Fjalori

Rezultate në përkufizime për “sedimentar”

Mëso si ta përdorësh
<<< Kthehu te kërkimi kryesor në fjalor

AGLOMERAT

AGLOMERÁT,~I m. sh. ~E, ~ET spec. 1. Grumbull, akumulim, i diçkaje që krijon një masë a një tërësi të vetme kompakte; tërësi e krijuar nga grumbullimi i përbërësve të ndryshëm; një përbërje e grimcave të vogla që janë bashkuar në një strukturë më të madhe. Aglomerat metalik. Bluarja ose thërrmimi i aglomeratit.

2. kim. Copë a masë grimcash që përftohet nga ngjeshja dhe nga nxehja e kokrrizave të një minerali; ngurtësimi i pluhurit të qymyrgurit ose i xeheve. Aglomerat minerar. Furra e aglomeratit. Prodhimi i aglomeratit.

3. gjeol. Shkëmb i shkrifët sedimentar ose vullkanor, i përbërë prej copash minerali të ngjeshura njëra me tjetrën. Aglomerat vullkanik. Aglomerat shkëmbor.

ARGJILIT

ARGJILÍT,~I m. sh. ~E, ~ET min. Lloj shkëmbi sedimentar i përbërë nga mineralet argjilore, që përdoren në industri, në ndërtimtari, në prodhimin e qeramikës etj.

GJEODË

GJEÓDË,~A f., gjeol. Gropëz e mbushur me kristale ose lëndë minerare në një shkëmb sedimentar ose vullkanik.

LLUMTAR

LLUMTÁR,~E mb. Sedimentar.

MARLË

MÁRL/Ë,~A f. sh. ~A, ~AT gjeol. Shkëmb sedimentar që përbëhet nga argjila, nga gurë të ndryshëm gëlqerorë dhe nga një masë rëre. Marla dolomite. Marla gipsore. Lloje të ndryshme marlash.

PIZOLIT

PIZOLÍT,~I m. sh. ~E, ~ET min. Shkëmb sedimentar, i përbërë nga gëlqerorë të formuar nga copë të vogla milimetrike.

SEDIMENTAR

SEDIMENTÁR,~E mb., kim., gjeol. Fundërror. Shkëmbinjtë sedimentarë. Lëvizja e materialit sedimentar.

TRAVERTINË

TRAVERTÍN/Ë,~A f., gjeol. Lloj i veçantë guri sedimentar, i cili formohet kryesisht nga depozitimi i kalciumit nga ujërat minerale të pasura me karbon; tuf gëlqeror i bardhë. Guri i travertinës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë