Fjalori

Rezultate në përkufizime për “shëndetësim”

Mëso si ta përdorësh
<<< Kthehu te kërkimi kryesor në fjalor

ASANACION

ASANACIÓN,~I m. sh. ~E, ~ET Procesi i pastrimit, i dezinfektimit, i përmirësimit të një vendi të ndotur; varg masash e veprimesh higjienike-teknike që ndërmerren për rregullimin dhe përmirësimin e kushteve dhe të rrethanave të përgjithshme shëndetësore e mjedisore me qëllim mënjanimin e shfaqjes së epidemive e të pandemive. Asanacion për mënjanimin e ndotjes lumore. Asanacion i infrastrukturës urbane.
✱Sin.: shëndetësim, përmirësim, sanim, dezinfektim, pastrim.

NGJALLJE

NGJÁLLJ/E,~A f. Veprimi dhe gjendja kur ngjall ose kur ngjallem. Ngjallja e shpirtit sulmues. Ngjallje jashtë mase.
✱Sin.: ringjallje, fryrje, shëndoshje, shërim, shëndetësim, nxitje, zgjim, ngacmim, lindje, ndjellje.

SHËNDETËSIM

SHËNDETËSÍM,~I m. vet. nj., libr. 1. Veprimi kur i kthejmë dikujt shëndetin e humbur, shërimi nga një sëmundje. Shëndetësim i shpejtë (i plotë). Shëndetësimi i tufës (i gjedhëve, i kafshëve). Shëndetësimi i ullishtës (i bimëve, i pemëve). Shëndetësimi i zonave veriore (i mjedisit). Fondet për shëndetësim.
2. Gjendja kur dikush është shëndoshur nga një sëmundje; shërim. Shëndetësim i ngadaltë.

SHËRIM

SHËRÍM,~I m. 1. Gjendja kur ndiejmë kalimin e një sëmundjeje a të një dëmtimi fizik; mbyllja e plagës, shëndoshje, kurim. Shërimi i sëmundjes. Shërimi i plagës. Shërimi i lëkurës. Ilaç i shërimit. Nuk ka (nuk gjen) shërim. Nga shkaku deri te shërimi. I uroj dikujt shërim të shpejtë.
2. Mjet që shërben për të shëruar një sëmundje a një dëmtim fizik; mjekim; bar për mjekim, ilaç. Sëmundje pa shërim. Kurë shërimi. Nuk iu gjend shërimi kësaj sëmundjeje.
3. fig. Ndryshimi i një situate duke gjetur një rrugëdalje, shpëtim. Nuk ka shërim. Shërim shpirtëror. Shërimi i ekonomisë.
✱Sin.: shëndoshje, shëndetësim, mjekim, kurim, ngjallje, përtëritje, përmirësim, bar, ilaç, melhem, ngushëllim, derman.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë