Fjalori

Rezultate në përkufizime për “sekuencë”

Mëso si ta përdorësh
<<< Kthehu te kërkimi kryesor në fjalor

ALEF

ALÉF,~I m. 1. Shkronja e parë e alfabetit hebraik dhe atij fenikas, e cila përdorej për të theksuar fillimin ose thelbin hyjnor në tekstet fetare hebraike.
2. mat. Sekuencë a madhësi për anëtarët e një bashkësie të pafundshme numrash; kufiri i skajshëm i numrave realë a shkalla e pafundësisë.

ALGORITËM

ALGORÍT/ËM,~MI m. sh. ~MA, ~MAT 1. mat. Rregull ose përshkrim për zgjidhjen e një problemi matematikor; përshkrim e udhëzim i një mënyre llogaritjeje me numra dhjetorë. Tabela e algoritmeve.
2. inf. Program kompjuterik që funksionin si algoritëm duke i dhënë udhëzime kompjuterit për hapat dhe radhën e veprimeve; sekuencë udhëzimesh në një kompjuter; mënyrë përshkrimi e udhëzimi për përpunimin e të dhënave kompjuterike.

MARKER

MÁRKER,~I m. sh. ~A, ~AT 1. Lloj stilolapsi me majë të gjerë që përdoret për të shkruar në sipërfaqe të ndryshme (në letër, plastikë, dru etj.). Përdor një marker të përhershëm (akrilik, me bazë uji). Mësuesi shkroi me marker blu në dërrasën e bardhë të klasës. Nënvizova disa fjalë në tekst me një marker të kuq.

2. biol. Çdo ndryshim në një sekuencë të acideve nukleike të ADN-së ose të tipareve të tjera gjenetike që mund të përdoren për qëllime identifikimi. Ka shumë markera gjenetikë në çdo kromozom.

3. mjek. Substancë fiziologjike që, kur është e pranishme në sasi jonormale në serum, mund të tregojë praninë e sëmundjes, si p.sh. të një tumori malinj, të një sëmundje zemre etj.; biomarker.

4. mjek. Tipar fizik specifik që përdoret për të matur a për të treguar efektet ose përparimin e një sëmundjeje, të procesi a të një gjendjeje siç është plakja, formimi i vajit etj.; biomarker.

SEKUENCË

SEKUÉNC/Ë,~A f. sh. ~A, ~AT 1. Një sërë gjërash ose ngjarjesh të lidhura ose renditja në të cilën ato ndjekin njëra-tjetrën. Opusi i tij letrar është sekuencë tregimesh e romanesh. Në sekuencat e para filmike. Radhit sekuencat e tij biografike. Monografia përmban sekuenca intervistash të kohës.
2. Renditje e nukleotideve në acidin dezoksiribonukleik (ADN). Sekuencë e ADN-së.
3. Kohëzgjatje e një aktiviteti a e pjesëve përbërëse të tij. Gjithçka ndodhi në një sekuencë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë