Fjalori

Rezultate në përkufizime për “sallon”

Mëso si ta përdorësh
<<< Kthehu te kërkimi kryesor në fjalor

AUTOMOBIL

AUTOMOBÍL,~I m. sh. ~A, ~AT Automjet që shërben për qarkullim personal ose publik, për mbartjen e udhëtarëve ose të mallrave, për gara sportive etj. Automobil sportiv. Automobil udhëtarësh. Boria e automobilit. Rrugë automobili. Sallon automobilash. Udhëtoj (shkoj) me automobil. Ngas automobilin. Hipi në automobil. Frenimi i automobilit.
✱Sin.: automjet, makinë, veturë.

AUTOSHITORE

AUTOSHITÓR/E,~JA f. sh. ~E, ~ET Dyqan, sallon ose qendër shitëse e automjeteve (vetura, motoçikleta, kamionë etj.), i pjesëve për automjete dhe i ofrimit të shërbimeve që kanë të bëjnë me automjetet. Hap (mbyll) autoshitoren. Autoshitore në periferi të qytetit. Autoshitore e pajisur mirë.

DËRRASOJ

DËRRAS/ÓJ vep., ~ÓVA, ~ÚAR kal. 1. Shtroj me dërrasa (një dhomë, një sallon etj.). I dërrasoi dy dhoma.
2. fig. Përgënjeshtroj dikë dhe i mbyll gojën. - E dërrasova para burrave të katundit.

KONAK

KONÁK,~U m. sh. ~Ë, ~ËT 1. hist. Bujtinë për të ngrënë dhe për të fjetur zakonisht gjatë udhëtimeve të gjata (në të kaluarën edhe në Shqipëri).
2. Shtëpi e thjeshtë banimi; vend a shtrat sa për të kaluar natën. Na gjeni një konak sa për të fjetur.
3. etnog. Dhomë a sallon pritjeje për miqtë. Pres miqtë në konak.
✱Sin.: bujtinë, banesë.
♦ M’u bë konak (dikush). 1. Më strehoi, më dha strehë. 2. Më ndihmoi që të fshihem në shtëpinë e tij; më fshehu; m’u bë jatak. Bëj konak (te dikush a diku) fle, kaloj natën, buj. Është konak më vete shikon punën e vet, nuk përzihet me të tjerë; veçohet nga të tjerët, ka mendjen e vet e qëndrim të veçantë; është lagje më vete. Sheh *tym e bën konak (dikush) iron.

KOZMETIK

KOZMETÍK,~E mb. Që lidhet me kozmetikën; i kozmetikës, që përdoret në kozmetikë. Sallon kozmetik. Artikull (produkt) kozmetik.

LUKSOZ

LUKSÓZ,~E mb., libr. Që ka shkëlqim të tepruar e madhështi të jashtme; që shquhet nga luksi në mënyrën e jetesës, në veshje, në stoli etj., që ka luks. Pallat (sallon) luksoz. Shtëpi (vilë) luksoze. Veshje luksoze. Qilim luksoz. Jetë luksoze.
✱Sin.: shkëlqimplotë, i shtrenjtë, elegant, i rafinuar, i begatë, madhështor.

MANIKYR

MANIKÝR,~I m. 1. Trajtim kozmetik i thonjve që ka të bëjë me dhënien e formës, pastrimin, lëmimin, lustrimin, lyerjen e zbukurimin e tyre. Specialiste manikyri. Sallon për manikyr. Bën manikyr rregullisht. Hapja e kutive të manikyrit.
2. Lëng i posaçëm, i trashë e i ndritshëm, me ngjyra të ndryshme ose pa ngjyrë, që përdoret për të lyer thonjtë për efekt zbukurimi. Një shishe e vogël me manikyr të kuq (të bardhë, rozë, transparent). Lyej gishtat me manikyr. Heq manikyrin nga thonjtë e këmbëve (e duarve). Pres të thahet manikyri në gishta.

MINIBAR

MINIBÁR,~I m. sh. ~E, ~ET 1. Mobilie zbukurimi në formë dollapësh të vegjël e raftesh që vendosen zakonisht në sallon dhe përdoret për të mbajtur shishe pijesh, gota pijesh, enë dekorative, por edhe ndonjë foto, lule etj. Ka bërë një minibar modern në shtëpi. Porosit minibar me dru pishe. Vendos televizorin brenda minibarit.
2. Frigorifer i vogël, në dhomën e një hoteli, i mbushur me pije dhe ushqime të vogla. Ha ushqimet e minibarit në hotel.

PEDIKYRË

PEDIKÝR/Ë,~A f. 1. Trajtim kozmetik i këmbëve, që përfshin masazhimin e lëkurës dhe prerjen e lyerjen e thonjve. Të ardhura nga pedikyra.
2. Mjedis ose sallon ku bëhet ky trajtim i këmbëve.

SALLON

SALLÓN,~I m. sh. ~E, ~ET 1. Dhomë e madhe e veçantë ose hapësira në hyrje të një shtëpie a të një hoteli, ku priten njerëzit e të ftuarit. Sallon i madh. Salloni i shtëpisë. Pritja u bë në sallon. Sallonet mund të kenë ndriçim natyral.
2. Sallë e madhe në një dyqan, ku shiten vepra arti, veshje etj. Salloni i shitjes së veprave të artit. Sapo kishte hapur një sallon bukurie. Porosinë e bëri në një sallon mode.
3. keq. Sallë pritjeje në një shtëpi aristokratësh ose borgjezësh, që shërben edhe si qendër ku mblidhet një rreth njerëzish të klasave të privilegjuara me pikëpamje të caktuara politike, estetike etj. Sallonet aristokratike. Sallone letrare. Po bëhet një politikë sallonesh. Zakonet e traditat e salloneve.

TAPETUAR

TAPETÚAR (i, e) mb. Që është tapetuar. Sallon i tapetuar. Zyrë (dhomë) e tapetuar.

TAPICERUAR

TAPICERÚAR (i, e) mb. Që është veshur, zbukuruar me tapiceri. Sallon (kolltuk) i tapiceruar. Dhoma të tapiceruara bukur.

VAGONSALLON

VAGONSALLÓN,~I m. sh. ~Ë, ~ËT Vagon i posaçëm, i cili mund të përdoret si sallon për udhëtarët gjatë udhëtimeve të gjata me tren. Treni kishte një vagonsallon komod për udhëtarët.

VAZO

VÁZO,~JA f. sh. ~, ~T 1. Enë prej balte në trajtë kove pa veshë, ku mbillen lule për zbukurim; saksi. Vazo lulesh. Mbolli lulet në vazo. Vendosi lule të freskëta në vazo.
2. Enë prej qelqi, porcelani etj., në trajtë shisheje të gjerë a kupe me zbukurime, ku vihen lule. Vazoja prej qelqi ishte e zbukuruar me motive lulesh. Bleu një vazo qelqi të gjerë për të vendosur lule në sallon.
3. Enë, zakonisht prej qelqi, me madhësi të ndryshme, që përdoret për pemë a ushqime të tjera të konservuara; kavanoz. Një vazo me mjaltë (ullinj). Ajo ruajti perimet e konservuara në vazo qelqi.
✱Sin.: kupë, kupëz.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë