Fjalori

Rezultate në përkufizime për “sheshas”

Mëso si ta përdorësh
<<< Kthehu te kërkimi kryesor në fjalor

BALLAS

BÁLLAS ndajf. 1. Në drejtim të anës së përparme të diçkaje, përballë; ballë për ballë. I bie ballas punës. I dal (i rri) ballas. Iu faneps ballas.
2. Haptas, sheshit, sheshas (sheshazi), sy ndër sy. Tregoj ballas. Ia mori ballas. Ajo ta thotë ballas.
✱Sin.: ballazi, ballaballas, haptas, sheshit, sheshas, sheshazi, drejt, drejtpërdrejt, drejtpërsëdrejti, përballë.

HAPUR

HÁPUR ndajf. 1. Në mënyrë që lejon të hyjë brenda, të dalë a të kalojë lirisht dikush a diçka, çelur; pa çelës; kund. mbyllur. E la derën hapur. Mbeti dritarja hapur. Mbaje hapur.
2. Me pjesët a anët të larguara ose të mënjanuara njëra nga tjetra, çelur; kund. mbyllur. Me sytë hapur. Me gojë hapur.
3. Duke punuar, duke zhvilluar veprimtari, çelur (për një institucion, një shkollë, një dyqan etj.); kund. mbyllur. E gjeti dyqanin hapur. Rri hapur gjithë ditën.
4. fig. Drejtpërdrejt, ballë për ballë, pa u fshehur, haptas; kund. fshehtas. I doli hapur. E kundërshtoi hapur.
5. fig. Me zemër të hapur, me çiltëri; shkoqur, sheshit, shqip. I foli hapur. Ia tha hapur.
✱Sin.: çelur, hapët, lirish, haptas, haptazi, çiltas, çiltazi, sheshas, sheshazi, ballas, ballazi, qartë, drejtpërdrejt, troç, copë, shkoqur, sheshit, publikisht, botërisht.
♦ Me *ballë hapur. *Ëndrra me sy hapur. Fle me *sy hapur. Me gjoks*hapur. Me *krahë hapur. Me *kraharor hapur. Më la me *gojë hapur (dikush a diçka). E mban derën hapur (çelur) (dikush). 1. Pret kurdoherë me bujari miq e shokë, është i pritur, derëçelë. 2. Është vazhdues i mëtejshëm i atyre që rrjedhin nga një fis a nga një familje, bën që të mos i shuhet fisi, është pasardhës. I mbaj sytë hapur kam kujdes e vëmendje të madhe që të mos pësoj gjë, të mos ma hedhin etj., jam syçelë; rri zgjuar; më mbetën sytë dollap. I mban veshët hapur (dikush) rri e dëgjon me kujdes e me vëmendje të madhe; tregohet i vëmendshëm e përgjon që të mos ia hedhin; i mban veshët përpjetë; i mban veshët ngritur; i mban veshët bigë. Mbes me *gojë hapur. Me *sy hapur. Thur *livadhin e lë shtegun hapur (dikush).

NDENJAS

NDÉNJAS ndajf. Ndenjur, ulur, shtruar, shesh, sheshazi, sheshas, ndenjazi, ndejtur. Po rrinte ndenjas.

NDENJAZI

NDÉNJAZI ndajf. Ndenjur, ulur, shtruar, shesh, sheshazi, sheshas, ndenjas, ndejtur. Nuk rrihet ndenjazi tërë ditën.

NDENJUR

NDÉNJUR ndajf. Ulur në një vend, me pjesën e poshtme të trupit të mbështetur diku, jo në këmbë, ulur, në pozicion ulur. Rri (ngrihem) ndenjur. Punon ndenjur. E sheh tërë ditën ndenjur.
✱Sin.: ulur, shtruar, shesh, sheshazi, sheshas, ndenjas, ndenjazi.
♦ Ka lindur me *hënë ndenjur (dikush).

PËRTROLLASH

PËRTRÓLLASH ndajf. Përtruall, sheshas, tokas, shtrirë.

SHESHAS

SHÉSHAS ndajf. 1. Mbi sipërfaqen e tokës, përtokë. U ul sheshas. Ra sheshas.
2. Në mënyrë të hapur, sheshazi; kund. fshehtas. E vërteta doli sheshas. Foli sheshas. E pranoi sheshas gabimin.
✱Sin.: përtokë, përdhe, sheshazi, dyst, haptas, sheshit, troç, shtruar, këmbëkryq, kambturqisht, ulur, ndenjur..

SHESHAZI

SHÉSHAZI ndajf. Në mënyrë të drejtpërdrejtë, sheshas, haptazi; kund. fshehtazi. U pa sheshazi. Del sheshazi. Nuk flet sheshazi.
✱Sin.: dyst, haptas, sheshit, troç, shtruar, këmbëkryq, kambturqisht, ulur, ndenjur, mëgjunjaz.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë