Fjalori

Rezultate në përkufizime për “sentimentale”

Mëso si ta përdorësh
<<< Kthehu te kërkimi kryesor në fjalor

LIRIKO-SENTIMENTAL

LIRÍKO-SENTIMENTÁL,~E mb. Që ka të bëjë me lirikën dhe ndjenjën, që i përket lirikës dhe ndjenjës a ndjeshmërisë si motive të krijimit; që ndërthur lirizmin me ndjeshmërinë e butë, të qetë e reflektuese. Atmosferë liriko-sentimentale. Teksti i autorit merr një ngjyrim liriko-sentimental.

MELODRAMË

MELODRÁM/Ë,~A f. sh. ~A, ~AT 1. let. Vepër dramatike moralizuese, ku veprimi zhvillohet në mënyrë të tillë që ta mallëngjejë spektatorin e ta mbajë atë në një gjendje të ngritur, duke gërshetuar elementet e theksuara tragjike, me ato sentimentale dhe duke shfrytëzuar efektet e jashtme e situatat e papritura e artificiale. Melodramë mallëngjyese.
2. let., muz. Vepër dramatike, në të cilën fjala e personazheve shoqërohet me muzikë e me këngë (edhe hist.).
3. fig., libr. Ngjarje ose gjendje, gjatë së cilës shfaqen lirshëm lloj-lloj ndjenjash prekëse që shkaktojnë të qara e të qeshura. Pati një melodramë.

QARAMANE

QARAMÁN/E,~IA f. sh. ~E, ~ET Ajo që qan orë e çast dhe pa ndonjë shkak; ajo që nuk pushon së qari, që ankohet gjithnjë edhe pa shkak. - Mos u bëj si ajo qaramania! Shënimet e qaramanes sentimentale (tall.).
✱Sin.: vajëse, lotmadhe, qaramashe, qarashe, buzëqarë, cingëruese.

SENTIMENTAL

SENTIMENTÁL,~E mb. 1. Që preket shumë shpejt në ndjenja, tepër i ndjeshëm. Njeri sentimental. Psherëtima sentimentale. Qëndrim sentimental. Është bërë sentimental. Nuk duhet të bëhemi shumë sentimentalë në këtë pikë. Por, çuditërisht ndihej sentimental.
2. let. Që i kushtohet shumë botës së ndjenjave të njeriut, që e përshkruan njeriun dhe natyrën me shumë ndjenjë e zbukurime. Letërsia sentimentale. Roman sentimental. Kishte përshkrime sentimentale.

SENTIMENTALISTE

SENTIMENTALÍST/E,~JA f. sh. ~E, ~ET Ajo që është sentimentale. Dukej e shkruar nga një sentimentaliste. Sentimentalistja nuk mbajti dot lotët.

TELENOVELË

TELENOVÉL/Ë,~A f. sh. ~A, ~AT Vepër romaneske e realizuar si film e që shfaqet në seri në televizion; seri televizive që tregojnë histori sentimentale të shumë personazheve. Telenovela braziliane. I pëlqejnë telenovelat. Ndjek telenovela. Pasditen e shtyn duke parë telenovela.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë