Fjalori

Rezultate në përkufizime për “rrethator”

Mëso si ta përdorësh
<<< Kthehu te kërkimi kryesor në fjalor

RRETHAK

RRETHÁK,~U m. sh. ~Ë, ~ËT Vend i thurur përreth me gardh a me diçka tjetër. Rrethaku i lojërave. Rrethakun e bagëtive e kishte bërë vetë. Hyri në rrethak.
✱Sin.: rrethator, rrethosë, rrethojë, gardh.

RRETHATOR

RRETHATÓR,~E mb. Që është i rrumbullakët; që është i mbyllur në trajtë rrethi. Vend rrethator. Shesh rrethator.
✱Sin.: rrethor, i rrumbullakët, rrumbullak, qarkor.

RRETHOJË

RRETHÓJ/Ë,~A f. sh. ~A, ~AT Thurimë me dërrasa ose me diçka tjetër, që vihet rreth oborrit a një vendi tjetër. Rrethojë dërrase. Po ndreqte rrethojën e oborrit.
2. Tepsi. Rrethojë me petulla.
✱Sin.: rrethosë, gardh, rrethator, rrethak.

RRETHOSË

RRETHÓS/Ë,~A f. sh. ~A, ~AT Vend i rrethuar për të ruajtur barin; rrethojë; rrethak. I futi qengjat në rrethosë.
✱Sin.: gardh, rrethator, tepsi.

RRUMBULLAKËT

RRUMBULLÁKËT (i, e) mb. 1. Që ka trajtën e një lëmshi a të një topi; që nuk është i rrafshët. Luanin me gurë të rrumbullakët. Kësulë (qeleshe) e rrumbullakët kësulë (qeleshe) që ka trajtën e një gjysmëlëmshi, që nuk është e shtypur në majë. E bëri të rrumbullakët.
2. Që ka trajtën e një rrethi të plotë a të një unaze; që vjen si hark, që nuk është me kënde. Tryezë e rrumbullakët. Pllakë e rrumbullakët. Vizatoi disa vija të rrumbullakëta. Krimbat e rrumbullakët. zool.
3. fig. Rrumbullak2. Kishte fytyrë të rrumbullakët.
4. I plotë, që llogaritet me dhjetëshe (ose me pesëshe) pa nënndarje të tjera më të vogla ose pa nënndarje të dhjeta e të qindta (për shifrat, datat). Numër i rrumbullakët. Shifra të rrumbullakëta.
✱Sin.: i rrumbullt, rrethor, rrethator, lëmshor, kokërdhak, buçkan.
♦ *Tryezë (tavolinë) e rrumbullakët takim për të diskutuar çështje të caktuara.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë