Fjalori

Rezultate në përkufizime për “shalakatje”

Mëso si ta përdorësh
<<< Kthehu te kërkimi kryesor në fjalor

DREDHJE

DRÉDHJ/E,~AI f. sh. ~E, ~ET 1. Veprimi kur dredhim a kur dridhet diçka; rrotullimi disa herë i dy a më shumë fijeve së bashku për të bërë një fill të vetëm më të trashë e më të fortë; përdredhje; kund. zhdredhje, shpërdredhje. Dredhja e fijeve. Dredhja e telit. Dredhja e gjalmit (e litarit). Dredhja e leshit (e pambukut). Dredhja me furkë. Çikrik dredhjeje. Makina e dredhjes. Reparti i dredhjes.
2. Kthimi dhe rikthimi i diçkaje, duke e lëvizur rreth vetes a rreth një boshti; rrotullim; përdredhje. Dredhje e trupit (e belit). Dredhja e hellit.
3. Dhënia e trajtës së valëzuar diçkaje të drejtë, veprimi për ta bërë dredha-dredha ose valë-valë; veprimi për ta bërë diçka me majë të lakuar, duke e rrotulluar me majat e gishtërinjve; përdredhje. Dredhja e flokëve. Dredhja (përdredhja) e mustaqeve.
4. Rrotullimi i diçkaje rreth gishtit; sjellja rrotull nëpër gishtërinj, mbledhja a mbështjellja si rrotull e një cope letre a diçkaje tjetër të ngjashme me të. Dredhja e letrës. Dredhja e cigares. Dredhja e zinxhirit. Dredhja e tespiheve.
5. Ndërrim i drejtimit. Dredhjet e udhës. Dredhja majtas (djathtas).
6. bis. Hedhje e fjalës gjetiu; dredhi;dredhim; shmangie e përgjigjes së drejtpërdrejtë. Dredhja e fjalës.
7. Dridhja e diçkaje disa herë. Dredhja nga korrenti.
8. fig., bised. Tundja që nga themelet e diçkaje, lëkundja e fortë, tronditje, që të bën të të zërë frika dhe të të hyjnë dridhmat.
9. Kthesë harkore e një rruge, e një lumi etj., lak rruge, bërryl; kthesë e tillë që bën dikush a diçka kur ecën ose kur lëviz.
10. muz., kryes. sh. Lëvizje të lehta të zërit më lart a më poshtë se toni kryesor; ngritje e ulje të vogla të zërit (kur këndojmë); dridhjet e zërit; dridhje. Dredhja e zërit.
11. Diçka e dredhur a e përdredhur. Dredhjet e sustës. Dredhja e kularit.
12. Shakullimë, shtjellë; dredhë. Dredhje ere (bore).
✱Sin.: përdredhje, spërdredhje, tjerrje, shalakatje, vërtitje, dredhim, mashtrim, rrëqethje, dridhmë, lakadredhje, gjarpërim, turrahitje, shakullimë, shtjellë.

SHALAKATJE

SHALAKÁTJ/E,~A f. sh. ~E, ~ET Lëvizje a tundje nga njëra anë në tjetrën. Ecje me shalakatje. Nuk po e ndiente shalakatjen. U ngrit në këmbë me shalakatje.
✱Sin.: tundje, kolovitje, lëkundje, luhatje, kalamendje.

TUNDJE

TÚNDJ/E,~A f. sh. ~E, ~ET 1. Veprimi kur lëviz diçka përpara dhe mbrapa ose nga njëra anë në tjetrën; kur e lëkund a e shkund lehtë a fort; të tundurit e diçkaje.
2. Lëvizje që bën diçka kur tundet, e tundur, dridhje, lëkundje; përkundje; valëvitje; llokoçitje. Tundja e djepit. Tundja e shamisë. Tundjet e degëve nga era. Tundja e kokës (e dorës). Tundja e shishes. Tundja e ndërtesave nga tërmeti. Tundjet e qerres. Tundjet nga makina në një rrugë të paasfaltuar.
3. Rrahje, llokoçitje e kosit a e qumështit në tundës. Tundja e kosit kërkon krahë të fortë.
4. krahin. Tundës. E rrahu kosin në tundje.
✱Sin.: lëkundje, përkundje, luhatje, përhedhje, londitje, përkundje, kolovitje, shalakatje, tundullim, trandje, shkundje, shalakatje, zhabaritje, llapashitje, lëvizje, rrahje, shukje, llokoçitje, llapashitje, valëvitje, valëzim, tronditje, tundës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë