Fjalori

Rezultate në përkufizime për “sapodalë”

Mëso si ta përdorësh
<<< Kthehu te kërkimi kryesor në fjalor

NGALLORE

NGALLÓR/E,~JA f. sh. ~E, ~ET Bisk i sapodalë në degë. Pema kishte lëshuar ngallore.

PORSADALË

PORSADÁLË (i, e) mb. 1. Që porsa është shfaqur; që porsa ka mbirë etj.; që ka dalë pak kohë më parë. Dielli i porsadalë. Gruri i porsadalë.
2. etnogr. Që porsa është bërë nuse, që porsa është martuar (zakonisht për vajzat kur martohen dhe shkojnë në shtëpinë e burrit). Ishte e porsadalë.
✱Sin.: i sapodalë, i posadalë, i posambirë, i porsambirë, i sapombirë, i posaçelur, i porsaçelur, i sapoçelur.

PORSALIRUAR

PORSALIRÚAR (i, e) mb. 1. Që porsa ka dalë nga burgu a është liruar nga internimi, që porsa ka rifituar lirinë; që ka rifituar lirinë pak kohë më parë. Një njeri i porsaliruar.
2. vjet. Që ka pak kohë që është liruar nga shërbimi ushtarak, që porsa ka dalë në lirim. Ushtarët e porsaliruar.
3. Që është zbrazur para pak kohe; që porsa i është korrur e hequr prodhimi (për një arë etj.). Shtëpi (dhomë) e porsaliruar. Toka të porsaliruara.
✱Sin.: i posaliruar, i sapoliruar, i sapoçliruar, i porsaçliruar, i sapoçliruar, i sapolëshuar, i porsalëshuar, i posalëshuar, i porsadalë, i posadalë, i sapodalë, i sapokthyer, i porsakthyer, i posakthyer, i sapozbrazur, i posazbrazur, i porsazbrazur, i sapoboshatisur, i posaboshatisur, i porsaboshatisur.

PORSAMBIRË

PORSAMBÍRË (i, e) mb. Që porsa ka filluar të nxjerrë sythin; që ka pak kohë që ka mbirë, i posambirë, i sapombirë. Bimët e porsambira. Bar i porsambirë. Grurë (misër) i porsambirë.
✱Sin.: i posambirë, i sapombirë, i porsadalë, i posadalë, i sapodalë.

PORSANXJERRË

PORSANXJÉRRË (i, e) mb. Që porsa është nxjerrë, që është nxjerrë pak kohë më parë. Dekret i porsanxjerrë.
✱Sin.: i posanxjerrë, i saponxjerrë, i porsadalë, i posadalë, i sapodalë.

PORSAÇELUR

PORSAÇÉLUR (i, e) mb. 1. Që porsa ka çelur; që ka çelur pak kohë më parë. Gonxhe (lule) të porsaçelura. Trëndafil i porsaçelur.
2. Që porsa është çelur (një rrugë etj.); që porsa është kthyer a është punuar për herë të parë (për tokën etj.), i porsahapur. Rrugë e porsaçelur. Gropë e porsaçelur.
3. Që porsa ka dalë nga veza (për zogun). Zogjtë e porsaçelur.
4. Që porsa ka marrë trajtën e tij të plotë.
5. Që porsa ka filluar veprimtarinë e vet, i porsahapur. Shkollë e porsaçelur. Dyqanet e porsaçelura. Ekspozitë e porsaçelur.
✱Sin.: i sapohapur, i porsahapur, i sapodalë, i porsadalë, i posadalë, i sapoçelur, i posaçelur, i saposhpërthyer, i posashpërthyer, i porsashpërthyer.

POSADALË

POSADÁLË (i, e) mb. I sapodalë, i porsadalë. Dielli i porsadalë. Grurë i posadalë.

PRUSHANIK

PRUSHANÍK,~U m. sh. ~Ë, ~ËT Kulaç i pjekur në prush. Prushanik i sapopjekur (i sapodalë).

QARKJE

QÁRKJE,~TII f. sh. Tepsi e madhe bakri; sini, çarkije. Qarkje me pite të sapodalë nga furra.

SAMUN

SAMÚN,~I m. sh. ~Ë, ~ËT Bukë e vogël e rrumbullakët. Hëngri një samun të sapodalë nga furra. I kujtonte shijen e samunit të shtëpisë.
✱Sin.: simite, paror, parur, somune, shkulore.

SAPODALË

SAPODÁLË (i, e) mb. Që sapo ka dalë, që ka dalë pak kohë më parë. Bimë të sapodala. I sapodalë nga burgu. Bëri kujdes me tavën e sapodalë nga furra.
✱Sin.: i porsadalë, i posadalë.

TAZE

TÁZE mb., bised. 1. Që sapo është përgatitur, që sapo është bërë, i freskët, ngrohtë etj.; i proshkët; kund. bajat. Bukë (gjellë, gjizë, gjalpë, qumësht, djathë) taze. Dhallë taze i freskët, që sapo është tundur. Mish taze mish që sapo është therur a pjekur. Ujë taze ujë që sapo është mbushur në krua. Kafe (fruta) taze. Ha peshk taze. Vajzë (djalë) taze në kohë për martesë. Lajm taze lajm i ri, lajm i minutës së fundit.
2. si ndajf. Shumë pak kohë përpara, thuajse në çast, posa. I gatuar taze. Mish i pjekur taze i sapodalë nga furra. I qethur taze.
✱Sin.: i freskët, i njomë, i ngrohtë, i proshkët, sapo.

ÇUÇ

ÇUÇ,~I m. sh. ~A, ~AT Zog i sapodalë. Çuçat e klloçkës. Fole me çuça zogjsh. Çuç gomari lloj zogu me sqep të trashë.
2. Lëfyt i bucelës ose i kroit. Ishte thyer çuçi i katruves. Gjeti një çuç për bucelën.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë