Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
NJËSÍM,~I m. sh. ~E, ~ET Veprimi kur njësoj ose kur njësohet diçka. Njësimi i kombit. Njësimi i gjuhës letrare (i drejtshkrimit). Njësimi i komandës (usht.). Njësimi i monedhës. Njësimi i çmimeve. Njësimi i programeve shkollore. Njësimi i mendimeve (i pikëpamjeve). Njësimi i kërkesave. Njësime rregullash.
✱Sin.: njëzim, unifikim, bashkim, njëjësim, sheshim, barazim.
PAJTÍM,~II m. sh. ~E, ~ET 1. Veprimi kur pajtoj ose kur pajtohem.
2. Vendosja e marrëdhënieve të mira ndërmjet dy e më shumë njerëzve që ishin në mëri apo që ishin grindur. Pajtimi i shokëve.
3. Sheshimi i kundërtive ndërmjet dy a më shumë pikëpamjeve, tezave, qëndrimeve etj., përputhje.
4. Pushimi i të qarit; qetësim; lehtësim i dhimbjes.
5. Marrëveshje, ujdi.
6. Përputhja me diçka tjetër, ana në të cilën diçka përputhet a pajtohet me një tjetër, përshtatje. Nuk kanë pajtime midis tyre.
7. Gjendja kur pajtoj dikë a diçka ose kur pajtohem me dikë pas një mërie, pas një grindjeje etj. Ra në pajtim u pajtua.
✱Sin.: pajtesë, paqësim, riafrim, bashkim, vëllazërim, puqje, përputhje, përshtatje, miqësim, afrim, sheshim, qetësim, lehtësim, ujdi, bashkërendim.
RRAFSHÍM,~I m. sh. ~E, ~ET 1. Veprimi kur rrafshon ose kur rrafshohet një sipërfaqe. Të gjithë punonin në rrafshimin e tokës. Po bënin rrafshimin e disa kodrave.
2. Diçka që është bërë pa të ngritura e të ulura, diçka e sheshtë. U bë rrafshimi i ndërtesave të dëmtuara rëndë nga tërmeti.
3. fig. Eliminim i dallimeve, ndryshimeve a mospajtimeve midis dy njerëzve ose dy gjërave. E shtynë për më vonë rrafshimin e llogarive që kishin me njëri-tjetrin.
✱Sin.: rrafshitje, sheshim, drejtim, shtrim, nivelim, dystim, rroposje, limim, barazim, njëtrajtësim.
RRUMBULLAKÓSJ/E,~A f. sh. ~E,~ET Veprimi kur rrumbullakos a rrumbullakosem. Rrumbullakosje numrash. Bëj rrumbullakosjen e shifrave.
✱Sin.: rrumbullakim, sheshim, zbutje.
►SHFRÝH/EM jovep., ~VA (u), ~RË 1. vetv., vet. v. III Zvogëlohet nga vëllimi, i del ajri i ngjeshur që ka pasur. Tullumbacet e ditëlindjes u shfrynë. U shfry topi (goma). U shfry balloni. U shfry vetë. Topi u shpua dhe u shfry menjëherë. U shfry si flluskë sapuni i hiqet mbulesa e del me fytyrën e vërtetë, zbardhet një e vërtetë.
2. vetv. Më ulet a më ikën fare të ënjturit; çënjtem; kund. fryhem. M’u shfry këmba. Iu shfry faqja, pasi hoqi dhëmbin e infektuar.
3. vetv., vet. v. III Rritet vëllimi i ujit dhe del jashtë. U shfry liqeni. U shfry lumi e mori gjithçka para.
3. vetv., fig. Shfrehem me fjalë ndaj dikujt duke i folur rëndë, zbrazem duke ia nxjerrë inatin; shfryj. Iu shfry kot. Shfryhem në të. Shfryhet me të madhe.
5. vetv., vet. v. III, fig. Lehtësohet a shkon deri në sheshim diçka; shterohet, zhduket. Tensionet u shfrynë pas asaj ndërhyrjeje. U shfrynë të gjitha argumentet.
4. vet. v. III, pës. e SHFRYJ. Gomat u shfrynë nga një mekanik. U shfrynë normat nga ministri i ri. Dosja u shfry nga gjykatësi.
✱Sin.: zbrazem, shkarkohem, shfrehem, çënjtem.
VLLAÇÍTJ/E,~A f. sh. ~E, ~ET 1. Veprimi kur vllaçitim me vllaçë arën e lëruar, kur i vëmë vllaçën. Vllaçitja e arës (tokës së lëruar). Vllaçitja e parë. I bëj vllaçitjen arës. I bëri dy vllaçitje.
2. fig. Veprimi kur shkojmë duke u zhargur; kur i lëmë punët zvarrë a i bëjmë shkel e shko. Vllaçitja e punës. Vllaçitja e këmbëve.
✱Sin.: trinim, lesim, sheshim, shqezim, branim, zvarritje, zgjatje, zhargitje, rrëshqitje.
ZBÚTJ/E,~A f. 1. Veprimi kur zbut dikë a diçka; ulja e shkallës së fortësisë së diçkaje të fortë a të thatë për ta bërë më të butë; heqja e ashpërsisë, të bërit i butë në të prekur i diçkaje; njomja e diçkaje të fortë duke e spërkatur me ujë a me lëng tjetër. Zbutja e llaçit. Zbutja e plagës. Zbutja e kores së bukës. Zbutja e pëlhurës. Zbutja e lëkurës. Zbutja e duhanit. Pas zbutjes së tokës, nisin punët e stinës.
2. Ulje e shkallës së pjerrësisë duke e bërë sipërfaqe më të sheshtë; sheshim. Zbutja e pjerrësisë së rrugës.
3. Ulje e gradës së pijeve alkoolike apo heqja e kripërave minerale (për ujin). Zbutja e ujit. Përdoret për zbutjen e ujit. Zbutja e rakisë.
4. Stërvitje e kafshës së egër për të jetuar me njerëzit; kthimi nga gjendja e egër në gjendje të butë; shartimi i një druri të egër për ta kthyer në dru të butë. Zbutja e bimëve. Zbutja e kafshëve të egra. Zbutja e kumbullës së egër. Zbutja e gorricës në dardhë.
6. edhe fig. Përpjekje për të ulur gjakrat e për ta qetësuar dikë, për të ndrequr marrëdhëniet me të; ulja e forcës, e vrazhdësisë, e zemërimit etj.; qetësimi ose ulja e tensionit apo qëndrimeve ndaj diçaje; lehtësimi ose bërja më e pranueshme e një vendimi të vështirë etj.; të bërit më i këndshëm a më i pëlqyeshëm për veshin a për syrin. Zbutja e muhabetit. Zbutja e gjendjes (e situatës). Zbutja e zemërimit (e urrejtjes). Zbutja e dënimit (drejt.). Zbutja e zërit. Zbutja e ngjyrave (i dritave etj.). Masa për zbutjen e ndryshimeve klimatike. Zbutja e zhurmave. - S’është puna për kompromis, por për zbutjen e këtyre mosmarrëveshjeve. Fjalët e saj sollën zbutje të konfliktit mes dy palëve. Përpjekje për zbutjen e varfërisë (e papunësisë). Politikat e zbutjes së marrëdhënieve me fqinjët.
✱Sin.: butësim, zbutim, brumëzim, zbrujtje, zbrumim, brydhje, squllje, tutëlim, sqaqje, njomje, qullje, ëmbëlsim, qetësim, ulje, lehtësim, fashitje, urtësim, sheshim, rrumbullakosje.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë