Fjalori

Rezultate në përkufizime për “rrohet”

Mëso si ta përdorësh
<<< Kthehu te kërkimi kryesor në fjalor

GJALLËROHEM

►GJALLËR/ÓHEM jovep., ~ÓVA (u), ~ÚAR vetv. 1. vet. v. III Merr përsëri jetë e force; përtërihet. Gjallërohet bima. Gjallërohet trupi.
2. Bëhem më i gjallë e më i shkathët, dal nga plogështia; filloj të lëviz, të veproj a të flas me gjallëri. U gjallërua përsëri. U gjallërua e tërë klasa.
3. vet. v. III Fillon të bëhet a të zhvillohet më me vrull e më shpejt, i shtohet hovi e forca, nis të ecë më me gjallëri. Gjallërohet jeta. U gjallërua jeta studentore. Më në fund, u gjallërua diskutimi.
4. vet. v. III Mbushet përsëri me njerëz që lëvizin pa ndërprerje e që punojnë, mbushet me jetë. U gjallërua sheshi. U gjallërua oborri i shkollës.
5. vet. v. III Rrohet, jetohet. Nuk gjallërohet në atë vend.
✱Sin.: përtërihet, këndellem, shkundem, shkrydhem, çndryshkem, shkrifërohem, shpirtërohem, rrohet, jetohet.

JETOHET

►JET/ÓHET jovep., ~ÚA (u), ~ÚAR 1. pavet. Mund të jesh i gjallë, mund të rrosh; plotësohen nevojat për të jetuar, janë kushtet e nevojshme për jetesë; mund të kalosh jetën a të rrosh me dikë, mund të lidhesh a të hysh në marrëdhënie të caktuara me të gjatë jetës. Pa ajër (pa ujë) s’jetohet. Sa mirë jetohet në fshat! S’jetohet në kurriz të të tjerëve. S’jetohej me atë burrë (me atë grua).
2. pës. e JETÓJ7.
✱Sin.: rrohet, gjallohet, gjëllin.

PAVETOR

PAVETÓR, ~E mb., gjuh. 1. Që përdoret vetëm në vetën e tretë njëjës, por jo në kuptimin e mirëfilltë të kësaj vete dhe që për këtë arsye nuk e tregon sendin a qenien që kryen veprimin (për foljet si bubullin, vetëtin, flihet, ecet etj.); njëvetore. Folje pavetore.
2. Që ka si kallëzues një folje, trajta e së cilës nuk shpreh një vetë të caktuar (për fjalitë njëkryegjymtyrëshe, si: Sa të rrosh, do të mësosh. Vetëm nuk rrohet. S’më flihet etj.). Fjali pavetore.

RROHET

►RRÓ/HET jovep., ~, ~ vetv., vet. v. III Mund të kalohet jeta në një vend, në rrethana të caktuara a në një mënyrë ose bashkë me dikë (zakonisht me mohim). Rrohet më mirë me nder e me punë. S’rrohet me ëndrra. S'rrohet vetëm. S'rrohet pa punuar. Si mund të rrohet me padrejtësi?

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë