Fjalori

Rezultate në përkufizime për “shakullis”

Mëso si ta përdorësh
<<< Kthehu te kërkimi kryesor në fjalor

BRANGALLEJ

BRANGALL/ÉJ vep., ~ÉVA, ~ÝER edhe fig., kal. Rrëkëllej, rrokullis, shakullis.

BREGALOJ

BREGAL/ÓJ vep., ~ÓVA, ~ÚAR kal. Rrokullis teposhtë nga një lartësi e vogël. Bregaloi një gur.
✱Sin.: rrëkëllej, rrokullej, shakullis, harakuq.

RROKULLEJ

RROKULL/ÉJ vep., ~ÉVA, ~ÝER kal. 1. Rrokullis. Rrokullente barrët me dru. E kishte rrokullyer gurin teposhtë.
2. Rrëkëllej2. Rrokulleu një gotë dhe iku. Rrokullej me një frymë.
✱Sin.: shakullis, rrotulloj.

RROKULLIS

RROKULLÍS vep., ~A, ~UR kal. 1. Lëshoj diçka nga një lartësi që të bjerë teposhtë duke u sjellë rreth vetes, shtyj që të lëvizë tatëpjetë duke u rrotulluar; rrëkëllej. Rrokullisi një fuçi drejt makinës. E kishte rrokullisur në greminë.
2. E rrëzoj përtokë; e përmbys. E pati rrokullisur karrocën në një hendek.
3. fig. Kaloj kohën ose jetën me vështirësi dhe pa diçka të shënuar e të gëzuar. Rrokulliste ditët pa bërë gjë.
4. fig. I them fjalët, duke i shqiptuar shpejt njërën pas tjetrës e pa i menduar mirë; nxjerr nga goja. Rrokulliste fjalë pa menduar gjatë.
✱Sin.: rrokullej, shakullis, bregaloj.
♦ Rrokullis *kërcunj (dikush) Rrokullis *shkëmbinj (dikush).

SHAKULLIS

SHAKULLÍS vep., ~A, ~UR kal. 1. Rrokullis tatëpjetë si shakull; rrëzoj shakull përtokë; zhgërryej. E shakullisi në një greminë. E shakullisi keq. Mos më shakullis, të lutem!
2. fig. E rrëzoj dikë nga detyra që mban a pushteti; e gremis. Kishte prova që e shakullisën nga froni. E shakullisën nga detyra për shkelje të rënda.
✱Sin.: rrokullis, rrëzoj, zhgërryej, shemb, gremis, plandos.

SHAKULLISEM

►SHAKULLÍS/EM jovep., ~A (u), ~UR 1. vetv. Rrokullisem tatëpjetë si shakull; bie shakull përtokë. Avioni u shakullis përmes reve. U shakullis e nuk u ndje më. U shakullis nëpër përrua.
2. vetv. Zhyhem; shtrihem si shakull, rri shtrirë sa gjatë e gjerë. U shakullisëm në lëndinë. U shakullisa mbi barin e njomë.
3. vetv., vet. v. III Zhgërryhet nëpër rërë (dëborë etj.); shpupuritet. Shakullisej në rërë. Shakulliseshin në dëborë.
4. vetv. Bëhem si shakull nga të ngrënët, fryhem. U shakullisa së ngrëni. U shakullisën duke ngrënë gjithë fundjavën.
5. vetv. Squllem duke ndenjur në diell, lëshohem. Shakullisem në diell. Shakulliseshin gjithë gëzim në diell.
5. pës. e SHAKULLÍS.
✱Sin.: shakullisem, rrokullisem, zhgërryhem, shtrihem, shpupuritet, squllem, lëshohem, plandosem.

SHAKULLOJ

SHAKULL/ÓJ kal. ~ÓVA, ~ÚAR Shakullis.

SHKARËZIT

SHKARËZÍT vep., ~A, ~UR jokal. 1. Shkas në një shkarëzimë, shkarëzej. Shkarëziti duke u mbajtur fort.
2. Rrëshqasin fëmijët duke u lëshuar nga lart. U dha porosi fëmijëve të shkarëzitin me kujdes.
✱Sin.: rrëkëllej, zhgërryej, shakullis, shkas.

SHUK

SHUK vep., ~A, ~UR kal. 1. Mbledh a bëj shuk diçka; e shtyp, e mbështjell pa rregull, duke e zhubrosur (për rrobat); e ngjesh mirë; shukat, shukos. Shuk paketën me cigare. I shukën rrobat. E shuku fustanin.
2. E rrah dikë. E shuku mirë brumin. E shuku me dru e rrahu mirë.
3. Hedh me forcë diçka përtokë a pas një sendi tjetër të fortë; përplas. E shuku topin. Ua shuku kokat. E shuku pas derës (pas murit).
4. E përplas dikë a e trondit një mjet udhëtimi. Na shuku makina. Na shuku zorrët.
5. Bëj dikë të heshtë. E shuka se na lodhi kokën duke folur shumë.
6. Shuaj, fik. Shuk zjarrin.
7. fig. Ul, shuaj. - Shuke zërin!
✱Sin.: shukat, shukos, rrudh, zhubros, mbledh, shtyp, ngjesh, mbështjell, përplas, përtroll, përtrollis, shakullis, troshit.

ZHGËRRYEJ

ZHGËRR/ÝEJ vep., ~ÉVA, ~ÝER kal. 1. Gërryej me vrull e për një kohë të gjatë dheun, plehun, borën etj., duke e hedhur sa andej-këtej. E zhgërreu borën me këmbë. E zhgërryen tokën me thonj. Pula që zhgërryen, sytë e saj nxjerr. (fj. u.).
2. E tërheq zvarrë ose e rrokullis dikë a diçka në pluhur, në baltë etj. dhe e fëlliq; përlyej, zhyej. E zhgërreu nëpër pluhur. I zhgërreu në baltë. Zhgërreu pantallonat (fustanin). - Po nuk i zhgërryeve buajt në vapë, pëlcasin, kur i leros, freskohen. (folk.).
3. fig. Harxhoj diçka pa masë, e bëj rrush e kumbulla. E zhgërreu mallin (pasurinë).
4. fig. Hedh poshtë e shkel diçka si një gjë fare pa vlerë, përdhos. Ia zhgërreu ndjenjat.
✱Sin.: shkarëzej, sharapjek, gërryej, zvarris, rrokullis, shakullis, mposht, fëlliq, përlyej, zhyej, ndot, ndyj, leros, përdhos përzhug, zhabërzhyej.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë