Fjalori

Rezultate në përkufizime për “seriozitet”

Mëso si ta përdorësh
<<< Kthehu te kërkimi kryesor në fjalor

ANGAZHOHEM

►ANGAZH/ÓHEM jovep., ~ÓVA (u), ~ÚAR 1. vetv. Përfshihem në një punë a në një veprimtari, i hyj një pune dhe merrem me të; marr pjesë aktivisht ose përkushtohem ndaj diçkaje. Angazhohem në aktivitetet humanitare. Është angazhuar për të drejtat e fëmijës.
2. vetv. Zotohem; marr përsipër një detyrë, një përgjegjësi ose një angazhim me seriozitet dhe me përkushtim. Angazhohem për fjalën e dhënë. Angazhohem për detyrën e pranuar.
3. usht., vetv. Përfshihem në veprime luftarake, hyj në betejë me kundërshtarin. Angazhohet në luftime. Angazhohet ushtarakisht. Angazhohen trupat e forcës ushtarake të vendit.
4. pës. e ANGAZHÓJ.

BUFONERI

BUFONERÍ,~A f. sh. ~, ~TË libr. Sjellje a veprim qesharak e pa seriozitet; shaka pa kripë. Nuk i duron dot bufoneritë. Bufoneri politike. Shfaqje e mbushur me bufoneri.

MIRËKUPTUESHMËRI

MIRËKUPTUESHMËRÍ,~A f. Të qenët i mirëkuptueshëm. Analiza kërkon seriozitet dhe mirëkuptueshmëri. Bashkëveprojnë me mirëkuptueshmëri.

PËRUNJËSISHT

PËRUNJËSÍSHT ndajf. Me përulësi. Përunjësisht krenarë për një punë të nisur me besim e shumë seriozitet! Falënderoj përunjësisht aplikantët. E pyeti me lutje dhe përunjësisht.

SERIOZITET

SERIOZITÉT,~I m. 1. Vetia e dikujt që është serioz a e diçkaje që është serioze; të qenët serioz. Serioziteti i gjendjes nuk u kuptua në fillim. Serioziteti në punë është vlerë. E bën detyrën me seriozitet. E mori përgatitjen me seriozitet.
2. Qëndrimi serioz dhe pamja e jashtme e dikujt, që e thotë a e bën diçka me gjithë mend e pa shaka. Ruan seriozitetin në çdo situatë. Ia tha me seriozitet.

SOLEMN

SOLÉMN,~E mb. 1. Që bëhet me ceremoni të posaçme dhe me madhështi; që organizohet me rastin e një ngjarjeje të shënuar e me rëndësi të veçantë. Mbledhje (konferencë) solemne. Kremtime solemne. Miting solemn. Në këtë ditë solemne.
2. Që jepet në mënyrë të vendosur, me seriozitet dhe rëndësi të veçantë. Betim (premtim) solemn.
3. Që ka tipare serioze, madhështore e të ngritura; hijerëndë e i lartë. Stil solemn. Ton solemn. Në mënyrë solemne.
✱Sin.: festiv, kremtues, akademik, madhështor, ceremonial, i ngritur, hijerëndë, i lartë.

SOLEMNITET

SOLEMNITÉT,~I m. sh. ~E, ~ET 1. Seriozitet; madhështi. E pritën me solemnitet.
2. Ceremoni solemne, punë solemne, punë madhështore; manifestim madhështor. Organizim me solemnitet.
3. Vendosmëri. Diskutoi me shumë solemnitet.
✱Sin.: festim, kremtim, ceremoni.

VULGARIZOHET

►VULGARIZ/ÓHET jovep., ~ÚA (u), ~ÚAR libr., vet. v. III 1. vetv., keq. Thjeshtëzohet jashtë mase a shtrembërohet, bëhet vulgar, merr pamje vulgare; thjeshtëzohet deri në atë shkallë sa humbet thelbin a përmbajtjen. U vulgarizua çështja. U vulgarizua zgjidhja e problemit. E nisem me seriozitet, por u vulgarizua gjithçka. U vulgarizua situata.
2. vetv. Paraqitet thjesht për t’u kuptuar lehtë nga të gjithë njerëzit në përgjithësi; popullarizohet (një çështje, problem, studim, ide etj.).
3. pës. e VULGARIZÓJ.
✱Sin.: thjeshtëzohet, shtrembërohet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë