Fjalori

Rezultate në përkufizime për “shastisje”

Mëso si ta përdorësh
<<< Kthehu te kërkimi kryesor në fjalor

BEFASIM

BEFASÍM,~I m. 1. Veprimi kur befasoj dikë a kur befasohem; zënie në befasi.
2. Gjendja kur befasoj dikë a kur befasohemi.
✱Sin.: habitje, çuditje, mahnitje, çmeritje, hutim, shastisje, nemitje, topitje.

CAPARIM

CAPARÍM,~I m. sh. ~E, ~ET Veprimi kur caparoj dikë ose kur caparohem, hutim.
✱Sin.: shastisje, përhumbje, trullosje, hutërrim, çakërdisje, trallisje.

DALLDI

DALLDÍ,~A f. Gjendje shpirtërore e turbullt e një njeriu që është pushtuar nga një ndjenjë tronditëse ose që është dhënë pas dikujt a pas diçkaje në mënyrë të papërmbajtur saqë harron gjithçka rreth vetes; turbullim i brendshëm, shastisje. Ra në dalldi. Është në dalldi.
✱Sin.: dalldisje, delir, turbullim, shastisje, trullosje, përhumbje, trallisje, çakërdisje, kuturisje, shpërthim, hutim, harlisje.

DELIR

DELÍR,~I m. sh. ~E, ~ET 1. mjek., psikol. Gjendje turbullie mendore kalimtare, e shoqëruar me ethe, me dehje dhe me çrregullime të tjera fizike si çorientim, shqetësim dhe halucinacione; kllapi, jerm. Ra në delir. Bërtiti në delir.

2. fig.Përçartje; dalldi, shastisje. Deliri i madhështisë.

HABITJE

HABÍTJ/E,~A f. sh. ~, ~ET Përshtypja ose habia që vjen nga diçka e papritur dhe e pabesueshme; të habiturit. E humbi nga habitja. Pyetën me habitje. Shikoj me habitje.
✱Sin.: habi, çudi, çuditje, të habiturit, mahnitje, çmerim, çmeritje, hutim, shastisje, topitje.

HARRUAR

HARRÚAR,~IT (të) as., edhe psikol. Paaftësi për të mbajtur mend; harresë.
✱Sin.: harresë, matufosje, shastisje.

HUTIM

HUTÍM,~I m. sh. ~E, ~ET 1. Gjendja e dikujt kur hutohet; kur nuk e përqendron dot vëmendjen tek diçka, turbullimi i mendjes kur njeriu është i hutuar; hutesë, të hutuarit. Hutim i madh. E kishte nga hutimi.
2. Habitje; shastisje. Çaste (gjendje) hutimi. I kaloi hutimi.
3. krahin. Lajthitje, gabim a shkarje e gjuhës. Në punim ka shenja hutimi. Në punim ka lajthitje, lapsuse.
✱Sin.: hutesë, të hutuarit, shastisje, trullosje, harrim, habitje, përhumbje, trallisje, dalldisje, dalldi, çakërdisje, shushatje, çorientim.

PËRGJUMJE

PËRGJÚMJ/E,~A f. 1. Veprimi kur përgjum dikë ose kur përgjumem.
2. Gjendja pasi përgjum dikë ose kur përgjumem. Ishte në përgjumje. Ka përgjumje nga barnat.
✱Sin.: dremitje, gjumësi, përgjumësi, kotje, kotullim, gjumth, dremkë, hutim, shushatje, shastisje.

PËRHUMBJE

PËRHÚMBJ/E,~A f. Gjendja kur përhumb dikë ose kur përhumbem. Ndjenjë e përhumbjes.
✱Sin.: humbje, hutim, largim, shpërndarje, hutim, shastisje, përçartje.

SHAPAKOTJE

SHAPAKÓTJ/E,~A f. vet. nj. 1. Gjendja kur dikush bëhet a sillet si torollak; trullosje, shushatje. Kishte rënë në sy ajo shapakotje e tij. Dallohej shapakotja e vajzës. Nuk po e ndiente më shapakotjen e një ditë më parë.
2. Gjendja kur dikush bëhet a sillet si hutaq, si i matufosur; shastisje, hutim. Shapakotja ia kishte fshirë logjikën. Ishte përhumbur në shapakotje. Nuk kishte kohë për shapakotje të tjera.
✱Sin.: trullosje, shushatje, hutim, matufosje, shastisje, rrjedhje, ronitje.

SHASTI

SHASTÍ,~A f. sh. ~, ~TË Ndjenjë e fortë habie, shastisje. Pati një shasti. Po vështronte gjithë shasti. Shastia e medias.
✱Sin.: shastisje, shushatje, trullosje, habi, hutim, dalldi.

SHASTISJE

SHASTÍSJ/E,~A f. vet. nj. Ndjenjë habie shumë e madhe, hutim nga diçka apo dikush; shushatje, trullosje. Lajmi kaloi pa asnjë shastisje. Ndjeu një shastisje të plotë. Ai veprim kishte shkaktuar shastisje.
✱Sin.: habi, hutim, shushatje, shasti, trullosje, dalldi, përçartje.

SHUSHATJE

SHUSHÁTJ/E,~A f. vet. nj. 1. Gjendja kur shushat dikë ose kur shushatem; trullosje. Shushatje e menjëhershme.
2. Gjendja kur je matufosur. Shushatje nga pleqëria.
✱Sin.: hutim, trullosje, shastisje, nanuritje, habitje, mahnitje, çorientim, çuditje, matufosje, pagjumësi.

TAJITJE

TAJÍTJ/E,~AII f. Hutim, shastisje. Tajitja e aktorit të ri para publikut.
✱Sin.: shpërmendje, hutim, habitje, shastisje, trullosje.

TRABUQETJE

TRABUQÉTJ/E,~JA f. sh. ~E, ~ET Gjendje kur trullosem; hutim, shastisje. Tarabuqetje e madhe.

TRALLISJE

TRALLÍSJ/E,~A f. Gjendja kur trullosem; shastisje, hutim. Trallisje nga vapa. Trallisjen e ka nga dielli i mesditës. Trallisje nga alkooli. I kaloi trallisja. E ka nga trallisja.

TRANS

TRANS,~I m. sh. ~E, ~ET psikol. 1. Shqetësim shumë i madh, frikë e madhe e shoqëruar me ankth që beson se do të ndodhë diçka e keqe; parandjenjë e përhershme rreziku; ankth, lemeri. Është në një trans të tmerrshëm. Ka transe të vazhdueshme.
2. Gjendje e dikujt që del nga vetja, që humbet kontrollin; shastisje, ekstazë, dalldi. Gjendje transi. Trans kolektiv. Trans erotik. Hyn (futet) në trans dridhet i tëri.
3. Gjendje e veçantë e një mediumi gjatë një seance spiritizmi, hipnozë. Trans hipnotik.
✱Sin.: shqetësim, ankth, lemeri, shastisje, ekstazë, dalldi, hipnozë.

TRULLOSJE

TRULLÓSJ/E,~A f. 1. Humbje pjesërisht e vetëdijes; marrje mendsh nga ndonjë goditje në kokë, nga alkooli a nga ndonjë rrotullim i fortë. Trullosje nga vapa (nga rakia). Trullosje nga rruga plot kthesa.
2. Hutim, turbullim (i mendjes), shastisje, qorrollisje. Trullosje e lehtë. E ka nga trullosja.
✱Sin.: trallisje, turbullim, shushatje, shastisje, marrakotje, tërmekje, hutlim, hutim, habitje, trallisje, turbullim, çakërdisje, marramenth, nanurisje, marramendje, kalamendje.

TURBULLIM

TURBULLÍM,~I m. sh. ~E, ~ET 1. Gjendja kur një lëng ose gaz humbet qartësinë e tij dhe bëhet i turbullt; prishje e kthjelltësisë ose e ngjyrës së zakonshme. Turbullim i ujit (i lumit). Turbullim i verës.
2. fig. Përzierje, shqetësim ose trazim në mendime, ndjenja ose situata; errësim i gjykimit, prishja e kthjelltësisë së mendjes;. Turbullimi i marrëdhënieve mes tyre. Turbullimi i gjendjes. Turbullimi i mendimeve e bëri të paqartë vendimin e tij. Turbullim nga pija. Kishte një turbullim.
3. Turbullirë. Ka turbullime.
✱Sin.: ngatërrim, grindje, pështjellim, ndërlikim, trullosje, shastisje, mërzi, turbullirë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë