Fjalori

Rezultate në përkufizime për “shfarosem”

Mëso si ta përdorësh
<<< Kthehu te kërkimi kryesor në fjalor

ASGJËSOHEM

►ASGJËS/ÓHEM jovep., ~ÓVA (u), ~ÚAR 1. vetv. Shkatërrohem plotësisht, zhdukem përgjithmonë. Asgjësohem moralisht (shpirtërisht).
2. pës. e ASGJËSÓJ. Asgjësohen mbeturinat. U asgjësuan shpezët e prekura me grip.
✱Sin.: zhdukem, shuhem, shfarosem, shkatërrohem, zhbëhem, zhbihem, shpërbëhem, eliminohem.

FAROHEM

►FAR/ÓHEM jovep., ~ÓVA (u), ~ÚAR bised. 1. Shfarosem. U faruan kundërshtarët.
2. bised. Kam uri shumë të madhe, më grin uria. U faruan për bukë.
3. Vendosem, ngulem në një vend, hedh rrënjë diku. Ishin faruar në një vend pjellor.
✱Sin.: shfarosem, farosem, vendosem.

FAROSEM

►FARÓS/EM jovep., ~A (u), ~UR bised. Farohem. U faros ushtria armike.
✱Sin.: farohem, vendosem, shfarosem, shkretohem.

PËRFAROHEM

►PËRFAR/ÓHEM jovep., ~ÓVA (u), ~ÚAR vetv. Shfarosem.

PËRSHUHEM

►PËRSH/ÚHEM jovep., ~ÓVA (u), ~ÚAR vetv. Zhdukem, shfarosem.

SHEFATEM

►SHEFÁT/EM vep., ~A (u), ~UR 1. vetv. Shkatërrohem plotësisht, shuhem, shfarosem. U shefat në vetmi. Ruhem mos shefatem. U shefata pas asaj ngjarjeje.
2. pës. e SHEFÁT. U shefat një institucion prej saj. Toga armike u shefat nga ushtria. Qyteti u shefat nga bomba atomike.
✱Sin.: asgjësohem, shuhem, shkatërrohem, shfarosem, zhdukem, zhbihem.

SHFAROHEM

►SHFAR/ÓHEM jovep., ~ÓVA (u), ÚAR 1. vetv. Zhdukem krejtësisht. Shfarohem dalëngadalë. Më mirë shfarohem sesa të zë be.
2. pës. e SHFARÓJ. Bimët u shfaruan nga sëmundja. Do të shfarohen të gjithë armiqtë e saj.
✱Sin.: asgjësohem, shuhem, farohem, farosem, përfarohem, shfarosem, fikem, shqimem, zhduket, shuhet, kërdiset, zhbëhet, gjymtiset.

SHUHEM

►SHÚHEM jovep., ~SHÓVA (u), ~SHÚAR 1. vetv., vet. v. III Nuk digjet më, nuk është më i ndezur; kund. ndizet. Flaka filloi të shuhej ngadalë. U shua zjarri. Iu shua cigarja. - Mos e lër të shuhet zjarri!
2. vetv., vet. v. III Nuk jep më dritë a nuk ndriçon më; kund. ndizet. U shuan yjet. U shua qiriu (shkrepësja, llamba, kandili).
3. vetv., vet. v. III Ndalet a ndërpritet puna e një pajisjeje duke e ndërprerë furnizimin me energji elektrike; fiket; kund. ndizet. U shua televizori. U shua pas një ore.
4. vetv., vet. v. III, fig. Fashitet diçka dalëngadalë e zhduket dalëngadalë. Iu shua vaji (e qara). Iu shua lumturia (gëzimi, besimi, dashuria, frymëzimi). Nuk iu shuan shpresat. Buzëqeshja iu shua përnjëherësh. Iu shua mëria (inati, zemërimi). U shua dyshimi (sherri, grindja). U shuan disa nga traditat tona. U shuan diskutimet. U shua ajo lloj letërsie.
5. vetv., vet. v. III, fig. Ulet a dobësohet dalëngadalë diçka derisa të mos ndihet më, meket, pushon. M’u shua zëri. Iu shua kënga në buzë. U shuan tingujt e violinës. U shuan duartrokitjet (të bërtiturat, të qeshurat). U shuan dridhjet e tokës.
6. vetv., vet. v. III, drejt. Merr fund, nuk vepron më një detyrim, një dënim penal a një privilegj; shlyhet. U shua detyrimi (dënimi, dorëzania).
7. vetv., vet. v. III Më përmbushet një nevojë jetësore a dëshirë shpirtërore. Mezi iu shua etja. Iu shua uria vetëm pas disa orësh.
8. vetv., bised. Shfarosem a zhdukem nga faqja e dheut, marr fund; rrënohem, përfarohem. U shua e gjithë familja në një aksident. Nuk shuhet një popull trim. Iu shua shtëpia (dera, tërë fisi). Iu shua fara. U shuan pulat. U shofshin të gjithë! (mallk.)
9. vetv., vet. v. III Shkretohet, mbetet shkretë, mbetet pa banorë e pa jetë. U shua e gjithë krahina. U shuan shumë fshatra.
10. vetv., bised. Lodhem shumë, këputem, rraskapitem; gajasem. U shua në punë (së punuari).
11 vetv., vet. v. III Fshihet vetiu diçka e shkruar dhe bëhet e palexueshme; prishet, shlyhet. Shumë fjalë (rreshta) janë shuar.
12. vetv., vet. v. III Shkrihet në ujë diçka për ta tretur a për ta zbutur, zbutet etj. U shua gëlqerja.
13. vetv., edhe fig. Këputem, më zihet fryma; mekem, mpakem. - Duaji njerëzit derisa të shuhen! U shua në luftë. U shua në krahët e së bijës. U shua në një moshë të re. U shuan së qari (së qeshuri).
14. pës. e SHÚAJ.
✱Sin.: shuhem, falet, ftohet, fikem, ndalet, ndërpritet, porritet, ulet, dobësohet, fashitet, mbytet, bie, meket, qetësohet, venitet, tulatet, gjymtiset, soset, katitet, davaritet, zhdavaritet, shfaroset, asgjësohet, zhduket, farohet, rrënohem, prishem, shembem, përfarohet, shkretohem, rraskapitem, tretet, zbutet.
♦ U shoftë me *bina! (mallk.) Iu shua (iu harrua, i humbi) *emri (dikujt) shpërf. Iu shua (i humbi) *fara (dikujt a diçkaje). Ia shoi (ia humbi) *farën (dikujt a diçkaje). Iu shua oxhaku (*vatra) (dikujt). Iu shua *pragu (dera) (dikujt). T’u shoftë *pragu (dera)! mallk. Iu shuan (iu fikën) *sytë (dikujt). Iu shua *shtëpia (dikujt). Iu shua *vatra (oxhaku) (dikujt). Iu shua *ylli (dikujt a diçkaje).

TFERREM

►TFÉRR/EM jovep., ~A (u), ~UR 1. vetv. Më mbarohen rezervat, të ardhurat; shkrëndem. U tferr nga paratë.
2. vetv., vet. v. III Shteron, mbaron. U tferr bunari. Iu tferr fryma dha shpirt, mbaroi, vdiq.
3. vetv., vet. v. III Shfarosem, zhdukem. U tferr nga faqja e dheut. U tferrën mizat (dëmtuesit e bimëve).
4. pës. e TFERR.
✱Sin.: mbarohem, shkrëndem, shteron, mbaron.

VRAÇOHEM

►VRAÇ/ÓHEM jovep., ~ÓVA (u), ~ÚAR 1. vetv., vet. v. III Masakrohen, vriten, theren me njëri-tjetrin; bëjnë kasaphanë. U therën e u vraçuan. Janë vraçuar keq (rëndë). U vraçuan njerëz të pafajshëm. U vraçuan me farë e me fis.
2. pës. e VRAÇÓJ.
✱Sin.: masakrohem, vritem, therem, shfarosem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë