Fjalori

Rezultate në përkufizime për “rropamë”

Mëso si ta përdorësh
<<< Kthehu te kërkimi kryesor në fjalor

RRAPËLLIM

RRAPËLLÍM,~I m. sh. ~E, ~ET Veprimi kur rrapëlloj, rrapëllimë. Rrapëllimi i turmës i çante veshët.
✱Sin.: rropamë, rraptimë, buçimë, uturimë.

RRAPËLLIMË

RRAPËLLÍM/Ë,~A f. sh. ~A, ~AT 1. Zhurma kur përplasim këmbët etj.; rropamë. Rrapëllimë e fortë. Rrapëllima e daulleve. Dëgjoheshin rrapëllimat e dallgëve të detit.
2. Buçimë; uturimë. Rrapëllimë shurdhuese. Rrëzohet (rrokulliset) me rrapëllimë. Ishte dëgjuar një rrapëllimë mbi fshat.
✱Sin.: rrapëllim, rraptimë.

RROPAMË

RROPÁM/Ë,~A f. sh. ~A, ~AT Zhurmë e madhe me krismë, zhurmë e mbytur, e cila vjen nga diçka që përplaset. Dëgjoi një rropamë të madhe. I pëlqente rropamat e dallgëve të detit të trazuar.
✱Sin.: rropatje, rrapëllimë, rraptimë, zhaurimë, zhurmë.

RROPATJE

RROPÁTJ/E,~A f. sh. ~E, ~ET 1. Veprimi kur rropat a rropatem. Bëri rropatje të kota. Ia arriti pas kaq mundimesh e rropatjesh.
2. Gjendja kur rropat a rropatem, rropamë. Rropatje të largëta. Rropatja e dallgëve.
✱Sin.: përpjekje, rrekje, përplasje.

TËRSËLLËM

TËRSËLLË́M,~I m., bised. 1. Vrull, forcë e madhe. Trokiti në derë me tërsëllëm. Përplasi derën me tërsëllëm. I ra tryezës me tërsëllëm. Binte breshri me tërsëllëm të madh me rropamë.
2. Inat; egërsi, ashpërsi. I bërtiti me tërsëllëm. E vështroi me tërsëllëm. E priti me tërsëllëm.

USHTIMË

USHTÍM/Ë,~A f. sh. ~A, ~AT 1. Zhurmë e mbytur dhe e fuqishme, që vjen prej së largu; gjëmim, uturimë: ushtima e erës (e topave); ushtima e maleve
2. fig. Jehonë, bujë. Ushtima e veprës së Skënderbeut.
✱Sin.: gjëmim, uturimë, gjëmë, oshtimë, rropamë, gjekëtimë, kumbim, rikumbim, buçimë, buçitje, kërcëllimë, kërcitje, kërcëllitje, pëlcitje, thirrje, jehonë, bujë.

ZHURMË

ZHÚRM/Ë,~A f. sh. ~A, ~AT 1. Zëra e tinguj të çrregullt e të përzier, zakonisht kur përplasen a fërkohen sende njëri me tjetrin, kur punon një makinë ose një mjet tjetër, kur pëlcet diçka, kur lëviz, shtypet a thyhet ndonjë gjë etj.; krismë, rrapëllimë; kund. qetësi. Zhurmë shurdhuese. Zhurmë e lehtë (e mbytur). Zhurmë hapash. Zhurma e erës. Zhurma e aeroplanit (e traktorit, e makinës, e rrotave të trenit). Zhurma e ujit (e përroit, e detit). Zhurma e lopatave. Zhurma e armëve. Bën zhurmë. Ra (u shemb, u përplas) me zhurmë. Hyri (u ngjit) pa zhurmë. Pushoi (u pre) zhurma. Nuk dëgjohej asnjë zhurmë. Zhurmëria monotone e pyllit po i ndillte gjumin.
2. Britma e thirrje njerëzish që grinden ose që flasin njëkohësisht; zëra të ndryshëm të përzier e të çrregullt që të vrasin veshin, potere. Zhurma e nxënësve në klasë. Zhurma e dasmorëve. Ka shumë zhurmë. - Mos bëni zhurmë! - Pa zhurmë!
3. spec. Tinguj të çrregullt që lëshohen nga aparate të posaçme për të penguar dëgjimin e radios etj.; tingëllim i çrregullt e jo i qartë i zërit që del nga një radio a nga një aparat tjetër. Zhurma e aparatit radiomarrës. Zhurmat e zhurmuesit. Zhurma e radios (e stacionit).
4. mjek. Tingull që nuk shfaqet me tone të qarta. Ka zhurmë në zemër.
5. keq. Diskutim i madh e i fryrë, që bëhet qëllimisht në shtyp etj. rreth një njeriu, një vepre a një çështjeje për të tërhequr vëmendjen e njerëzve, për të mashtruar, për t'u dukur etj.; bujë. Zhurmë mediatike. Zhurma e propagandës partiake. Prirje për bujë e për zhurmë. Pa zhurmë e pa bujë. Bën shumë zhurmë. E shpallën me zhurmë.
✱Sin.: zhurmëri, zhurmërimë, zhurmërim, krismë, rrapëllimë, rropamë, zukamë, shurukamë, shamatë, potere, gulm, bujë.
♦ Bëri zhurmë. 1. (dikush) U grind e foli rëndë, bërtiti për diçka që nuk shkonte a nuk ishte kryer ashtu siç duhej; bëri potere vjet.; bëri shamatë vjet. 2. (diçka). shih bëri bujë (diçka).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë