Fjalori

Rezultate në përkufizime për “rrefkët”

Mëso si ta përdorësh
<<< Kthehu te kërkimi kryesor në fjalor

PAPËRMBAJTUR

PAPËRMBÁJTUR (i, e) mb. 1. Që nuk është në gjendje ta përmbajë veten, që merr zjarr menjëherë; që rrëmbehet përnjëherë, i nxituar; kund. i përmbajtur. Njeri i papërmbajtur.
2. Që është veti e një njeriu të rrëmbyer; që shfaqet me forcë, menjëherë e në mënyrë shumë të dukshme; kund. i përmbajtur. Karakter i papërmbajtur. E qeshur e papërmbajtur. Dëshirë (ndjenjë) e papërmbajtur.
3. I papërmbajtshëm; kund. i përmbajtshim. Hov i papërmbajtur. Zhvillim i papërmbajtur.
✱Sin.: i papërmbajtshëm, i rrëmbyer, i pafre, i shfrenuar, i furishëm, i azdisur, i harbuar, i tërbuar, i zijosur, i nxituar, gjaknxehtë, i ngutur, kryekërcyer, frelëshuar, kokëkrisur, kokëndezur, shkumëzues, frekëputur, i turrshëm, i nxehtë, i shkalluar, i çmendur, zemërak, i rrefkët, i egër, i tërhuzur, i trentë, i vrullshëm, hergjele.

RREFKËT

RRÉFKËT (i, e) mb. 1. Që ka natyrë të ashpër e të rëndë; zemërak. Njeri i rrefkët. Vetëm ai i qetësonte kuajt e rrefkët. Nuk ishte mësuar me sjellje të rrefkëta.

2. I rrëmbyeshëm, i vrullshëm. Shi i rrefkët. Lumenj të rrefkët.

✱Sin.: i rreptë, i ashpër, i vrazhdë, zemërak, i rrëmbyeshëm, i vrullshëm.

RREFKËT

RRÉFKËT ndajf. Me ashpërsi, me zemërim, rreptë. Më shikoi rrefkët. Tashmë nuk i fliste rrefkët.
✱Sin.: ashpër, vrazhdë.

RREFKËTOHEM

►RREFKËT/ÓHEM jovep., ~ÓVA (u), ~ÚAR 1. vetv. Bëhem zemërak, egërsohem, ashpërsohem. U rrefkëtua prej fjalëve të shokut.
2. vet. v. III Acarohet (për plagët, motin). Moti ishte rrefkëtuar atë mbrëmje tetori.

RREFKËTOJ

RREFKËT/ÓJ vep., ~ÓVA, ~ÚAR kal. 1. E zemëroj keq, e egërsoj. E rrefkëtoi me sjelljen e tij.
2. vet. v. III Acaron (plagën etj.). I nxehti ia kishte rrefkëtuar plagën.

SERSEM

SERSÉM,~E mb., bised. I rreptë. Ky është një fëmijë sersem. Të atit sersem nuk ia kthente fjalën kurrë.
✱Sin.: i ashpër, i vrazhdë, nevrik, i egër, egërshan, i prerë, i sertë, i rrefkët, i rëndë, i kreshtë.

SERSEN

SERSEN,~E mb., bised. Sersem. E kishte gruan sersene të madhe.
✱Sin.: i rreptë, i ashpër, i vrazhdë, nevrik, i egër, egërshan, i prerë, i sertë, i rrefkët, i rëndë, i kreshtë.

VRULLSHËM

VRÚLLSH/ËM (i), ~ME (e) mb. Që lëviz shpejt e me forcë, i hovshëm, i rrëmbyeshëm; që bëhet a që vjen me vrull; që ndodh shpejt e papritmas. Njeri i vrullshëm. Lumë i vrullshëm. Shi i vrullshëm. Lojë e vrullshme. Lëvizje e vrullshme. Punë e vrullshme. Jetë e vrullshme. Zhvillim i vrullshëm. Sulm i vrullshëm. Ngjarje të vrullshme.
✱Sin.: i hovshëm, i rrëmbyeshëm, i turrshëm, i rrefkët, i stuhishëm, i furishëm, i vrulltë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë