Fjalori

Rezultate në përkufizime për “shatoj”

Mëso si ta përdorësh
<<< Kthehu te kërkimi kryesor në fjalor

CIKËLLOJ

CIKËLL/ÓJ vep., ~ÓVA, ~ÚAR kal. Mih tokën imët a cekët. I cikëlloi perimet.
✱Sin.: përmih, përdhej, çapit, çapoj, capit, capoj, shatoj, çkalit, skalit.

PRASHIT

PRASHÍT (PRASHÍS) vep., ~A, ~UR kal. 1. Rrëmoj jo thellë tokën e mbjellë, pasi kanë dalë e janë rritur bimët, që të shkrifërohet, të ajroset e të marrë lehtë lagështirën e nevojshme. Prashitin me krahë. Prashit me shatë (me kultivator).
2. Mbath bimët me dhe, përdhej. Prashiti misrin (grurin, pambukun, perimet, vreshtin). Prashit qepët (domatet, lakrat).
3. Punoj tokën e mbjellë dhe qëroj barërat e këqija me shatë ose me kultivator.
4. fig., mospërf., edhe jokal. Flas shumë për një çështje, për të cilën nuk interesohet njeri a nuk tregohet vëmendja e duhur; mundohem me kot ta bind dikë me fjalë, flas kot, shij; Prashit në erë. Lëre të prashitë. Prashiti mbarë e prapë. Prashiti, prashiti, po s’bëri gjë.
5. Flas për një gjë, për të cilën nuk duhet folur; llomotit. Prashit po doganë flet pa e kontrolluar veten.
✱Sin.: çkalit, kep, skalit, skalis, llomotit (llomotis), përdhej, çapit, trazoj, shkrifëroj, shatoj, çokis, dërdëllis, shij.
♦ Prashit në *det (dikush) mospërf. Prashit në *erë (dikush) keq. Prashit në *të thatë (dikush). Prashit (mih) në *ujë (dikush). Prashit (mih) para *vetes (dikush).

PËRDHEJ

PËRDHÉ/J vep., ~VA, ~RË kal. Mbath me dhe rrënjët e misrit a të një bime tjetër kur e prashit, mbush. Misrin e përdhenin që në prashitjen e parë.
✱Sin.: mbush, mbath, prashit, shatoj.

SHATOJ

SHAT/ÓJ vep., ~ÓVA, ~ÚAR kal. Prashit bimët me shat, shkrifëroj dheun, e afroj dheun tek rrënjët. Shatoj misrin. Kishte shatuar perimet gjithë pasditen. Shatoi kopshtin për të dytën herë.
✱Sin.: mih, përmih, përdhej, çapit, çapoj, capit, capoj, mbush, prashit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë