Fjalori

Rezultate në përkufizime për “sarhosh”

Mëso si ta përdorësh
<<< Kthehu te kërkimi kryesor në fjalor

PIJANEC

PIJANÉC,~I m. sh. ~Ë, ~ËT Ai që përdor me tepri pijet alkoolike, ai që pi vazhdimisht e jashtë mase, ai që e ka ves të pirët. Pijanec i pandreqshëm.
✱Sin.: pijanik, pijetar, pijak, pijan, pijanak, pirash, piranik, pirjan, pijedashës, alkoolist, alkoolpirës, alkooldashës, sarhosh, pirës, dejmarak, okatar.

PIMËS

PÍMËS,~I m. sh. ~, ~IT krahin. 1. Pijanec.
2. Njeri i dehur; ai që është bërë tapë.
✱Sin.: sarhosh, pirash, piranik, pirës, pijanec, pirjan, pijedashës.

PIRËS

PÍRËS,~I m. sh. ~, ~IT Ai që pi raki ose pije të tjera alkoolike me tepri, pijanec. Ishte një pirës i keq. Nuk i mbaheshin këmbët pirësit.
✱Sin.: pijanec, pimës, pirash, piranik, sarhosh.

SARHOSH

SARHÓSH,~I mb., keq. 1. Që përdor me tepri pijet alkoolike, që pi vazhdimisht e jashtë mase, që e ka ves të pirët. Burrë sarhosh. E kishte gruan pak sarhoshe.
✱Sin.: pijanec, pirash, pijanik, pirësh, dejmarak, okatar, alkoolist.
2. Që është i verdhë në fytyrë nga egërsia. Nuk kishte gjak në fytyrë burri sarahosh.

SARHOSH

SARHÓSH,~I m. sh. ~Ë, ~ËT [SARAHÓSH / SARAHÓC] keq. Ai që përdor me tepri pijet alkoolike, ai që pi vazhdimisht e jashtë mase, ai që e ka ves të pirët. Sarhosh i keq. Sarhosh i pandreqshëm. Kishte sjellje prej sarhoshi. Sy (shikim) sarhoshi. Sjellje sarhoshësh.
✱Sin.: pijanec, pirash, pijanik, pirësh, dejmarak, okatar, alkoolist.

TAPË

TÁP/Ë,~A f. sh. ~A, ~AT 1. Lëndë shumë e lehtë, e cila nxirret nga lëkura e disa drurëve, që përdoret për shtupa, për shollë këpucësh, për rrjeta peshkimi etj.; copë nga kjo lëndë. Lisi i tapës. Copa tape. Taka prej tape. I vuri tapat rrjetës. Zë të çarat e barkës (e fuçisë) me tapë kalpëtoj, kallafatoj. I lehtë si tapë shumë i lehtë, pendë pule. Dru tape. bot. dru, nga i cili nxirret kjo lëndë.
2. Shtupë prej druri, prej gome, prej plastike etj. për të mbyllur enë që mbajnë lëngje; gëlçomë, kaçole. Tapë druri (llastiku, plastike, metalike, kauçuku, qelqi). Tapa e shishes (e shtambës, e bucelës, e bidonit, e pagurit, e faqores). Nxjerrëse tapash tapënxjerrëse. I hoqi (i vuri) tapën. Mbyll me tapë. I ka dalë tapa. Tapë e filetuar. I ka humbur tapa. Ngjesh tapën. U prish tapa. Nuk nxjerr dot tapën.
3. Mjet shpëtimi nga mbytja në ujë, që zakonisht lidhet në mes si brez dhe që përbëhet prej kësaj lënde ose prej një lënde tjetër të lehtë. Tapë shpëtimi. I hodhi tapën. Ngjeshi tapën në brez.
4. Diçka që zë vend e ngjishet diku dhe nuk lë të dalë a të lëvizë diçka tjetër. Tapë dheu. Pastrimi i tapave të rërës.
5. bised. (argo shkollarësh) I papërgatitur (në mësime). Tapë në mësime i papërgatitur në shkollë. Tapë topi zero me bisht (me xhufkë).
6. si mb., fig., bised. I dehur keq, i pirë sa nuk e mbajnë këmbët, rrumbull, sarhosh. U bë tapë. Erdhi (u kthye) tapë në shtëpi.
✱Sin.: shtupë, mbyllëse, gëlçomë, gruçkë, vulimë, i dehur, rrumbull, sarhosh, gdhe, i papërgatitur.
♦ U bë tapë (dikush) piu shumë e u deh keq, nuk e kontrolloi më veten nga pija; u bë thumb; u bë lundër; u bë kaike tall.; u bë lumë; u bë përrua; u bë xurxull; u bë bërryl; u bë karroqe tall.; u bë tym; u bë rrip daulleje; u bë bërllok; i ka hipur cjapit; zuri veshin; piu mendjen. Është tapë (tapë topi) (dikush) tall. nuk di e nuk kupton asgjë, nuk merr vesh fare, nuk ka fare njohuri për një fushë a për një çështje të caktuar; është krejt i paditur; është (ka mbetur) trokë; është (ka mbetur) krunde; është i trashë nga mendja (nga trutë, nga koka). I vuri tapën gojës (dikush) shih i vuri shtupën gojës (dikush). Është si tapa në shpinë të detit keq. s’është i zoti të zërë vend e të qëndrojë, s’qëndron dot në një vend.

TEJMBUSHEM

►TEJMBÚSH/EM jovep., ~A (u), ~UR 1. vetv., vet. v. III Mbushet më shumë nga ç’duhet a nga ç’ishte parashikuar. U tejmbushën lumenjtë u mbushën aq shumë sa dolën nga shtrati.
2. fig., vetv. Dehem sa nuk mbaj më. Ishte tejmbushur mirë ishte dehur keq, ishte bërë sarhosh.
3. pës., vet. v. III e TEJMBÚSH.

TEJMBUSHUR

TEJMBÚSHUR (i, e) mb. 1. Që është mbushur plot e përplot; që për pak derdhet ose që ka filluar të derdhet. Ujëmbledhës i tejmbushur. Rezervuar i tejmbushur.
2. Që është dehur sa nuk mban më, sarhosh.

TOÇEM

TÓÇ/EM jovep., ~A (u), ~UR vetv. Dehem (me raki), bëhem sarhosh. Pi derisa toçet

TOÇUR

TÓÇUR (i, e) mb. I dehur, sarhosh. Burrë i toçur.
✱Sin.: i dehur, sarhosh, tapë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë