Fjalori

Rezultate në përkufizime për “sakatuar”

Mëso si ta përdorësh
<<< Kthehu te kërkimi kryesor në fjalor

CUNGUAR

CUNGÚAR (i, e) mb. 1. Që është cunguar; që ka mbetur vetëm cung. Dru i cunguar. Trup i cunguar.
2. I gjymtë (për gjymtyrët). Krah i cunguar.
3. edhe fig. Që është shkurtuar a është zvogëluar dhe ka mbetur i mangët; i gjymtuar. Artikull i cunguar. Program i cunguar. Kërkesa të cunguara. Të drejta të cunguara. Fjalë e cunguar. Në mënyrë të cunguar.
✱Sin.: i prerë, i trunguar, i trupuar, i trupëzuar, i gjymtuar, i sakatuar, i gjymtë, i gjymtuar, i sakatuar, i paplotë, i mangët.

GJYMTUAR

GJYMTÚAR (i, e) mb. 1. Që i është prerë ose i është dëmtuar rëndë një gjymtyrë, që ka një cen të rëndë në trup; i gjymtë. Njeri i gjymtuar.
2. Që i janë prerë ose shkëputur disa pjesë; i dëmtuar, i shkatërruar; që i është prishur pamja e natyrshme. Pemë të gjymtuara.
3. fig. Që i janë hequr pjesë të rëndësishme, që nuk është i plotë; i cunguar. Artikull i gjymtuar. Mendim i gjymtuar.
✱Sin.: i sakatuar, sakat, i ganduar, i cenosur, i cunguar, cung, i cungët, i dëmtuar, i shkatërruar.

SAKATOHEM

►SAKAT/ÓHEM jovep., ~ÓVA (u), ~ÚAR bised. 1. Bëhem sakat, mbetem i gjymtë, gjymtohem. Është sakatuar në luftë. Futbollistit iu sakatua këmba e djathtë. U sakatua nga sëmundja.
2. pës. e SAKATÓJ. Më ishin sakatuar këmbët nga këpucët e reja.
✱Sin.: cenohem, cungohem.

SAKATOJ

SAKAT/ÓJ vep., ~ÓVA, ~ÚAR bised., kal. 1. Pres ose i dëmtoj rëndë një gjymtyrë, e bëj sakat, gjymtoj. Makineria ia sakatoi dorën e majtë. Më kanë sakatuar prangat që m’i ngulën në mish. Më sakatuan këpucët m'i vranë këmbët keq këpucët.
2. fig. E dëmtoj keq një vepër, një ide, një teori, duke i hequr pjesë të rëndësishme e thelbësore; e paraqit në mënyrë të cunguar e të mangët diçka. Redaktori ia sakatoi studimin tregimin. E ka sakatuar idenë e autorit.
3. fig. I cenoj rëndë vetitë e mira shpirtërore e morale, dëmtoj rëndë, gjymtoj. Ideologjia i sakatoi shpirtërisht. Zakone që sakatonin jetën e të rinjve.
4. E lë pa diçka të nevojshme për punë, i thaj krahët. I mori çekanin dhe e sakatoi atë ditë.
✱Sin.: cenoj, cungoj.

SAKATOSUR

SAKATÓSUR (i, e) mb. I sakatuar. Lidhi me kujdes këmbën e sakatosur. Nuk mund të punon se dorën e kishte të sakatosur.
✱Sin.: i gjymtuar, i dëmtuar, i cunguar.

SAKATUAR

SAKATÚAR (i, e) mb. 1. Që është bërë sakat, ka mbetur i gjymtë. U kthye i sakatuar nga lufta. Ishte i sakatuar, por vazhdonte të punonte çdo ditë.
2. Që është vrarë diku, ka plagë. Zbriti i sakatuar nga pema. Dorën e sakatuar ia mjekoi e ëma.
3. fig. Një vepër, një ide, një teori që është dëmtuar keq, duke i hequr pjesë të rëndësishme e thelbësore; që paraqitet në mënyrë të cunguar e të mangët. Roman i sakatuar nga përkthyesi. Tema e sakatuar nuk mund të prezantohej.
4. fig. Që i janë cenuar rëndë vetitë e mira shpirtërore e morale. Rini e sakatuar nga veset. Shoqëri e sakatuar nga lakmia.
✱Sin.: i sakatosur, i gjymtuar, i dëmtuar, i cunguar.

ÇYRYKTISUR

ÇYRYKTÍSUR (i, e) mb. Që është gjymtuar, që është çyryktisur. Mendime të çyryktisura. Fakte të çyryktisura.
✱Sin.: i gjymtuar, i sakatuar, i prishur, i dëmtuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë