Fjalori

Rezultate në përkufizime për “sezon”

Mëso si ta përdorësh
<<< Kthehu te kërkimi kryesor në fjalor

DOMINUAR

DOMINÚAR (i, e) mb., libr. Që është në kontroll të plotë nga dikush a nga diçka; i mbizotëruar. Sistem politik i dominuar nga një person i vetëm me politikën e tij. Sezon i dominuar nga nxehtësia. Eksport kryesisht i dominuar nga produktet bujqësore.

EKUILIBRUESHËM

EKUILIBRÚESH/ËM (i), ~ME (e) mb. Që mund të arrijë një gjendje ekuilibri, që mund të ekuilibrohet; kund. i çekuilibrueshëm. Karakter i ekuilibrueshëm. Financat e skuadrave janë të ekuilibrueshme këtë sezon. Fatet janë të ekuilibrueshme.

JOSEZONAL

JOSEZONÁL,~E mb. Që nuk zgjat vetëm një sezon; që nuk i përket vetëm një sezoni; kund. sezonal, stinor. Punë josezonale.

MBARTUR

MBÁRTUR,~A (e) f. sh. ~A, ~AT (të) 1. Lëndë e pashlyer me provim dhe e mbartur nga sezoni a nga sezonet e mëparshme. I mori të tëra lëndët, edhe të mbarturat. Bashkë me të mbarturat i bëheshin 13 provime.
2. Diçka që është mbartur nga një sezon a periudhë e mëparshme. Borxhet e reja dhe të mbarturat nga vitit i mëparshëm.

STINË

STÍN/Ë,~A f. sh. ~Ë, ~ËT 1. Secila nga të katër pjesët tremujore, në të cilat ndahet viti sipas klimës dhe zhvillimit të bimësisë: pranvera, vera, vjeshta dhe dimri. Stina e pranverës. I pëlqente të gjitha stinët e vitit. Gatuante gjithmonë me perime të stinës. Fëmijët duhet të vishen sipas stinës.
2. Periudhë e vitit me klimë a kushte atmosferike të caktuara. Stina e ngrohtë. Stinës së thatë po i vinte fundi. Kishin marrë masa për afrimin e stinës së shirave.
3. Periudhë e vitit gjatë së cilës zhvillohet një veprimtari e caktuar. Stina sportive. U publikua programi i stinës koncertore. Ndiqte çdo aktivitet të stinës teatrale.
✱Sin.: sezon, shultinë.

TRIPLETË

TRIPLÉT/Ë,~A f. sh. ~A, ~AT sport. 1. Tre gola të shënuar nga i njëjti lojtar në një ndeshje futbolli. Sulmuesi ka shënuar tripletë që në pjesën e parë.

2. Tre trofe të fituar nga një klub në një sezon të vetëm të futbollit. Tripleta është arritur vetëm nga pak ekipe evropiane.

VJESHTUK

VJESHTÚK,~EII mb. Që ka mbetur në provim në sezonin e verës dhe paraqitet në vjeshtë (për studentët). Ka shumë vjeshtukë këtë sezon të provimeve.
✱Sin.: ngelës, mbetës.

VJESHTUKE

VJESHTÚK/E,~JA f. sh. ~E, ~ET Ajo që paraqitet në provim në vjeshtë pasi ka mbetur në sezonin e verës (studente). Po vijnë vjeshtuket. Kishte shumë vjeshtuke në këtë sezon.
✱Sin.: ngelëse, mbetëse.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë