Fjalori

Rezultate në përkufizime për “rrallohet”

Mëso si ta përdorësh
<<< Kthehu te kërkimi kryesor në fjalor

DENDËSOHET

►DENDËS/ÓHET jovep., ~ÚA (u), ~ÚAR vet. v. III 1. vetv. Vjen e bëhet më i dendur, shpeshtohet; kund. rrallohet. Dendësohet pylli. Dendësohet bari. Dendësohet dëbora. Dendësohen vizitat (takimet). Dendësohet zjarri.
2. vetv. Vjen e bëhet më i ngjeshur e më pak i tejdukshëm. Dendësohen retë. Dendësohet mjegulla. Dendësohet tymi (pluhuri). Masa dendësohet gjatë ftohjes.
3. pës. e DENDËSÓJ. Ajri dendësohet nga avujt.
✱Sin.: shpeshtohet, shpeshohet, dendet, rëndohet, trashet, ngjishet.

PAKËSOHEM

►PAKËS/ÓHEM jovep., ~ÓVA (u), ~ÚAR 1. vetv., kryes. sh. ose v. III Zvogëlohemi në numër; bëhet më pak se sa ishte; kund. shumohet, shtohet. Pakësohet numri i të sëmurëve. U pakësuan në shtëpi. Janë pakësuar shumë rastet e fatkeqësive.
2. vetv., vet. v. III I zvogëlohet vëllimi a sasia diçkaje; bëhet më i vogël. U pakësua importi. Janë pakësuar shpenzimet. Ishte pakësuar uji.
3. vetv., vet. v. III Ulet vrulli ose shkalla e shfaqjes së diçkaje, bie. Iu pakësuan dhembjet. Iu pakësua oreksi (zelli). U pakësua era (shiu, dëbora). Iu pakësua lavdia.
4. vetv., vet. v. III Zvogëlohet forca a shpejtësia; dobësohet. Nuk u pakësohen forcat. U pakësuan dallgët. U pakësua drita (ndriçimi, shkëlqimi).
5. pës. e PAKËSÓJ.
✱Sin.: paket, pakohet, zvogëlohet, zbret, ulet, bie, rrallohet, dënohet, dobësohet, mpaket, zbehet, lehtësohet, vaket, platitet, tulatet, shkurtohet.

RRALLIM

RRALLÍM,~I m. sh. ~E, ~ET Veprimi kur rrallon ose rrallohet diçka. Bujqit po punonin për rrallimin e parë të fidanëve. Rrallimi i pyjeve ka sjellë pasoja për gjelbërimin e mjedisit. Flas për efektet e rrallimit të prodhimeve të vendit.
✱Sin.: rrallësim, pakësim, harrje, përanditje, tëharrje.

RRALLUESHËM

RRALLÚESH/ËM (i), ~ME (e) mb. Që mund të rrallohet, që mund të pakësohet. Material i rrallueshëm. Lëndë e rrallueshme. Po përdorte një vaj për flokë të rrallueshëm.

RRALLËSOHET

►RRALLËS/ÓHET jovep., ~ÚA (u), ~ÚAR vetv., vet. v. III Rrallohet. Floku po fillon të rrallësohet. Janë rrallësuar yjet.

SHARMOHET

►SHARM/ÓHET jovep., ~ÚA (u), ~ÚAR pës., vet. v. III e SHARMÓJ. Hardhia u sharmua me kujdes. Vreshti sharmohet më mirë në mëngjes. Pjergulla ishte sharmuar me mjeshtëri.
✱Sin.: kihet, tëharret, krasitet, rrallohet, shkadhitet, qesatet, vilatet, shytohet.

SHKADHITET

►SHKADHÍT/ET (SHKADHÍS/ET) jovep., ~ (u), ~UR bujq., vet. v. III, pës. e SHKADHÍT. Ajo pemë u shkadhit nga mjeshtri. Shkadhitet ulliri.
✱Sin.: krasitet, tëharret, qesatet, rrallohet, shkurtohet.

SHKALBËZOHET

►SHKALBËZ/ÓHET jovep., ~ÚA (u), ~ÚAR vet. v. III, pës. e SHKALBËZOJ. U shkalbëzuan pesëdhjetë hektarë pyje.
✱Sin.: kihet, shkadhitet, shkëmeset, rrallohet, zhvishet, harret, shkurtohet, vilatet, qesatet, zvilohet, dëliret.

SHOGEM

SHÓG/EM jovep., ~A (u), ~UR vetv. 1. Më bien flokët, mbetem pa flokë, bëhem tullac. Është shogur herët. Kur plaket burri, i shogen flokët. Edhe pse në moshë, akoma nuk ishte shogur krejt.
2. vet. v. III I bien qimet një kafshe. Ujqit në verë shogen. Kishte dëgjuar se shogen edhe dhitë.
3. vet. v. III Zhvishet nga pemët një vend, blecohet, zbulohet; kund. vishet, mbulohet (nga pemët). U shog mali. Kur priten të gjitha pemët mali shoget.
4. fig. Largohem nga një punë a diçka se më mërzitet, zvirdhem, ftohem. Shogem nga leximi. Kur e pashë në atë gjendje, u shoga prej saj. I ishte shogur çdo gjë.
5. vet. v. III Krasitet një pemë, pastrohet nga degët e tepërta, kihet, shkardhitet, rrallohet. Shogen pemët pak para pranverës. U shog ulliri.
✱Sin.: zhvishet, blecohet, zbulohet, kihet, shkadhitet, rrallohet, krahitet, qesatet, zvirdhem, zbaritem, zverëtitem, ftohem, mërzitem.

SHPESHTOHET

►SHPESHT/ÓHET jovep., ~ÚA (u), ~ÚAR vetv., vet v. III Përsëritet më shpesh, bëhet më i shpeshtë, dendësohet; kund. rrallohet. Shiu u shpeshtua. Iu shpeshtua frymëmarrja.
✱Sin.: dendësohet, shpeshohet.

SHYTOHET

►SHYT/ÓHET jovep., ~ÚA (u), ~ÚAR 1. pës., vet. v. III e SHYTÓJ. Ishte shytuar qypi nga i vogli. Pema u shytua në pranverë.
✱Sin.: cungohet, cungullohet, krasitet, shkadhitet, rrallohet.

ÇRRASET

►ÇRRÁS/ET jovep., ~(u), ~UR vet. v. III 1. vetv. Përhapet a rrallohet një grumbull njerëzish të ngjeshur me njëri-tjetrin; shpërndahet; kund. rraset. Çrrasen njerëzit.
2. pës. e ÇRRAS. Çrraset dheu (duhani). E çrrasi pykën.
✱Sin.: shpërndahet, rrallohet, përhapet, heq, nxjerr, shkrif, çliroj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë