Fjalori

Rezultate në përkufizime për “shembërkohem”

Mëso si ta përdorësh
<<< Kthehu te kërkimi kryesor në fjalor

BATOHEM

►BATÓ/HEM jovep., ~ÓVA (u), ~ÚAR 1. vetv., vet. v. III Anohet gati për t'u përmbysur, i merr ana; përmbyset. U batua qerrja (makina, barka).
2. vetv. Dëmtohem rëndë, e pësoj keq.
3. vetv., vet. v. III Rraset brenda, ngjishet. Iu batua rëra arës.
4. vetv. Lodhem shumë, këputem. Jam batuar shtatit.
5. pës. e BATÓJ.
✱Sin.: lodhem, këputem, llomitem, shkokërdhohem, zhgojohem, shembërkohem.

LLOMITEM

►LLOMÍT/EM jovep., ~A (u), ~UR 1. vetv. Bëhem me llucë, bëhem me llom, përbaltem. U llomita i tëri.
2. vetv., kryes. v. III Copëtohet, thërrmohet. Mos e ngjesh djathin se llomitet.
3. vetv. Dërrmohem, shembërkohem; batohem. U llomit djali duke thyer gurë.
4. fig., vetv. Rrihem keq me dikë, copëtohem në ndeshje trup me trup. Po llomiteshin në mes të rrugës.
5. pës., vet. v. III e LLOMÍT.

SHEMBËRKOHEM

►SHEMBËRK/ÓHEM jovep., ~ÓVA (u), ~ ÚAR 1. vetv. Lodhem shumë duke bërë një punë, më priten fuqitë, rraskapitem. Shembërkohem në punë. Shembërkohem nga rruga. Ishte shembërkuar, po nuk ankohej.
2. pës. e SHEMBËRKÓJ. U shembërkua nga puna e lodhshme.
✱Sin.: kapitem, rraskapitem, dërrmohem, mundohem, stërmundohem, molisem, robtohem, rraskapitet, rropatem, stërmundohem, torturohem, shkalafitem.

SHKALLAVITEM

►SHKALLAVÍT/EM jovep., ~A (u), ~UR 1. vetv. Eci me hapa të lëshuar, lodhem, rraskapitem; shembërkohem. Shkallavitem kur bëj rrugë të gjata.
2. vetv. E lëshoj veten në ecje, punë; shkalafendem. Në vend që të çlodhej, shkallavitej.
3. pës. e SHKALLAVÍT.
✱Sin.: kapitem, rraskapitem, dërrmohem, mundohem, stërmundohem, molisem, robtohem, rraskapitet, rropatem, stërlodhem, torturohem, shkalafitem.

SHKARRAFENDEM

SHKARRAFÉND/EM jovep., ~A (u), ~UR vetv. 1. Zhgërryhem; përplasem e shkapetem. U shkarrafend për tokë. - Mos u shkarrafend.
2. Lodhem e rraskapitem; shembërkohem. Është shkarrafendur me punë të rëndë. U shkarrafend gjithë ditën.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë