Fjalori

Rezultate në përkufizime për “rrahçë”

Mëso si ta përdorësh
<<< Kthehu te kërkimi kryesor në fjalor

PINAR

PINÁR,~I m. sh. ~Ë, ~ËT Rrjetë peshkimi në trajtën e një koshi të thellë e me pesë rrathë prej druri, vallkua, rrahçë. Pinar për ngjala.
✱Sin.: rrjetë, vallkua, rrahçë.

RRJETË

RRJÉT/Ë,~A f. sh. ~A, ~AT 1. Mjet i punuar me fije të holla, të thurura rrallë në mënyrë të rregullt, me trajta e përmasa të ndryshme, që përdoret për të kapur peshq, shpendë, insekte etj. Mori rrjetën e peshkimit. Rrjetë për të kapur zogj (flutura). E kapi duke përdorur dy rrjeta.
2. Mjet i punuar prej fijesh metalike etj. të thurura rrallë, që përdoret për qëllime të ndryshme. Rrjetë teli. Rrjetat e imëta përdoren për të mos lejuar insekte që të hyjnë nga dritaret. Punonte duke përdorur rrjetë mbrojtëse.
3. Trastë e punuar prej fijesh të holla, që përdoret për të mbartur sende të ndryshme. E mbushi me mollë rrjetën.
4. sport. Thurimë prej fijesh të endura rrallë, që vihet për të ndarë në dy pjesë fushën e lojës ose për të mbyllur portën. Rrjetat e volejbollit (të tenisit, të pingpongut). Arbitri kontrolloi rrjetat e portës. Dërgoj topin në rrjetë. Përfundon (mbyllet) me rrjeta të paprekura mbaron pa shënuar gol asnjëra palë, përfundon zero me zero (për një lojë). Tundi rrjetën. bised. shënoi gol duke gjuajtur fort.
5. fig. Grackë e kurdisur hollë kundër dikujt, kurth. Nuk binte në rrjetën e thashethemeve.
✱Sin.: vallkua, rrahçë, pinar, pëlhurë, pezhishkë.
♦ Ra në rrjetë (dikush) shih ra në kurth (dikush). E hodhi rrjetën (dikush) filloi të merret me diçka, ia nisi një pune, iu fut diçkaje. Rrjetë (*pëlhurë) merimange. E shtiu në rrjetë (dikë) shih e shtiu (e futi) në kurth (dikë). E zuri me rrjetë (dikë) i kurdisi një mënyrë të hollë për ta gënjyer, për ta bërë për vete a për ta nënshtruar; e shtiu në rrjetë; e shtiu (e futi) në kurth.

VALLKUA

VALLK/ÚA,~ÓII m. sh. ~ÓNJ, ~ÓNJTË Mjet peshkimi më i gjerë nga një anë dhe më i ngushtë nga ana tjetër, që ka brenda disa qese a hinka prej rrjete, që përdoret kryesisht për të zënë ngjala e peshq të tjerë që kalojnë nga lagunat ose liqenet në det a në pjesën e sipërme të lumit në drejtim poshtë; pinar, rrahçë, rrjetë. Gjuajnë me vallkua.

VALLKUA

VALLK/ÚA,~ÓIII m. sh. ~ÓNJ, ~ÓNJTË Kopan rrobash, rrahës, shkundës, pallë. Shkundte pluhurin e shtrojave me vallkua (qilima, tapete etj.).
✱Sin.: lasë, pirajkë, rrahçë, rrahës, pallë, rrecë.

VLAK

VLÁK,~UI m. sh. VLÉQËN, VLÉQNIT Rrjetë peshkimi e punuar me thupra të thurura rrallë duke i dhënë formën a trajtën e një hinke. E hodhi vlakun për të zënë peshk. I erdhën mirë peshqit në vlak kësaj radhe.
✱Sin.: rrjetë, ngjicë, pinar, vallkua, rrahçë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë