Fjalori

Rezultate në përkufizime për “shelqëror”

Mëso si ta përdorësh
<<< Kthehu te kërkimi kryesor në fjalor

FURKAÇE

FURKÁÇ/E,~JA f. sh. ~E, ~ET 1. Shkop i trashë e i gjatë me një bigë në majë që shërben për të mbajtur degët e një peme që të mos thyhen ose për të mbajtur njërën anë të barrës kur ngarkojmë kafshët; bigaçe, ngarkaçe. Furkaçet e hurmave. I vë furkaçe. Mbaj anën me furkaçe.
2. Furkë e vogël për të tjerrë lesh etj. Vuri furkaçen në brez.
✱Sin.: bigaçe, bigë, ngarkaçe, kërrabë, furkë, furkëz, çatalle, çandër, qatër, shelqëror, kacarrik, mbajtëse, mbështetëse, krevë, garravesh.
♦ Ia vuri këmbët në furkaçe (dikujt) shih ia vuri (ia futi) (të dyja) këmbët në një këpucë (dikujt).

NOGORE

NOGÓRE,~T f. sh. Furkaçe prej druri që përdoret për të mbështetur dhe mbajtur hardhitë ndërsa rriten.
✱Sin.: kërrikull, kacarrik, furkaçe, shelqëror.

SHALATOR

SHALATÓR,~I m. sh. ~Ë, ~ËT 1. Dru me grremça, i ngulur në tokë; shelqëror. Dru shalator. Dru i duhur për shalator.
2. Furkë për të mbajtur hardhitë. I vë shalatorin hardhisë. Hardhia mbështetej mbi dy shalatorë.
✱Sin.: shelqëror, këmbës, kërrikull, furkaçe, mbajtëse, mbështetëse, bigaçe.

SHELQËROR

SHELQËRÓR,~I m. sh. ~Ë, ~ËT 1. Dru i gjatë me veshë a grremça, që e ngulin në tokë në stane për të varur në të napat e djathit ose enët e bulmetit; këmbës, kërrikull. E nguli shelqërorin. Dru për shelqëror. E vari bulmetin në shelqëror. Plori e shelqërori na kanë mbajtur e na mbajnë gjallë (fj. u.).
2. Furkë për të mbajtur hardhitë ose degët e pemëve kur janë shumë të ngarkuara me rrush a me fruta; furkaçe. Mban hardhinë me shelqëror. Shelqërori e mbajti drejtë hardhinë. I vë një shelqëror hardhisë.
3. vjet. Dru për të varur pushkët. Var pushkën në shelqëror. Marr armën nga shelqërori.
✱Sin.: kripës, kripësnik, këmbës, kërrikull, furkaçe, furkë, bigaçe, bigë, ngarkaçe, kërrabë, çatalle, çandër, mbështetëse, mbajtëse, qandër, qatër.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë