Fjalori

Rezultate në përkufizime për “shëtitëse”

Mëso si ta përdorësh
<<< Kthehu te kërkimi kryesor në fjalor

BIBLIOBUS

BIBLIOBÚS,~I m. sh. ~Ë, ~ËT libr. Autobus i posaçëm për transportimin e librit deri te lexuesit; bibliotekë shëtitëse me autobus. Kanë në dispozicion një bibliobus.

BIBLIOTEKË

BIBLIOTÉK/Ë,~A f. sh. ~A, ~AT 1. Institucion që merret me grumbullimin, ruajtjen dhe përpunimin e librave, të revistave e të botimeve të tjera, që i bën këto të njohura dhe ua jep lexuesve përkohësisht për t’i shfrytëzuar; ndërtesa ose salla e këtij institucioni. Biblioteka Kombëtare. Bibliotekë shkencore (digjitale). Biblioteka e Akademisë së Shkencave. Biblioteka e universitetit (e shkollës, e fakultetit, e institutit). Biblioteka e qytetit (e lagjes, e fshatit). Bibliotekë shëtitëse (lëvizëse) libra, revista etj., që dërgohen me mjet të veçantë nga një vend në tjetrin për t'u shfrytëzuar nga lexuesit. Bibliotekë e gjallë (fig., libr.) njeri shumë i ditur, i cili i ka fituar njohuritë me studime vetjake; erudit. Salla e bibliotekës. Fondi i bibliotekës. Skedari i bibliotekës. Anëtar i bibliotekës.
2. Tërësia e librave që ka mbledhur dikush për t’i lexuar ose për të punuar me to. Bibliotekë vetjake (e pasur). Krijoj një bibliotekë.
3. Raft i posaçëm në të cilin mbahen libra. Bibliotekë me xham. Bibliotekë në mur. Bëj një bibliotekë. Vë librat në bibliotekë.
4. Libra me përmbajtje e me tematikë të afërt ose me përmasa të njëllojta, që shtypen varg nga një shtëpi botuese a që i drejtohen një grupi të caktuar lexuesish. Biblioteka e poezisë. Bibliotekë xhepi.

PRAMATI

PRAMATÍ,~A f., vjet. Tregti vogëlsirash, që bëhej duke shkuar nga një vend në tjetrin, tregti shëtitëse. Bënte pramati. E la pramatinë.

PRAMATIS

PRAMATÍS vep., ~A, ~UR jokal. Merrem me tregti vogëlsirash duke shkuar nga një vend në tjetrin, bëj tregti shëtitëse.

PREDIKATORE

PREDIKATÓR/E,~JA f. sh. ~E, ~ET 1. Predikuese e mësimeve të fesë. Predikatore shëtitëse.
2. Propaganduese e një ideje, e një doktrine etj.. Predikatore politike.
3. Foltore e priftit.

SHËTITËS

SHËTÍTËS,~E mb. 1. Që kalon nga një vend në një tjetër. Koncert shëtitës. Cirk (teatër) shëtitës. Trupë shëtitëse. Muzikant shëtitës. Turist shëtitës. Art shëtitës. Shitës shëtitës. Berber shëtitës. (vjet.) Brigadë artizanati shëtitëse. Ambasador shëtitës (dipl.).
2. fig. Që ka disa adresa dhe të cilit nuk i identifikohet vendi i banimit, zakonisht për zgjedhjet. Votues shëtitës zgjedhës të regjistruar në disa vende.
✱Sin.: i dalë, i bredhur, i dalë, i gjezdisur, i baritur, i shëtitur.

SHËTITËSE

SHËTÍTËS/E,~JA m. sh. ~, ~ET Ajo që shëtit sa në një vend në një tjetër, ajo që del për shëtitje. Shëtitëse e rregullt. Shëtitëset e moshuara (të reja). Shëtitëse e shoqëruar me shoqe.
✱Sin.: shëtitare, gjezdisëse, udhëtare..

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë