Fjalori

Rezultate në përkufizime për “rrudhët”

Mëso si ta përdorësh
<<< Kthehu te kërkimi kryesor në fjalor

RRUDHAVTË

RRUDHÁVTË (i, e) mb. I rrudhur. Kishte lëkurë të rrudhavtë. Veshi gabimisht xhaketën e rrudhavtë.
✱Sin.: i rrudhët, rrudhan, rrudhac, i zhubrosur, i tkurrur, i fishkur.

RRUDHOSUR

RRUDHÓSUR (i, e) mb. I rrudhur. Kishte fytyrë të rrudhosur. Hekuros rrobat e rrudhosura.
✱Sin.: i rrudhët, i rrudhavtë, rrudhan, rrudhac, i zhubrosur, i tkurrur, i fishkur.

RRUDHUR

RRÚDHUR (i, e) mb. 1. Që është me shumë rrudha, që është mbledhur në rrudha; që ka rrudha në fytyrë e në lëkurë. Lëkurë e rrudhur. Fytyra të rrudhura. Mblodhi duart e rrudhura. Vetullat e rrudhura i dolën në pah.
2. Që i është prishur hekuri e që ka zhubra (për rrobat); që e ka sipërfaqen me rrudha; i zhubrosur. Xhaketë (këmishë) e rrudhur. Mblodhi letrat e rrudhura në tavolinë.
3. fig. Që kanë lënë mendtë, i matufosur, i rrjedhur. Njeri i rrudhur nga mendja.
✱Sin.: i rrudhosur, i rrudhët, i rrudhavtë, rrudhan, rrudhac, i tkurrur, i fishkur.

RRUDHËT

RRÚDHËT (i, e) mb. Që është me shumë rrudha; i rrudhur. Ka fytyrë të rrudhët. Pa një fëmijë me faqe të rrudhëta.
✱Sin.: i rrudhavtë, rrudhan, rrudhac, i zhubrosur, i tkurrur, i fishkur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë