Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BÁLLAS ndajf. 1. Në drejtim të anës së përparme të diçkaje, përballë; ballë për ballë. I bie ballas punës. I dal (i rri) ballas. Iu faneps ballas.
2. Haptas, sheshit, sheshas (sheshazi), sy ndër sy. Tregoj ballas. Ia mori ballas. Ajo ta thotë ballas.
✱Sin.: ballazi, ballaballas, haptas, sheshit, sheshas, sheshazi, drejt, drejtpërdrejt, drejtpërsëdrejti, përballë.
DITËNPËRDÍELL ndajf. Në prani të të gjithëve, faqe të tërëve; ballë për ballë, pa fshehur asgjë. Foli ditënpërdiell.
✱Sin.: drejtpërdrejt, sheshazi, haptas.
HÁPTAS ndajf. 1. Drejtpërdrejt, ballë për ballë, hapur; kund. fshehtas. I doli haptas. E ndihmoi haptas. Vepronte haptas. E luftoi haptas. E bëri haptas.
2. Me zemër të hapur, me çiltërsi; sheshit, shqip. I foli (ia tha) haptas. Bisedoi haptazi. E këshilloi haptazi.
✱Sin.: drejtpërdrejt, hapur, shkoqur, sheshit, shqip, sheshazi, ballas, ballazi.
HÁPUR ndajf. 1. Në mënyrë që lejon të hyjë brenda, të dalë a të kalojë lirisht dikush a diçka, çelur; pa çelës; kund. mbyllur. E la derën hapur. Mbeti dritarja hapur. Mbaje hapur.
2. Me pjesët a anët të larguara ose të mënjanuara njëra nga tjetra, çelur; kund. mbyllur. Me sytë hapur. Me gojë hapur.
3. Duke punuar, duke zhvilluar veprimtari, çelur (për një institucion, një shkollë, një dyqan etj.); kund. mbyllur. E gjeti dyqanin hapur. Rri hapur gjithë ditën.
4. fig. Drejtpërdrejt, ballë për ballë, pa u fshehur, haptas; kund. fshehtas. I doli hapur. E kundërshtoi hapur.
5. fig. Me zemër të hapur, me çiltëri; shkoqur, sheshit, shqip. I foli hapur. Ia tha hapur.
✱Sin.: çelur, hapët, lirish, haptas, haptazi, çiltas, çiltazi, sheshas, sheshazi, ballas, ballazi, qartë, drejtpërdrejt, troç, copë, shkoqur, sheshit, publikisht, botërisht.
♦ Me *ballë hapur. *Ëndrra me sy hapur. Fle me *sy hapur. Me gjoks*hapur. Me *krahë hapur. Me *kraharor hapur. Më la me *gojë hapur (dikush a diçka). E mban derën hapur (çelur) (dikush). 1. Pret kurdoherë me bujari miq e shokë, është i pritur, derëçelë. 2. Është vazhdues i mëtejshëm i atyre që rrjedhin nga një fis a nga një familje, bën që të mos i shuhet fisi, është pasardhës. I mbaj sytë hapur kam kujdes e vëmendje të madhe që të mos pësoj gjë, të mos ma hedhin etj., jam syçelë; rri zgjuar; më mbetën sytë dollap. I mban veshët hapur (dikush) rri e dëgjon me kujdes e me vëmendje të madhe; tregohet i vëmendshëm e përgjon që të mos ia hedhin; i mban veshët përpjetë; i mban veshët ngritur; i mban veshët bigë. Mbes me *gojë hapur. Me *sy hapur. Thur *livadhin e lë shtegun hapur (dikush).
SHÉSHAS ndajf. 1. Mbi sipërfaqen e tokës, përtokë. U ul sheshas. Ra sheshas.
2. Në mënyrë të hapur, sheshazi; kund. fshehtas. E vërteta doli sheshas. Foli sheshas. E pranoi sheshas gabimin.
✱Sin.: përtokë, përdhe, sheshazi, dyst, haptas, sheshit, troç, shtruar, këmbëkryq, kambturqisht, ulur, ndenjur..
SHÉSHIT ndajf. 1. Në një vend të hapur, në shesh, nëpër shesh; jashtë, zbuluar, në fushë. Të vjelat mbetën sheshit. U derdhën agrumet sheshit. U zbraz gruri sheshit.
2. Në mënyrë të hapur, pa u fshehur, haptas, sheshazi; para të gjithëve, hapur, zbuluar; në një mënyrë që shihet e kuptohet qartë, shkoqur. U duk (u shfaq, doli) sheshit. Nxjerr (zbuloj) sheshit. Vepron (punon) sheshit. E ushtron ndikimin e tij sheshit. Vete (shkoj) diku sheshit. Ia mban anën (e ndihmoj, e përkrah) sheshit dikë. E ftoi sheshit në duel. Mashtron (gënjen) sheshit. E parashtroi (flet, thotë) sheshit. E lëshoi veten sheshit. Merret vesh (duket, shihet, kuptohet) sheshit. I afrohem (i qasem) sheshit. Tregon sheshit se...
3. fig. E braktis, e lë pa ndihmë, në gjendje të vështirë ekonomike, në mes të katër rrugëve, rrugëve; lakuriq. I la fëmijët sheshit. E la familjen sheshit.
♦ Doli sheshit (diçka). 1. U zbulua; nuk fshihet dot; mori sheshin; doli në shesh; doli mbi ujë. 2. Ka shumë nga diçka dhe gjen kudo; u përhap diçka gjithandej. 3. (dikush). Nisi të veprojë a të bëjë diçka haptas, pa u fshehur e pa u përmbajtur; i hoqi dorezat libr. Duket sheshit (diçka) është fare e qartë, s’ka nevojë të dëshmohet a të shpjegohet, e shohin të gjithë që ashtu është; doli në shesh; s’ka brirë.
✱Sin.: haptas, sheshazi, hapur, zbuluar, lirisht, qartë, qartësisht, dukshëm, shkoqur.
ZGJÉSHUR ndajf. 1. Pa i pasur në trup ato që kisha ngjeshur (për armë, për rrip a për brez etj.); kund. ngjeshur. Rrinte zgjeshur.
2. Pa u druajtur, lirshëm, shpenguar. Hëngri zgjeshur.
3. fig. Hapur, troç, qartë; pa e mbuluar a pa e fshehur diçka, me mendjen akull. Ai fliste shpejt e zgjeshur. Ia tha zgjeshur. - Më ndjeni që flas zgjeshur! - Që ta themi zgjeshur, qeveria ka hallet e saj dhe s'i vete mendja për hallet e popullit.
✱Sin.: lirisht, lirshëm, shpenguar, hapur, troç, shkoqur, qartë, sheshazi.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë