Fjalori

Rezultate në përkufizime për “shaptilograf”

Mëso si ta përdorësh
<<< Kthehu te kërkimi kryesor në fjalor

LASTËR

LÁST/ËR,~RA f. sh. ~RA, ~RAT shtypshkr. Fletë e hollë dhe e epshme prej alumini a prej zinku, në të cilën hidhet teksti a figura për ta shtypur pastaj në letër me shaptilograf ose me ofset. Shtypen së pari në letër dylli ose në lastër.

SHAPTILOGRAF

SHAPTILOGRÁF,~I m. sh. ~Ë, ~ËT shtypshkr. Makinë e posaçme që shërbente për shumëfishimin e një teksti të përgatitur më parë në një letër dylli ose në një fletë të hollë alumini poligraf. I duhej një shaptilograf i ri. Bojë shaptilografi. Tekst i shtypur me shaptilograf. Ishte prishur shaptilografi.
✱Sin.: poligraf, ciklostil.

SHAPTILOGRAFIST

SHAPTILOGRAFÍST,~I m. sh. ~Ë, ~ËT shtypshkr. Ai që punon për riprodhimin e shkrimeve të ndryshme me shaptilograf, ai që punon në shaptilograf; shumëzues, riprodhues. Ishte hapur një vend pune si shaptilografist. Punon si shaptilografist.
✱Sin.: riprodhues, shumëfishues.

SHAPTILOGRAFISTE

SHAPTILOGRAFÍST/E,~JA f. sh. ~E, ~ET shtypshkr. Ajo që punon për riprodhimin e shkrimeve të ndryshme me shaptilograf, ajo që punon në shaptilograf, shumëzuese, riprodhuese. Ishte shaptilografiste e zonja. Megjithëse filloi punë të re, e mbajti edhe vendin e shaptilografistes.
✱Sin.: shumëfishuese, riprodhuese.

SHAPTILOGRAFOHET

►SHAPTILOGRAF/ÓHET jovep., ~ÚA (u), ~ÚAR shtypshkr., vet. v. III, pës. e SHAPTILOGRAFÓJ. Libri qe shaptilografuar në disa kopje. Shaptilografohej me vështirësi, sepse ishte tekst i vjetruar.
✱Sin.: shumëfishohet, riprodhohet..

SHAPTILOGRAFOJ

SHAPTILOGRAF/ÓJ vep., ~ÓVA, ~ÚAR kal., shtypshkr. Shumëfishoj në disa kopje me anë të shaptilografit, shumëzoj, riprodhoj. Shaptilografonte çdo letër të ardhur prej të birit. Megjithëse qe metodë e vjetër, ajo ende shaptilografonte përkthimet e saj. Ia dha librin të shaptilografuar.
✱Sin.: shumëfishoj, riprodhoj

SHAPTILOGRAFUAR

SHAPTILOGRAFÚAR (i, e) mb., shtypshkr. Që është shumëfishuar me shaptilograf, i shumëzuar, i riprodhuar, i kopjuar. Broshura të shaptilografuara. Kanë dalë pesë numra të shaptilografuar të revistës. Abetarja e parë shqipe qe e shaptilografuar.
✱Sin.: i shumëfishuar, i riprodhuar..

SHTYP

SHTYP vep., ~A, ~UR kal. 1. Rëndoj me forcë mbi dikë a mbi diçka; i mëshoj diçkaje me dorë, me këmbë a me një mjet të posaçëm ose e shtrëngoj fort për ta ngjeshur, për t'i ndryshuar trajtën, për ta thërrmuar a për ta bërë pluhur, për ta shkoqur, për t'i shtrydhur lëngun etj.; ngjesh. Shtyp dyshekun (jastëkun). Shtyp sustën. Shtyp hudhra (qepë, arra, bajame). Shtyp kripë (kafe, sheqer, kanellë). Shtyp plisat (tokën). Shtyp misër. Shtyp rrushin (ullinjtë, domatet). Shtyp me dorë (me këmbë). Shtyp me shtypës (me lugë, me shishe).
2. E dëmtoj dikë a diçka ose e vras fare dikë duke e shkelur, duke rënduar fort mbi të ose duke i kaluar përsipër; e zë poshtë dhe i rëndoj me gjithë peshën e trupit. Shtypi një brumbull (një krimb, një akrep) me këmbë. E shtypi makina (karroca, treni). Për pak e shtypi kali. Zure gjarprin, shtypi kokën! (fj. u.).
3. E ul ose e rrafshoj diçka duke e goditur fort me një mjet a duke rënduar me forcë mbi të. Shtyp një gozhdë në këpucë. Shtyp qeleshen. Shtyp një rrobë me hekur. Ndrys dikë me duar a me këmbë për t'i lehtësuar dhembjet ose për ta çlodhur. I shtypi kurrizin (krahët, këmbët).
4. fig. E mbaj të nënshtruar dikë, e mbaj nën zgjedhë; e shfrytëzoj. Shtypnin popullin (klasën punëtore, fshatarësinë).
5. fig. E mposht, e dërrmoj, e asgjësoj a i jap fund me dhunë e me forcën e armëve. Shtypin kundërrevolucionin. Shtypëm komplotet e armiqve. E shtypën kryengritjen. E shtypën me zjarr e me hekur (pa mëshirë). Përpiqen të shtypin lëvizjet kombëtare.
6. fig. Nuk e lë të shfaqet, të shprehet a të veprojë lirisht; e pengoj, e kufizoj, e ndrydh. Burokratët shtypin kritikën (zërin e masës). I shtypte fëmijët (të bijat).
7. Riprodhoj në shtypshkronjë me anë mjetesh të posaçme tekste, vizatime, figura etj.; daktilografoj; botoj. Shtyp libra (gazeta, revista, pulla). E shtypën me ngjyra. Shtyp në makinë shkrimi (me shaptilograf). Shtyp pa gabime (pastër, shpejt).
♦Shtyp *hudhra (dikush) keq. T’i shtypësh *hudhra (në kokë) (dikujt). Ia shtypi *kokën (kryet) (dikujt). Ia shtypi kryet (*kokën) (dikujt).

SHUMËZIM

SHUMËZÍM,~I m. sh. ~E, ~ET 1. Procesi i shtimit me anë të riprodhimit; lindje e pasardhësve. Shumëzimi i kafshëve. Shumëzimi i qenieve. Shumëzimi i bletëve.
2. Veprimi kur riprodhojmë me mjete teknike. Shumëzimi i një teksti me shaptilograf.
3. mat. Një nga katër veprimet themelore të matematikës, me anën e të cilit nga dy numra (të quajtur “i shumëzueshmi” dhe “shumëzuesi”) nxirret një numër i tretë. Veprimi i shumëzimit. Tabela e shumëzimit. Prova e shumëzimit. Shumëzimi i numrave natyrorë.
✱Sin.: shumëfishim, shumim, shtim, rritje, riprodhim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë