Fjalori

Rezultate në përkufizime për “rryer”

Mëso si ta përdorësh
<<< Kthehu te kërkimi kryesor në fjalor

REGJUR

RÉGJUR (i, e) mb. 1. Që është përpunuar me lëndë të veçanta dhe që ka fituar cilësitë e nevojshme për t’u përdorur (për lëkurën). Lëkurë e regjur.
2. Që ka qëndruar në shëllirë për një kohë të gjatë dhe ka fituar disa cilësi të veçanta, që është bërë turshi. Domate (lakra) të regjura. Ullinj (tranguj) të regjur.
3. fig. Që është stërvitur dhe mësuar në kushte të vështira; që ka fituar përvojë të madhe, që është i rrahur me jetën; i kalitur. Me trup të regjur. Njeri i regjur. Politikan i regjur.
4. keq. I mësuar me diçka nga përdorimi i gjatë, sidomos për diçka të qortueshme. Duhanxhi (pijanec) i regjur. Spiun (agjent) i regjur. Ujk i regjur.
✱Sin.: i argasur, i kripur, i shtruar, i rrahur, i vuajtur, i thekur, rysur, i rryer, i ushtuar, i mushtuar, i kalitur, i betuar.
♦(Është) i regjur (i rrahur) me *vaj e me uthull (dikush). E ka lëkurën të regjur (dikush) shih i është regjur lëkura (dikujt).

RRYEJ

RRÝEJ vep., RRÉVA, RRÝER 1. jokal. Heq keq, vuaj; lodhem me diçka a me dikë. Rreva me të.
2. jokal. Fitoj përvojë me mund e me lodhje; stërvitem; rryhem. Kishte rryer nga ndodhitë e kaluara.
3. jokal., vet. v. III Rritet ngadalë, mezi rritet. Rryejnë me zor perimet në mot të keq.
4. kal. Stërvit. Rryej syrin.
✱Sin.: rraskapitem, regj.

RRYEM

RRÝEM (i), ~E (e) mb. Që ka përvojë të madhe, i rryer, i rryeshëm. Mjeshtër i rryem. Merrte përvojë nga punëtoret e rryeme.

RRYER

RRÝER (i, e) mb. Që ka përvojë të madhe, i stërvitur mirë në një punë, i rrahur nga jeta; i rryeshëm, i regjur; i vuajtur. Djalë i rryer. Punëtorë të rryer.

RRYESHËM

RRÝESH/ËM (i), ~ME (e) mb. 1. I rryer. Njerëz të rryeshëm.
2. I mundimshëm. Kishin bërë rrugë të rryer.
✱Sin.: i rryem, i vështirë.

RRYHEM

►RRÝHEM jovep., RRÉVA (u), RRÝER Fitoj përvojë me mund e me lodhje; stërvitem, regjem në një punë. Është rryer në betejat e jetës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë