Fjalori

Rezultate në përkufizime për “sakatoj”

Mëso si ta përdorësh
<<< Kthehu te kërkimi kryesor në fjalor

CALLOJ

CALL/ÓJ vep., ~ÓVA, ~ÚAR kal. Cungoj. Mjeku u detyrua ta callojë krahun e të sëmurit. Furrëtarët callonin degët e pemës çdo fundviti.
✱Sin.: pres, gjymtoj, sakatoj, këput.

CUNGOJ

CUNG/ÓJ vep., ~ÓVA, ~ÚAR kal. 1. I pres degët një druri e i lë trungun; e lë një pemë a një dru pa degë. Cungoj lisat.
2. I pres dikujt një gjymtyrë, ia bëj cung. I cungoj krahun (këmbën).
3. edhe fig. I heq diçkaje një pjesë dhe e bëj më të vogël, e lë mangët ose e shkurtoj; gjymtoj; sakatoj dikë a diçka duke ia ulur vlerat. Cungoj një artikull. Cungoj punën. Cungoj të drejtat. Disa studiues sharlatanë cungojnë historinë tonë nga faqet më të shkëlqyeshme të saj. Cungon ritualet.
✱Sin.: pres, trungoj, trupoj, trupëzoj, shytoj, cungulloj, gjymtoj, sakatoj.

GJYMTOJ

GJYMT/ÓJ vep., ~ÓVA, ~ÚAR kal. 1. I pres a i dëmtoj rëndë një gjymtyrë; e bëj me cen në trup; e bëj të gjymtë. Ma gjymtoi këmbën. E ka gjymtuar sëmundja.
2. fig. I cenoj rëndë vetitë e mira. E gjymtuan shpirtërisht (moralisht).
3. fig. I heq pjesë të rëndësishme një vepre, një teorie etj. Ia gjymtoi poezinë. E gjymtoi mendimin (teorinë).
✱Sin.: sakatoj, cungoj, gandoj.

SAKATIM

SAKATÍM,~I m. sh. ~E, ~ET bised. 1. Veprimi kur sakatoj a sakatohem. Sakatimi i trupit. Sakatim i dorës. I këshilloi të luanin pa sakatime.
2. fig. Dëmtim i keq i një vepre, një ideje, një teorie, duke i hequr pjesë të rëndësishme e thelbësore; paraqitje në mënyrë të cunguar e të mangët e diçkaje. Sakatimi i gjuhës shqipe. Redaksia nuk mund ta lejonte këtë sakatim. Sakatimi i idesë së autorit. Kritika për pasaktësi dhe sakatim.
3. fig. Cenim i rëndë i vetive të mira shpirtërore e morale, dëmtim i rëndë. Sakatim shpirtëror. Sakatimi i marrëdhënieve njerëzore.
4. Lënie pa diçka të nevojshme për punë. Sulmi kibernetik solli sakatim të procesit.
✱Sin.: gjymtim, cungim.

ÇYRYKTIS

ÇYRYKTÍS vep., ~A, ~UR kal. Gjymtoj diçka a dikë. E çyryktise këtë punë. Me ato duar e çyryktisi kopshtin.
✱Sin.: gjymtoj, sakatoj, prish, dëmtoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë