Fjalori

Rezultate në përkufizime për “sapolindur”

Mëso si ta përdorësh
<<< Kthehu te kërkimi kryesor në fjalor

BOHÇALLËK

BOHÇALLË/K,~KU m. sh. ~QE, ~QET 1. etnogr. Dhuratë (këmishë, çorape, shami etj.), që sjell nusja për njerëzit e shtëpisë së burrit; peshqeshi i nuses. Bohçallëqet palë-palë.
2. etnogr. Dhuratë (veshmbathje të ndryshme) që çojnë prindërit e nuses për fëmijën e sapolindur.
3. Bohçe.

BOKS

BOKS,~IIII m. sh. ~E, ~ET 1. Ndarje e vogël brenda në stallë, e ndërtuar zakonisht me thurje, ku mbahen të vegjlit e sapolindur të kafshëve shtëpiake për t’i veçuar nga nënat a për t’u kujdesur për ta; gardhole. Boksi i viçave (i qengjave, i gicave). Boksi i zogjve. Bokse për pjellje. Shtie (fut, mbyll) në boks.
2. Koçek prej thuprash, ku mbahet pambuk, misër etj. Bokset e pambukut (e misrit).
3. sport. Ndarje e posaçme përgjatë pistës ku ndalen makinat ose motorët gjatë garës, për t’u furnizuar me karburant, për të ndërruar goma, për riparime të shpejta etj. Makinat kthehen në boks për të ndërruar gomat. Në fund të garës u tërhoq në boks. Humbi disa sekonda se u kthye ne boks.
✱Sin.: gardhole, kumac, koçek, koshtar, thark, çarranik.

FORMULË

FORMÚL/Ë,~A f. sh. ~A, ~AT 1. spec. Tërësi shenjash a simbolesh (numra, shkronja, shenja të veçanta etj.) që shprehin një madhësi të caktuar, një rregull, një parim, përbërjen e diçkaje, një raport, një proces etj. Formulë kimike. Formulë algjebrike (matematike). Formulë e thjeshtë. Nxjerr formulën.
2. Pohim i shkurtër që përmbledh në mënyrë të thukët një ide, një parim etj., që merr parasysh të gjitha kushtet e rrethanat dhe përcakton qartë e shkurt një gjendje të përgjithshme, marrëdhëniet ndërmjet njerëzve, sendeve, dukurive etj.; përkufizim i shkurtër e i përpiktë. Formulë klasike. Formulë politike (juridike).
3. Fjalë a shprehje që përdoret në një rit ose në një ceremoni fetare. Formula e pagëzimit.
4. Frazë a shprehje e gatshme që përsëritet gjithnjë njësoj, zakonisht për të dalë nga një gjendje e vështirë pa marrë asnjë zotim konkret. Formulë e gatshme. I gjeti një formulë.
5. Mënyrë kombinimi i qumështit pluhur me ujë te fëmijët e sapolindur. Po ushqehej me formulë.
6. sport. Klasifikimi i makinave të garave, kryesisht sipas fuqisë motorike. Garat e Formulës 1. Doli kampion i Formulës 1.

LINDUR

LÍNDUR,~I (i) m. sh. ~, ~IT (të) Fëmijë që ka dalë në jetë nga barku i nënës, i sapolindur. Numri i të lindurve. Të lindurit gëzojnë shëndet të plotë.

NDËRGIMË

NDËRGÍM/Ë,~A f. sh. ~A, ~AT Thithjet e para të viçit në gjinjtë e lopës. Mëzi i sapolindur duhet ngritur për ndërgimën.

NGJIJ

NGJI/J vep., ~VA, ~RË kal. Ushqej me gji. Po ngjinte djalin e sapolindur.

PARËDHE

PARËDHÉ,~U m. Dheu i të parëve për të larguarit në shekuj e të vendosur në një vend tjetër. Mendimet e poetit fluturonin te parëdheu. Fëmijëve të sapolindur ua kthejnë fytyrën nga parëdheu.

PORSALINDUR

PORSALÍNDUR (i, e) mb. 1. Që porsa ka lindur; që ka lindur pak kohë më parë (për fëmijët, për qengjat etj.). Fëmijë i porsalindur.
2. Që porsa është krijuar ose porsa është themeluar. Fasoneri e porsalindur.
✱Sin.: i sapolindur, i posalindur, i sapopjellë, i porsapjellë, i posapjellë, i sapothemeluar, i porsathemeluar, i posathemeluar.

PORSAPJELLË

PORSAPJÉLLË (i, e) mb. Që porsa është pjellë; që ka pak kohë që është pjellë. Qengj (kec, viç, mëz, kërriç) i porsapjellë.
✱Sin.: i posapjellë, i sapopjellë, i porsalindur, i posalindur, i sapolindur.

POSALINDUR

POSALÍNDUR (i, e) mb. I sapolindur, i porsalindur. Udhëzues për fëmijë të posalindur.

SAPOLINDUR

SAPOLÍNDUR (i, e) mb. Që sapo ka lindur, që ka lindur pak kohë më parë. Fëmijë i sapolindur. Kujdesej për foshnjën e sapolindur. Nëna mori në krahë foshnjen e sapolindur.
✱Sin.: i porsalindur, i posalindur.

SIKO

SÍK/O,~JA m. sh. ~O, ~OT përk. 1. Kec i sapolindur. Kujdesej çdo ditë për sikon. Donin t’ia thernin sikon e tij. Siko, hajde këtu!
2. Fëmijë djepi. E mbanin me kujdes sikon. Mendjen e kishte te sikoja. Sikot nuk kishin ç’të pinin.

VAFTIS

VAFTÍS vep., ~A, ~UR fet., kal. 1. Laj ose lag me ujë të bekuar fëmijën e sapolindur. I vaftisi prifti të gjithë fëmijët.
2. I vë emrin fëmijës; pagëzoj. E vaftisën këtë të voglën me një emër të bukur.
✱Sin.: emërtoj, bekoj, uroj, uratoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë