~UR 1. vetv., vet. v. III Shndërrohet në gur ose bëhet si gur; ngurtësohet; kund. çngurosem. Nguroset lava. Nguroset llaçi. Janë ngurosur bimët në thellësi të tokës.
2. fig., vetv. Mbetem pa lëvizur e pa folur nga habia, nga frika etj., ngrij, shtang në vend. U nguros nga habia.
3. fig., vetv. Humbet aftësinë për t’u ndryshuar a për t’u zhvilluar; ngrin në një trajtë. Nguroset gjuha. Nguroset një shprehje (një trajtë).
4. pës. e NGURÓS.
✱Sin.: ngurtësohet, gurëcohet, gurëzohet, gurohet, breshnohet, guroset, shtang, shtangem, ngrij, shitohem, shuplakem, shkalem.

PARALIZOHEM

►PARALIZ/ÓHEM jovep., ~ÓVA (u), ~ÚAR 1. mjek., vetv. Humbas aftësinë për të lëvizur gjymtyrët a një pjesë të trupit; vet. v. III e zë paraliza një gjymtyrë a një organ, ngrin. Iu paralizua krahu (këmba). I është paralizuar gjysma e trupit.
2. fig., vetv., vet. v. III Ndërpret veprimtarinë e gjallë e zhvillimin, ngec në vend. U paralizua puna. U paralizua ekonomia. U paralizua jeta e vendit.
3. fig., vetv. Humbas mundësinë të veproj lirisht, mbërthehem keq. U paralizuan krejt.
4. pës. e PARALIZÓJ.
✱Sin.: galacohem, mpihem, gozhdohem, bllokohem, pikohem, damllosem, shitohem, shuplakem, shkelem, thahem, rrëgjohem, rëndohem, ngecem, mbërthehem.

PLAGOSEM

►PLAGÓS/EM jovep., ~A (u), ~UR 1. vetv. Marr plagë në një pjesë të trupit, bëhem me plagë. U plagos në dorë (në shpatull, në këmbë). U plagos pak (lehtë, rëndë).
2. vetv., vet. v. III Pëson një të çarë ose dëmtohet nga një goditje (për bimët).
3. fig., vetv. Pësoj një tronditje të madhe shpirtërore, lëndohem në shpirt, pikëllohem, brengosem; prekem rëndë. U plagos në zemër.
4. pës. e PLAGÓS.
✱Sin.: plagem, plagohem, lëndohem, varrohem, lëvarrem, shitohem, lavosem, brengosem, vritem, dërrmohem, fshikem, goditem, copëtohem, mbretem, gjakosem, shembem, gandohem, shajtohem, çahem, dëmtohem, prekem, pikëllohem, hidhërohem.
♦ M’u plagos *zemra (shpirti) (nga dikush a nga diçka).

SHAJNITEM

SHAJNÍT/EM jovep., ~A (u), ~UR vetv. 1. Mbetem i shtangur, ngel si i shituar, magjepsem. Më ngjau se u shajnita. U shajnitën kur e panë atë vegim.
2. Dënohem me një mallkim, mallkohem. Pse duhet të shajnitem kështu?
✱Sin.: shitohem, nëmem, mallkohem, shkalem.

SHAJTOHEM

►SHAJT/ÓHEM jovep., ~ÓVA (u), ~ÚAR 1. vetv. Vritem keq në një gjymtyrë a në një pjesë të trupit, duke u goditur pas diçkaje të fortë, shembem. U shajtova për fajin tënd. Ruani mos të shajtoheni! U shajtua keq.
2. vetv. Goditem; ngurosem, shtangem, mbërthehem në vend. U shajtua në vend. Mbaje veten e mos u shajto!
3. vetv., fig. Pikëllohem, helmohem, brengosem, bëhem pikë e vrer; shkatërrohem. Shajtohem larg vendit tim. Shajtohem për fatin tim.
5. pës. e SHAJTÓJ. Shajtohem prej tij gjithmonë. Po shajtohem nga mendimet e errëta.
✱Sin.: shajtohem, shembem, vritem, plagosem, pikëllohem, helmohem, vrerosem, shitohem.

SHITOHEM

►SHITÓHEM jovep., ~ÓVA (u), ~ÚAR vetv. 1. Ngurosem nga këmbët e duart dhe humb gojën i magjepsur ose i ndëshkuar nga zanat a orët; shuplakem. Shitohem prej hijeve.
2. pës. e SHITÓJ. U shitua nga zanat.
✱Sin.: shitohem ngurosem, shuplakem, shkelem, shkalem, hukatem, hasem, plagosem.

SHKALEM

►SHKÁL/EMII jovep., ~A (u), ~UR 1. vetv. Mbetem si i shituar, si i shkelur nga hijet, shuplakem. Kujtonin se ishte shkalur.
2. fig. Prishem nga mendtë, lajthitem, shkallohem. Ç’pati, u shkal? U shkal nga vapa.
3. pës. e SHKAL.
✱Sin.: shitohem, çmendem, shuplakem, shkallohem.

SHKELEM

►SHKÉL/EM jovep., ~A (u), ~UR 1. vetv. Shkelim njëri-tjetrin. Njerëzit shtyheshin e shkeleshin. U shkelën e u copëtuan.
2. vetv., vet. v. III Bashkohet me mashkullin, pllenohet (zakonisht për shpendët). Shpendët u shkelën.
3. pës. e SHKEL.
✱Sin.: shtypem, ndrysem, pllenohet, shitohem, shuplakem, hukatem.

SHUPLAKEM

►SHUPLÁK/EM jovep., ~A (u), ~UR 1. vetv. Sëmurem duke menduar se më goditin hijet, shkalem.
2. pës. e SHUPLÁK.
✱Sin.: shkalem, hasem, shitohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë