Fjalori

Rezultate në përkufizime për “sall”

Mëso si ta përdorësh
<<< Kthehu te kërkimi kryesor në fjalor

SALL

SALL ndajf., bised., vjet. Pa familje, pa të afërm a farefis, duke mos pasur njeri, pa krahë të tjerë pune, pa pasur njeri që ta ndihmojë e ta përkrahë. Mbeti sall. I kanë vdekur të gjithë dhe jeton sall. E kishte kaluar jetën sall.
✱Sin.: vetëm, qyqe.

SALL

SALL pj., bised., vjet. Përdoret për të veçuar një fjalë, një togfjalësh a një fjali ose për të kufizuar kuptimin e tyre. Sall një natë. Sall një herë. Sall pak.
✱Sin.: vetëm, veç, veçse.

SALLAMADI

SALLAMADÍ ndajf. 1. Lënë shkretë. Arën e kishte lënë sallamadi.
2. Lirisht, pa u penguar. Thuhet për kafshët kur i lëshojnë në kullotë lirisht, pa njeri. I ka lëshuar lopët sallamadi.
✱Sin.: sallmo, sallma, sall.

SALLMO

SÁLLMO ndajf. Lirisht, pa u penguar, thuhet për kafshët kur i lëshojnë në kullotë, pa njeri. I ka lëshuar lopët sallmo. Viç i rritur sallmo.
✱Sin.: sallamadi, sall.

SALLË

SÁLL/Ë,~A f. sh. ~A, ~AT 1. Dhomë e madhe dhe e lartë në një ndërtesë ku zhvillohen veprimtari të ndryshme shoqërore si mbledhje, shfaqje, pritje etj. Salla kryesore. Qëndronte në krye të sallës. Doli nga salla i nervozuar. Në sallë shpërthyen duartrokitjet.
2. Dhomë e madhe që shërben për qëllime të posaçme në një spital, në një laborator, në një ndërmarrje a institucion. Sallë shfaqjesh. Aktiviteti do të mbahej në sallën e konferencave. Gazetarët dolën nga salla e gjyqit. Salla e operacionit ishte gati.
3. përmb. Njerëzit që marrin pjesë në një mbledhje që bëhet në një dhomë të tillë. Nuk mori asnjë përgjigje nga salla. Profesori iu drejtua sallës. Fjalimi i tij e ngriti sallën më këmbë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë