Fjalori

Rezultate në përkufizime për “rrushkulluar”

Mëso si ta përdorësh
<<< Kthehu te kërkimi kryesor në fjalor

BABANJOSUR

BABANJÓSUR (i e) mb. Që është babanjosur; i fryrë (nga të ngrënët e tepërt), i ngopur, i mullosur, i urgusur. Me fytyrë të babanjosur.
✱Sin.: i ënjtur, i fryrë, i buhavitur, i mbufatur, i bymyer, i ngufatur, i dendur, i mbathur, i ngjeshur, i ngopur, i urgusur, i mullosur, i shqepur, i zhdëpur, i rrushkulluar, i rrumbullakosur, i rrasur.

HELMUAR

HELMÚAR (i, e) mb. 1. Që e kanë helmuar dikë; që ka pirë helm, që ka vdekur nga helmi; që i është hedhur helmi; që përmban helm. Kafshë e helmuar. Shigjetë (thikë) e helmuar. Ujë (mish, ushqim) i helmuar.
2. fig. I hidhëruar shumë, i pikëlluar; që shpreh hidhërim të madh. Me fytyrë të helmuar. Ishte shumë i helmuar.
3. bised. I helmët, helmues. Bimë e helmuar.
✱Sin.: i farmakosur, i helmatisur, i hidhëruar, i rrushkulluar, i pikëlluar, i vreruar, i vrerosur, buzëvrer, i hidhëruar.
♦ Me *gjak të helmuar. Me *shpirt (me zemër) të helmuar. Me zemër (me *shpirt) të helmuar.

PIKËLLUAR

PIKËLLÚAR (i, e) mb. Shumë i hidhëruar, i helmuar. Prind i pikëlluar. Nënë (motër) e pikëlluar. Ishte shumë i pikëlluar (nga vdekja e nënës). Qante e pikëlluar.
✱Sin.: i pikërruar, i pikët, i brengosur, i hidhëruar, i helmuar, i helmatisur, helm, i helmët, i athëtuar, i vrerosur, vrer, i shastisur, i dëshpëruar, i plagosur, i plasur, pikërënë, zemërplagosur, zemërvrarë, zemërplasur, zemërpërvëluar, zemërbrengosur, zemërdjegur, zemërndrydhur, zemërthyer, zemërnxirë, zemërsfilitur, zemërzhuritur, shpirtvrarë, shpirthelmuar, shpirtplagosur, shpirtbrengosur, shpirtzbrazur, i mjeruar, buzëplasur, buzëçarë, buzëqarë, buzëdjegur, buzëpërvëluar, buzëpjekur, buzëvrer, buzëkyçur, kokulur, i trishtuar, i rrushkulluar, i tronditur, i zhuritur, i vrarë, i vrertë, i lënduar, i djegur, i përvëluar, i shajtuar.

RRUSHKULLOHEM

►RRUSHKULL/ÓHEM jovep., ~ÓVA (u), ~ÚAR 1. Më hidhërohet goja nga diçka, helmohem. U rrushkullua nga frutat e papjekura.
2. fig. Hidhërohem nga një fatkeqësi, helmohem, dëshpërohem. Ishte rrushkulluar nga dhimbja.
3. bised. Ha sa dendem, ngjeshem mirë e mirë. U rrushkullua me të ngrëna e me të pira.

RRUSHKULLUAR

RRUSHKULLÚAR (i, e) mb. I hidhur; i hidhëruar. Me zemër të rrushkulluar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë