Fjalori

Rezultate në përkufizime për “shampo”

Mëso si ta përdorësh
<<< Kthehu te kërkimi kryesor në fjalor

ANTIBAKTEROR

ANTIBAKTERÓR,~E mb., mjek. Që ka të bëjë me masat dhe mjetet kundër baktereve; që lufton bakteret; kundërbakterial. Dezinfektim antibakteror. Bar antibakteror. Prodhim antibakteror. Sapun (shampo, krem, alkool etj.) antibakteror.

AROMATIZUES

AROMATIZÚES,~I mb. Që përdoret për të shtuar aromë në prodhime të ndryshme për t’i bërë më të këndshme ose për të përmirësuar shijen dhe aromën e tyre; aromëzues. Vaj aromatizues. Erëza aromatizuese. Çaj aromatizues. Shampo aromatizuese për bebe. Parfum aromatizues. Detergjent aromatizues. Qirinj aromatizues. Tretës aromatizues antibakteror.

EKSPOZUAR

EKSPOZÚAR (i, e) mb. Që është paraqitur në ekspozitë, që është ekspozuar. Kryevepër e ekspozuar. Abetarja e ekspozuar në muzeun e njohur. Person i ekspozuar politikisht. Shampo për flokët e ekspozuar në diell. Punimet e tij janë të ekspozuara në shumë kryeqendra të botës. Moshat më të ekspozuara.
✱Sin.: i paraqitur, i zbuluar, i shtjelluar.

ENERGJIZUES

ENERGJIZÚES,~E mb. Që të jep energji dhe forcë, që të energjizon. Qumësht trupi energjizues. Parfum shtëpie energjizues. Shampo energjizuese. Vitamina energjizuese.

PASTROHEM

►PASTR/ÓHEM jovep., ~ÓVA (u), ~ÚAR 1. vetv. Pastroj veten duke u larë me ujë, me shampo etj. dhe duke u fërkuar; heq nga vetja baltën, njollat ose papastërtitë e ndryshme me ujë a me ndonjë lëndë tjetër pastruese. Pastrohet përditë. U la e u pastrua.
2. vetv., vet. v. III I largohet diçka e huaj a që e zinte, qërohet. Qielli u pastrua.
3. pës. e PASTRÓJ.
✱Sin.: lahem, paqohem, paqësohem, dëlirem, spastrohem, shkëlqaret, shpëlahem, shkrimbem, kthjellohem, hapem, qërohet, rafinohet, kullohet.

SHAMPO

SHÁMPO,~JA f. sh. ~, ~T Lëndë e lëngshme që përdoret për të larë kokën a trupin, sapun i lëngshëm. Shampo me hithër. I kishte mbaruar shampoja. I lau flokët me shampo. Shampo e thatë.
✱Sin.: sapun, detergjent.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë