Fjalori

Rezultate në përkufizime për “sevdalli”

Mëso si ta përdorësh
<<< Kthehu te kërkimi kryesor në fjalor

MERAKLI

MERAKLÍ,~E mb., bised. 1. Që ka merak për ta bërë çdo gjë në rregull e sa më mirë, që e bën punën me kujdes të madh e me përgjegjësi. Mjeshtër merakli. Amvisë meraklie.
2. Që është i dhënë shumë pas diçkaje, që i pëlqen shumë të merret me diçka. Kopshtar (lulishtar, fermer) merakli. Është merakli pas muzikës (pas sportit, pas librave, pas kafesë).
3. Që bie shpejt në dashuri, që e zë meraku menjëherë. Djalë (burrë) merakli.
4. Që ndien shqetësim të madh për një njeri të afërm a të dashur; që shqetësohet shumë a që e ha meraku për diçka. Prind merakli (për fëmijët).
5. Që ka dyshim, frikë a pasiguri përpara diçkaje të panjohur, të dëmshme, të rrezikshme, të papastër etj.; që ruhet shumë nga gjëra të tilla. Njeri merakli. Është merakli.
✱Sin.: i dhënë, i përkushtuar, qejfli, sevdalli, i dashuruar, i merakosur, i shqetësuar, dyshues, i pasigurt.

SEVDALLI

SEVDALL/Í,~ÉSHË mb. bised. 1. iron. Që dashurohet lehtë, që bie shpejt në dashuri. Kokëkrisur e sevdalli. Fshati kishte një bandill sevdalli.
2. Që është i dhënë shumë pas diçkaje, që e ka me merak e me qejf të madh diçka. Grua sevdalleshë pas veshjeve. Ishte sevdalli pas muzikës. Ishte sevdalli për vreshta. Është bërë sevdalli pas bletëve.

SEVDALLI

SEVDALLÍ,~U m. sh. ~NJ, ~NJTË bised. Ai që është i dhënë shumë pas diçkaje, ai që e ka me merak e me qejf të madh diçka. Sevdalli i pandreqshëm! U mblodhën të gjithë sevdallinjtë e gjahut.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë