Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DËSHMITÁR,~I m. sh. ~Ë, ~ËT 1. Ai që është i pranishëm në një ngjarje dhe sheh me sytë e vet atë që ndodh ose dëgjon atë që thuhet. Dëshmitar i vetëm. Tregimet e dëshmitarëve. S’kishte dëshmitarë.
2. drejt. Ai që thirret për të dëshmuar para organeve të drejtësisë për dikë a për diçka që e di, që e ka parë ose e ka dëgjuar vetë. Dëshmitari i akuzës (i mbrojtjes). Pohimi i dëshmitarit. Provë me dëshmitar. Thërriti dëshmitarin. Pyet (dëgjon) dëshmitarët. Ballafaqoi dëshmitarët. Doli dëshmitar.
3. zyrt. Ai që ftohet të jetë i pranishëm në një veprim ligjor (martesë, testament etj.). Dëshmitarët e martesës. E morën për dëshmitar. U bë me dy dëshmitarë.
4. fig. Send a diçka tjetër që ndodhet në vendin e një ngjarjeje dhe mund të shërbejë si dëshmi. Dëshmitar i heshtur.
5. vjet. Dëshmor. Ra dëshmitar.
✱Sin.: dëshmues, dëshmimtar, dëshmonjës, dëshmor, shahit.
SHAHÍT,~I m. sh. ~Ë, ~ËT vjet. 1. Ai që është në dijeni të drejtpërdrejtë të një fakti (e ka parë, e ka dëgjuar) dhe thirret për të dëshmuar rreth tij, dëshmitar. Kam shahit gjithë fshatin. U thirr shahit. E morën për shahit. I duhej një shahit që e kishte parë vetë ngjarjen.
2. Ai që sakrifikon në mënyrë të vullnetshme jetën, pa marrë parasysh rreziqet, dëshmor. Ra shahit. Emri i shahitit. Shahitëve u kishin bërë një lapidar.
✱Sin.: dëshmitar, dëshmues, dëshmor, martir, veqil.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë