Fjalori

Rezultate në përkufizime për “sekretim”

Mëso si ta përdorësh
<<< Kthehu te kërkimi kryesor në fjalor

ALBUMINURI

ALBUMINURÍ,~A f., mjek. Prania e albuminës në urinë, sekretim i albuminës përmes urinës. Vuan nga albuminuria. Trajtimi i albuminurisë me barna. Albuminuria dhe sëmundjet kronike të veshkës. Matjet e albuminurisë.

AVELL

AVÉLL,~II m., veter. Këlbazë, sëmundje e mëlçisë së zezë, që u bie dhenve dhe që shfaqet me sekretim të mukozës që prodhohet nga rrugët e frymëmarrjes. I ka zënë avelli dhentë. U ra avelli bagëtive.

GJËNDËR

GJË́ND/ËR,~RA f. sh. ~RA, ~RAT 1. anat. Organ si kokërr, si lëmsh etj. në trupin e njerëzve e të kafshëve, që prodhon lëngje të nevojshme për veprimtarinë jetësore të organizmit, që kalojnë në gjak ose derdhen jashtë. Gjëndrat dhjamore. Gjëndra tiroide. Gjëndra të zmadhuara. Gjëndrat e pështymës. Gjëndrat e qumështit. Gjëndër ekzokrine gjëndër që çliron lëndët e saj sekretore në një kanalth. Gjëndër endokrine gjëndër që i çliron lëndët sekretore të saj në lëngjet jashtëqelizore në kapilarë dhe prej këtej në qarkullimin sistemik. Gjëndra endëse struktura morfologjike specifike në brendësi dhe në sipërfaqe të trupit të krimbit të mëndafshit, me anë e të cilave, me sekretim prodhon fijen e mëndafshit. Zmadhimi i gjëndrave.
2. Lëmsh i vogël që formohet nën lëkurë nga zmadhimi i nyjave limfatike; nyjë e ënjtur a e malcuar. Gjëndër e madhe ( e vogël). Gjëndra në qafë (në rrëzë të kofshës). I doli një gjëndër.
3. bot. Organ si fshikëz, shumë e vogël; ind në lëkurën e disa frutave që prodhon lëngje. Gjëndrat e rrëshirës. Gjëndrat e lëkurës së portokallit.
✱Sin.: zhëngë, zhangël.

LAKTACION

LAKTACIÓN,~I m. sh. ~E, ~ET kim. 1. Formim dhe sekretim i qumështit nga gjëndrat e qumështit. Laktacioni fillon pas lindjes së foshnjës.
2. Të ushqyerit me gji. Gjatë laktacionit nënës i nevojiten më shumë kalori dhe lëngje.
3. Periudha e dhënies së gjirit fëmijës. Kaloi një laktacion të shëndetshëm.

MOSSEKRETIM

MOSSEKRETÍM,~I m. Veprimi kur nuk sekretoj a kur nuk sekretohet; mungesë sekretimi; kund. sekretim.

SEKRECION

SEKRECIÓN,~I m. sh. ~E, ~ET fiziol. 1. Lëndë e nevojshme për veprimtarinë e organizmit, që prodhohet si lëng nga gjëndra të ndryshme dhe që derdhet në gjak, në cipën e një organi ose jashtë; lëng që rrjedh nga një ind ose nga një organ. Sekrecionet e stomakut. Sekrecione nga veshi. Kishte shumë sekrecione nga hundët.
2. Sekretim; rrjedhje. Sekrecion i brendshëm (i jashtëm). Gjëndrat e sekrecionit.

SEKRETIM

SEKRETÍM,~III m. sh. ~E, ~ET fiziol. 1. Veprimi kur sekreton a sekretohetII. Me sekretim të brendshëm (të jashtëm). Sekretimi i pështymës. Sekretimi i lëngut. Fillon sekretimin.
2. Sekrecion. Sekretimet e stomakut. Sekretimet nga hunda (nga gryka).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë