Fjalori

Rezultate në përkufizime për “shfarosës”

Mëso si ta përdorësh
<<< Kthehu te kërkimi kryesor në fjalor

ASGJËSUES

ASGJËSÚES,~E mb. 1. Që shkatërron plotësisht, që shfaros; vdekjeprurës. Armë asgjësuese. Goditje asgjësuese. Zjarr asgjësues. Mjet asgjësues. Plan asgjësues.
2. Shumë i ashpër, goditës, që synon të dërrmojë krejt, që mohon diçka tërësisht. Kritikë asgjësuese. Fjalim asgjësues. Sarkazëm asgjësues.
✱Sin.: zhdukës, shuarës, shfarosës, shkatërrues, zhbërës, shpërbërës, eliminues.

ASGJËSUES

ASGJËSÚES,~I m. sh. ~, ~IT 1. Ai që shkatërron plotësisht, ai që shfaros. Asgjësues i fuqishëm. Goditja e asgjësuesit.
2. Lëndë, armë, mjet, që mund të asgjësojë a të shkatërrojë. Asgjësues efikas.
✱Sin.: zhdukës, shuarës, shfarosës, shkatërrues, zhbërës, shpërbërës, eliminues, vdekjeprurës, vdekjesjellës.

MASAKRUES

MASAKRÚES,~E mb. 1. Që ther a gjymton rëndë dikë; që synon të zhdukë dikë; që përfundon me vrarjen me mizori të dikujt; vrasës, shfarosës. Plan masakrues.
2. Që dëmton rëndë dikë a diçka, shkatërrues. Shikim masakrues. Dëshpërim masakrues. Manipulim masakrues.
✱Sin.: vrasës, shfarosës, shkatërrues.

MASAKRUES

MASAKRÚES,~I m. sh. ~, ~IT 1. Ai që ther a gjymton rëndë dikë, vrasës, shfarosës, kriminel. Ndal dorën e masakruesit. Shoh plumbat e masakruesve. Tregon pashpirtësinë e vetë masakruesve.
2. Ai që shkatërron diçka, shkatërrues. Masakruesit e universitetit.
✱Sin.: vrasës, shfarosës, shkatërrues.

PRISHËS

PRÍSHËS,~E mb. 1. Që prish një ndërtesë, një mur etj., për të ndërtuar diçka të re.
2. Dëmtues i madh, shkatërrues i diçkaje të ngritur me mund e me djersë, shkatërrues; shfarosës, dëmtues.
3. Qetësiprishës, rregullprishës.
4. Që prish një marrëveshje, një kontratë etj., kontratëprishës, marrëveshjeprishës.
5. Që është tepër dorëlëshuar, shkapërderdhës. Njeri prishës. Nuk ishte prishës.
✱Sin.: shkatërrues, dorëlëshuar, shfarosës, plëngprishës, shkallmues, dëmtues, shqetësues, shkelës, shkapërderdhës, shkapërdar, rregullprishës, qetësiprishës, kontratëprishës, marrëveshjeprishës.

PRISHËTAR

PRISHËTÁR,~E mb., edhe si em. 1. Prishës, shkatërrues; shfarosës, dëmtues.
2. Dorëlëshuar, shkapërderdhës.

SHFAROSËS

SHFARÓSËS,~E mb. Që të shfaros; që bëhet për të shfarosur; zhdukës, asgjësues. Burg shfarosës. Sëmundje shfarosëse. Projekt shfarosës. Goditje shfarosëse. Ilaç shfarosës. Zjarr shfarosës.

SHFAROSËS

SHFARÓSËS,~I m. sh. ~, ~IT Ai që shfaros; mjet, ilaç etj. që shërben për të shfarosur a shuar. Shfarosës njerëzor. Shfarosësi i insekteve.

SHFARUES

SHFARÚES,~E mb. Që shfaron, shfarosës. Murtajë shfaruese. Aksion shfarues. Program shfarues,

VDEKJEPRURËS

VDEKJEPRÚRËS,~E mb. 1. Që sjell vdekjen, shumë i rrezikshëm, shumë i dëmshëm për shëndetin. Sëmundje (plagë) vdekjeprurëse. Helm (gaz) vdekjeprurës. Gjarpër vdekjeprurës. Ethe vdekjeprurëse. Goditje vdekjeprurëse. Armë vdekjeprurëse.
2. fig. Që sjell shkatërrim, shkatërrimtar, asgjësues; shumë i ashpër a i rëndë. Grusht vdekjeprurës. Politikë vdekjeprurëse. Hap vdekjeprurës. Pasoja vdekjeprurëse. Luftë (betejë) vdekjeprurës.
✱Sin.: vdekjesjellës, rrënimtar, shfarosës, mortor.

ZHBIJËS

ZHBÍJËS,~E mb. 1. Që shkatërron a zhduk me rrënjë gjithçka; shfarosës. Armë (luftë) zhbijëse. Sëmundje zhbijëse. Masa zhbijëse.
2. Që ha a që përlan gjithçka, grykës.
3. si em. m. e f. Sipas kuptimeve të mbiemrit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë