Fjalori

Rezultate në përkufizime për “shfrehem”

Mëso si ta përdorësh
<<< Kthehu te kërkimi kryesor në fjalor

HARBOHEM

►HARB/ÓHEM jovep. ~ÓVA (u), ~ÚAR bised. 1. vetv. Sillem lart e poshtë, në vende të ndryshme. Harbohet rrugëve. U harbua nëpër livadhe.
2. vetv. Largohem me vrap a me nxitim nga një vend në tjetrin. Harbohet nëpër fushë.
3. vetv. Hidhem e lodroj, duke bërë rrëmujë e zhurmë. Harbohen fëmijët. Harbohem nga muzika. U harbuan qengjat.
4. vetv. Rritem shumë dhe shpejt, harlisem. Harbohet hardhia.
5. vetv. Bëhem i shfrenuar a i tërbuar; tërbohem tej mase. Harbohem nga inati. U harbua moti.
6. fig., keq., vetv. Tërbohem tej mase, s'u vë fre ndjenjave, dëshirave dhe epsheve, shthurem dhe jepem pas qejfeve; azdisem. Kërcenin e harboheshin. U harbua pas grave (pas fustaneve).
7. pës. e HARBÓJ7-9.
✱Sin.: harlisem, azdisem, tërbohem, shfrenohem, shpërthej, shfrehem, sorrollatem.

SHFREHEM

►SHFRÉ/HEM jovep., SHFRÉVA (u), SHFRÝER vetv. Shfaq së jashtmi ndjenjat e mendimet e mia, zbrazem. Shfrehem lirshëm. Dua të shfrehem një herë e mirë. Nuk kishte kujt t’i shfrehej. Le të shfrehet, se lirohet. Shfrehem me inat.
✱Sin.: shkarkohem, zbrazem, zhdëfrehem.

SHFRYHEM

►SHFRÝH/EM jovep., ~VA (u), ~RË 1. vetv., vet. v. III Zvogëlohet nga vëllimi, i del ajri i ngjeshur që ka pasur. Tullumbacet e ditëlindjes u shfrynë. U shfry topi (goma). U shfry balloni. U shfry vetë. Topi u shpua dhe u shfry menjëherë. U shfry si flluskë sapuni i hiqet mbulesa e del me fytyrën e vërtetë, zbardhet një e vërtetë.
2. vetv. Më ulet a më ikën fare të ënjturit; çënjtem; kund. fryhem. M’u shfry këmba. Iu shfry faqja, pasi hoqi dhëmbin e infektuar.
3. vetv., vet. v. III Rritet vëllimi i ujit dhe del jashtë. U shfry liqeni. U shfry lumi e mori gjithçka para.
3. vetv., fig. Shfrehem me fjalë ndaj dikujt duke i folur rëndë, zbrazem duke ia nxjerrë inatin; shfryj. Iu shfry kot. Shfryhem në të. Shfryhet me të madhe.
5. vetv., vet. v. III, fig. Lehtësohet a shkon deri në sheshim diçka; shterohet, zhduket. Tensionet u shfrynë pas asaj ndërhyrjeje. U shfrynë të gjitha argumentet.
4. vet. v. III, pës. e SHFRYJ. Gomat u shfrynë nga një mekanik. U shfrynë normat nga ministri i ri. Dosja u shfry nga gjykatësi.
✱Sin.: zbrazem, shkarkohem, shfrehem, çënjtem.

SHKARKOHEM

►SHKARK/ÓHEM jovep., ~ÓVA (u), ~ÚAR 1. vetv. (zakon. me një trajtë të shkurtër të përemrit vetor në r. dhanore). Shfrej inatin te dikush, i zbrazem dikujt. Iu shkarkua të shoqit. Iu shkarkua punëtorëve. Nuk kam kujt t’i shkarkohem.
2. vetv. Lehtësoj veten nga përgjegjësia për diçka, përpiqem të tregoj se nuk kam faj, shfajësohem. Nuk ka si shkarkohet nga gabimi që ka bërë. Shkarkohet nga përgjegjësia.
3. vetv., vet. v. III Çlirohet nga ajo që mban. Reja e zezë u shkarkua nga mëngjesi. U shkarkua bateria (akumulatori).
4. pës. e SHKARKÓJ. U shkarkua nga puna me një vendim të shpejtë nga eprori.
✱Sin.: zbrazem, shfrehem, shfajësohem, lehtësohem, hiqem, lirohem.

ZHDËFREHEM

►ZHDËFR/ÉHEM jovep., ~ÉVA (u), ~ÝER vetv. Zbrazem a shfrej mbi dikë; shfryj. Iu zhdëfrehet tërë inat.
✱Sin.: shfryhem, shfrehem, zbrazem, shkarkohem.

ÇMËLLEHEM

►ÇMËLLÉH/EM jovep., ~A (u), ~UR vetv. I nxjerr mllefin dikujt, i shfryhem.
✱Sin.: shfryhem, shfrehem, zbrazem, shkarkohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë