Fjalori

Rezultate në përkufizime për “sendërtuar”

Mëso si ta përdorësh
<<< Kthehu te kërkimi kryesor në fjalor

AKTUALIZUAR

AKTUALIZÚAR (i, e) mb. Që është aktualizuar, që është aktual, i ditëve tona, i sotëm i përtashëm; bashkëkohor, modern, i jetësuar, i përshtatur me realitetin e sotëm, i sjellë në gjendjen më të re. Të dhëna të aktualizuara. Ngjarje e aktualizuar. Përvojë e aktualizuar. Kompjuter i aktualizuar. Versioni i aktualizuar i aplikacionit. Program mësimor i aktualizuar me metoda moderne. Janë aktualizuar mendimet e mia.
✱Sin.: i përtashësuar, i përditësuar, i përshtatur, i bashkëkohorizuar, modern, i modernizuar, i jetësuar, i sendërtuar, i realizuar, i zbatuar.

ARRITUR

ARRÍTUR (i, e) mb. 1. Që është bërë, që është kryer, që është arritur. Mesatarja e arritur. Shkalla e arritur. Përqindja e arritur.
2. Që është bërë mirë; i gjetur mirë, i goditur. Vepër e arritur. Figurë e arritur. Artistikisht i arritur.
3. fin., vjet. Që e ka mbushur afatin e caktuar, që i përket një periudhe të përfunduar. Interesat e arritur. Kamata e arritur.
✱Sin.: i mbërritur, i kryer, i përfunduar, i arrirë, i mundur, i sendërtuar, i realizuar, i kapshëm, i gjetur, i goditur.

PASENDËRTUAR

PASENDËRTÚAR (i, e) mb. Që nuk është sendërtuar, që nuk është mishëruar; kund. i sendërtuar. Mendim i pasendërtuar.

SENDËRTUAR

SENDËRTÚAR (i, e) mb. Që është sendërtuar. Frymëzim i sendërtuar poetikisht. Interesat e tyre i quajnë të sendërtuara. Vetëvendosjen e kemi shpallur të sendërtuar.
✱Sin.: i përmbushur, i plotësuar, i zbatuar, i konkretizuar.

TRUPËZUAR

TRUPËZÚAR (i, e) mb. 1. Që është trupëzuar; që është prerë, i trobzuar. Trung i trupëzuar.
2. Që është shkrirë a bashkuar. Vitamina të trupëzuara. Metale të trupëzuara.
3. Që është materializuar (mishëruar, sendërtuar), që është vënë në jetë. Ide të trupëzuara.

ZBATUAR

ZBATÚAR (i, e) mb. 1. Që është zbatuar; i përmbushur, i realizuar. Porosi e zbatuar. Detyra të zbatuara. I zbatuar rrallëherë. Program i zbatuar. Ligje të zbatuar. Skenar i zbatuar për herë të parë.
2. libr. Që është vënë në përdorim për nevoja a për qëllime praktike, që ka gjetur zbatim praktik. Artet e zbatuara. Fizika (mekanika) e zbatuar. Gjuhësia e zbatuar. Art i zbatuar popullor. Departamenti i Informatikës së Zbatuar.
✱Sin.: i plotësuar, i përmbushur, i sendërtuar, i kryer, i realizuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë